Kolossians 3 的熱門經文

分享

Make una dey bear with each oda; dey forgive each oda; even doh una get wahala with anybody. Just as Christ don forgive una, make una forgive odas too.

Make una dey tink about tins for heaven, nor bi tins for dis eart

Anytin wey una dey do, make una do am with all una body, like sey una dey do am for Christ and nor bi for pipol

So, as pipol wey God don choose, wey holy and wey E love well-well, make una kwik dey sorry for pipol; dey gentol; nor dey karry body up and wear patient like klot for body.

Make Christ word stay inside una and make una dey tish each oda with wisdom wey go make una heart strong. Make una dey sing psalms, hymns and spiritual song and dey do all dis tins to really tank God from una heart. For anytin wey una dey do, weda una dey tok or do oda tins, make una do am with awa Oga God Jesus Christ name and tank God thru am.

With all dis good tins, make una love one anoda, bikos na love bi di best tin wey fit whole una togeda.

So, if God raiz una with Christ, den make una put mind for tins wey dey heaven; di place where Christ for sidan for God rite side.

Make Christ peace dey rule una heart (bikos na thru dis peace, Christ take koll una as one body) and make una dey tank God.

So make una kill evry bad karata wey dis world dey bring: Like to dey sleep with pesin wey una nor marry; dey bihave anyhow; follow dis world tins; dey do bad tins; long-trot and to serve juju.

bikos una don die and una life dey save with Christ for inside God.

but naw, to dey vex anyhow; to get bad mind for pesin; to take mout spoil pesin and to dey curse pipol, make una remove dem from una life.

Since una don kill una old sef and di tins wey una dey do before, make una nor dey lie give each oda. Make una wear di new pesin, so dat una go dey new as una dey learn to know and bi like di Pesin wey kreate una.

Una wey bi husband, make una love una wife and nor dey wiked to dem.

Una wey bi pikin, make una dey obey una papa and mama for evritin, (dey do evritin wey una papa and mama tok), bikos na wetin Christ like bi dat.

Una wey bi wife, make una dey do wetin una husband wont, as Christ pipol suppose do.