Noo Mian 26 的熱門經文

分享

Bee‐jee er nyn dwoaie as gow‐jee padjer, nagh duitt shiu ayns miolagh: ta’n spyrryd dy jarroo arryltagh, agh t’an eill annoon.

Eisht dooyrt eh roo, Ta my annym feer trimshagh, dy jarroo gys y baase: fuirree‐jee ayns shoh as freill jee arrey mârym.

As hie eh red beg sodjey, as huitt eh sheese er e eddin, as ghow eh padjer, as dooyrt eh, O my Ayr, my oddys eh ’ve lhig da’n cappan shoh goll shagh‐ym: ny‐yeih cha nee m’aigney’s, agh dty aigney’s dy row jeant.

Son shoh my uill’s jeh’n conaant noa, t’er ny gheayrtey son ymmodee son leih peccaghyn.

As myr v’ad gee, ghow Yeesey arran, as vannee eh as vrish eh eh, as hug eh eh da ny ostyllyn, gra, Gow‐jee, ee‐jee shoh my chorp’s.

As ghow eh yn cappan, as hug eh booise, as hug eh eh daue, gra, Iu‐jee ooilley jeh shoh.

As haink eh gys ny ostyllyn, as hooar eh ad nyn gadley, as dooyrt eh rish Peddyr, Kys ta shoh, nagh voddagh shiu arrey y reayll mârym un oor?

Agh ta mee gra riu, Nagh n’iu‐ym maghey shoh jeh mess y villey‐feeyney, derrey’n laa iuym eh ass‐y‐noa mêriu ayns reeriaght my Ayrey.

As chooinee Peddyr er ny goan va Yeesey er ghra rish, Roish gerrym y chellee, obbee uss mish three keayrtyn. As hie eh magh as cheayn eh dy sharroo.

Irree‐jee, as lhig dooin goll: cur‐my‐ner t’eshyn er‐gerrey dooin ta dy my vrah.

Eisht dooyrt Yeesey rish, Cur seose dty chliwe reesht ’sy fine: son nee adsyn ooilley ta goaill y cliwe, cherraghtyn liorish y chliwe.