Romanus 4 的熱門經文

分享

Ig ka isahkis ini gikamaxwan. Ig ka tukuh Uhokri gikaksan git aynesnima. Ini gikamaxwan ike gawaygi git, keh ig kabayha Uhokri adahan ini gikaksan git. Mmanawa ig hiyakni avititak giyakni ku ig Uhokri ka gidatnisima adahan ig keh ku samah gikaksan git.

Henewa in ku samah Uhokri gannasan awna. In awna: “Nah kuwis kaniyvep adahan pis humaw gihawkrikis ka aynsima hiyegviyenevwi.” Henewatbaki ig Uhokri awna git amekene Abraawh avim ini ku samah ig kote kakamkaynte. Mmanawa ku pariye Uhokri gikaksan ig hiyap giwtrik ke wotbe in kuwis danuhbe. Ig ner Uhokri ku pariye amekene Abraawh kamaxwa givitit, ig ner Uhokri ku pariye keh miyaravye iveg akiw, ku pariye kinetihwa amin arikna ku pariye kotene danuhte ke wotbe in ayipa danuhbe.

Pitatye ig Uhokri ike Kiyavwiye Jesus adahan ig miya udukwenavrikwiy adahan katiwnihpiye utaraksanwiy. Ayteke ig hawata kannikasevgi ariw miyaka akiw kahadbe igme ikeviye wotwiy uhiyekemniwiy nukunewa akiw, kibeyne hiyakemniki.

Ig amekene Abraawh kamaxwe ta avitit inakni Uhokri giwn ku ig kahiwhi ka aynsimanek. Ku aysaw ig ka iknema adahan ig kakamkayh, ig gidukwenewa iveg givitit Uhokri ku ig humawnek gihawkrikis ka aynsima hiyegviyenevwi.

Heneme wis ka darih gikaksan wot awakuma ukehbetanenwatma ku samah wis ihpene giwn. Kibeyne, ig ike wotwiy kabayka he gikannenwa akak gabay, ta wotwiy wixwiy ku pariye kamaxwenevwi givitit. Ayge nikwe madikte wixwiy amekene Abraawh gihiwhivwi darihpin. Ka ininewatma neras ku pariye ihevye giwn amekene Moís gikumadukan, heneme hawata neras ku pariye kamaxwevye givitit Uhokri ke amekene Abraawhbe.

Ig amekene Davi awna: “Ka aynsima batekka ay gimunkis hiyeg taraksavye ku aysaw Kiyavwiye Uhokri bayahminigkis ariw gitaraksankis, ig ka hiyap givathawnikis akiw. Ka aynsima batekka ay gimun pahavwi ku pariye Kiyavwiye Uhokri ka hiyavgi kema patehwevyema giwtrik.” Henewatbaki ig amekene Davi awna.

Mmanawa ig Uhokri gannasan awna: “Ig Abraawh kamaxwa givitit Uhokri. Inneki keh ig Uhokri hiyavgi kewa kibeynebe giwtrik.” Henewatbaki ig Uhokri gannasan awna.