Maatteeo 15 的熱門經文

分享

Nẽ thooꞌthioha ꞌcĩg aduhaannu niiga, au ꞌthinneetinitõõ cugguung. Nẽẽthĩ, thooꞌthiok iccig ꞌcĩg aaꞌnyuung ngagiit ĩĩtõ ꞌriiring ko. Adukna ꞌthinneetini cugguung muhẽẽnĩtĩ ꞌcĩ abathĩ, ruhẽẽnĩt hĩ ꞌtihẽẽnĩt cĩ ngaa cĩ eeto, hĩ ꞌtihõõnĩt tahatak, hĩ ĩgõr hĩ thooꞌthiok ꞌcĩg addangaakĩ eeta ꞌgõõnõgĩ hĩ ngaatĩ aduhaanĩ eeta thooꞌthiok ꞌcĩg abathĩ hẽꞌthẽcanit ꞌthaar cĩg eet umwa.

ꞌgii ꞌcĩ aduhun ũtũũgaa cĩ eeto, hõllõngaa aaꞌnyĩk ĩnõõnnõ hĩĩ ‘ꞌriiring,’ nẽ thõõth ꞌcĩ aduha ẽẽtĩ ũtũũgaa cĩnnĩ, ĩĩn ꞌgii ꞌcĩ aaꞌnyĩk ĩnõõnnõ hĩĩ ‘ꞌriiring,’ ko niccia.”

“ ‘Adĩhĩꞌthaa eeta cieeg nganĩĩt utugeetinii cĩggĩĩng haaga, nẽ ꞌrẽẽttĩg ꞌthinneeti cĩggĩĩng hĩ nganĩĩta. Abathĩ ngaatĩ alayya nẽẽg nganĩĩt, hatĩ alliman nyattal cĩ eetu.’ ”

Ẽdẽcĩ Yeesu anneek, “Ngaa cieeni, aꞌnyahi nii lemiinit cobbi gẽrrẽẽt! Hẽlẽma naa thõõth ꞌcĩ ajini nii ho.” Nĩngĩtĩ abũnnayyĩ bũhaanyĩnĩ ꞌthaa niccia noho.

Nĩngĩtĩ aku akannĩ ngaa nicciee huruꞌnyia muumaa cĩnnĩ nẽ ĩĩnnĩk, “Makayyioohit ẽlaanĩ!” Ẽdẽcĩ Yeesu anneek, “Hõllõngaa abũnnaa ngaatĩ attikiaanĩ ꞌgẽẽn cĩ loholeenu nẽ udhuhoothĩk ũthũrẽẽta.” Ẽdẽcĩ ngaa nicciee aĩ, “Dĩdĩ Makayyioohit, tananga ũthũrẽẽta buúk, nga ꞌthẽk au auran thuruthur ꞌcĩg adhuhi tẽrẽmẽẽjawaa ꞌcĩ aduhẽẽnĩ makayyiooha cĩggĩĩng.”