Maatteeo 13 的熱門經文

分享

Nẽẽthĩ, hinyomona ꞌcĩg ĩꞌthanothoothĩk ꞌthẽẽm ꞌcĩg abũnnaa, ĩĩn eet ꞌcĩg athĩhĩ nẽ agaacõ nyeemuut. Aattĩg nẽẽg hĩ haala ꞌcĩg abbiiri nẽ ittoorri tabattĩ mẽẽlĩg hĩllõõanit baag athacci ĩĩcĩ oou.”

Hinyomona aag ĩꞌthanothoothĩk bĩllanĩtõõ, ĩthakꞌthoothĩk nẽẽg buúk eet ꞌcĩg athĩhĩ nyeemuut cĩ Nyekuci nẽ ummuhit pĩĩrnanĩt cĩ rũgẽtõ hĩ ꞌgoolinit cĩ baliitto, ꞌcĩ aaꞌnyĩk eet hiittiõõ hõllõngaa adtican dtiic ꞌcĩ adiim Nyekuci.

Nẽ hinyomona ꞌcĩg ĩꞌthanothoothĩk ꞌgõõla, ĩthakꞌthoothĩk eet ꞌcĩg athĩhĩ nyeemuut cĩ habuccieet cĩ Nyekuci nẽ hõllõngaa aga buúk. Aku ꞌThĩttaanĩ nẽ uvvucan nyeemuut nicci ꞌthinneetinii cĩggĩĩng.

Nẽ hinyomona aag ĩꞌthanothoothĩk looc ꞌcĩ ĩĩn biyyiẽẽna, ĩthakꞌthoothĩk eet ꞌcĩg athĩhĩ nyeemuut taliitta nẽ elemit nĩĩcĩ noho. Nẽ hĩnĩngĩtĩ hõllõngaa aꞌnyak nẽẽg cõrrẽẽn ꞌcĩg uuthihi, hõllõngaa aalla lemiiniti cĩnĩĩng ĩꞌthõng. Má õkõmĩ rũgẽtĩ ho, hode aaꞌnyĩk nyeemuut ĩhõõggõ ꞌcannan, iita aharrieek nẽẽg thõõth cĩ Nyekuci.

“Aaĩ habuccieet cĩ hẽẽtkujjieen hĩ baliiniti ꞌcĩ aguꞌthi manatõõ tõõ. Nẽ ma ũmmũda ẽẽtĩ umwaanĩ, agunyuth hatĩ nẽẽ tarĩ nẽ hatĩ taliittaa ꞌcĩ aꞌnyak nẽẽ ho, ũũk ũtũũõĩ ijjio cĩgĩnnĩg vẽlẽk nẽ ũũk ũtũũwa mana tĩho.

Nẽẽthĩ, baa ĩꞌthanothoothĩk ũgẽẽgĩ ꞌthẽẽmĩĩ ꞌcĩg abũnnaa, nĩngĩtĩ au abbiirri hittoorri tabattĩ mẽẽlĩg hĩllõõanit baag athacci ĩĩcĩ oou.

Aanytĩk ꞌdwaanĩ hitiliꞌthia hĩ haal hõdẽĩ, ĩꞌthõng hõdõlan kõrra cĩ janiitto. Ma hatĩ kõr niccia, haduhaahi hatĩ naa dticcianniook cĩgannĩg huluttia nõõ ꞌdwaanĩ ĩĩcĩ oou hecebit nẽ ũtũũthĩtõ thõng. Nẽ hatĩ huduhaaha ĩhõõggõ haarrik ꞌcĩg ĩĩn haal ĩragawatõõ.’ ”