Munen arruyas nni n ȓfuqaha ak imeqqranen n Ayṯ-Israʼil. Wami mcawaren jarasen, ucin-asen ijjen n lƹadad n tmenyaṯ i ȓƹaskar nni. Nnan-asen i ȓƹaskar: "Aḏ tinim i yiwḏan qa usin-d imeḥḍaren nnes s ǧiȓeṯ, ysin ddat nnes wami tuɣa neccin neṭṭeṣ. U meȓa yarra-d lḥakem ȓexbar, a nemsefham akiḏes akenniw nesbeƹƹeḏ x lmuckila-ya." Kkaren ysin tmenyaṯ nni ȓƹaskar, ggin ƹlaḥsab mammec ṯen weṣṣan. Amenni intacar wawaȓ jar Ayṯ-Israʼil ɣar ȓexxu.