Yoohana 10 的熱門經文

分享

Eti walah hato, ogoos ichoow wihi us baabiicho on menye, walah addane us iyamiit mele. An la a imiyye ꞌdee jiro tuum ꞌhessaan.

“Ani a ersinki haaggan. Ersinki haaggan la jeenteti us iiytiis iribo on u, jirotiis a bahcha.

ꞌDooꞌdi iꞌdi iiyteeye hooyeey a daaga, anna icho a garda, icho la ani a isooraahaan.

ꞌDooꞌdi ani isooraaho la jiroti jirtuu imassanne siicha, icho la jirtuu ma yamuutiin. Et dahanteey ikasaro mele.

Ani arite, eti tuummane ikasoogelo a lariba. Eta sum a soogela, toro la baha, yaakh yowta.

“An a ersinki haaggan. Iiyteey a garda, iiyteey la a igaratta.

Aabbaheeyki dahanteey soogesse walah tuumman a kaweenyahe, jeentetaas u la, et dahan Aabbaheey kabihin yabuuꞌd mele. Ani ichoow Aabbaheey a koo kalday.”

Saggi Aabbaheey ani igarti, iche ani laka Aabbaheey igarda. Anna jeenteti iiyteey u jiroteey a bahcha.

Et jiroteey ikabahcho mele, iꞌdaasenyi ani on iꞌdaanu bahcha. Antohi an jiroteey kabahcho a khaba, toro antohi an isikasoolaabo a khaba. Amura Aabbahaaya kaꞌhele.”

Maantaka Yeesso toro wihi us yidah, “Rume atin icheeka, ani a iꞌdi aritti sunki iiyyaat.

Eti lakireeste, iiy yaakhime igaranne iiye la tiis ieheynan, chuꞌus yaay arge, iiy a kataba, firda. Yaaye ꞌdeerka iiy goyaka koo tagiise, iiyti addan la seley baabaata.

Yeesso wihi us ꞌdooꞌd iyidah, “Rume atin icheeka, eti sunki iiyyaat ka arit itabine, iꞌdaasenyi ꞌdossoo on tabe sum gele, etaas hatto leeyahe, toro la a eti enenyet walah saro.