Цецн селвгүд 3 的熱門經文

分享

Эврәннь тоолвртан биш, Деед Эзнд зүркәрн итк. Ямаран керг күцәв чигн, Деед Эзиг медҗ ав, чини хаалһиг тер чиклх.

Бийән цецн күүнд бичә тоол, Деед Эзнәс ә, хорта йовдлас сагл

Юн чигн юмна түрүн оруһас Деед Эзнд эврә бәрц бәр, тегәд чини юм хадһлдг һазр элвг зөөрәр дүүрх, бочкс шин чаһрар дүүрх.

Иткл болн үннч бәәдл чамас салшго: тедниг күзүнә кеерүл мет, күзүндән зү, тедниг зүркән әмд деерән бичә март,

Көвүн минь, Деед Эзнә сурһмҗ бичә буруша. Терүнә шоодврас бичә зул. Юңгад гихлә, Деед Эзн дурта күүһән шоодна, эцклә әдләр көвүһән күндлнә.

Мини номиг көвүм бичә март, зүркндән мини заавр хадһл. Юңгад гихлә, энчн чини өдрмүдиг, насиг уттулх, чини җирһлиг ясрулх.

Цецн Уха авсн күн буйн-кишгтә, тоолврта күн буйн-кишгтә. Цаһан мөңгтә болснас Цецн Ухата болсн деер, юңгад гихлә, тер алтнас үнтә. Олн өңгтә чолунас тер үнтә, седкл туссн нег чигн юмн терүнлә әдлцшго.

Кемр чини медлд күүнә зөөр бәәхлә, йосн эзнднь терүг арһта болхла өг

Деед Эзн Цецн Ухаһарн һазр тогтала, теңгриг медрләрн батлла.