Yauhaas 12 的熱門經文

分享

Tug kws xaav ua Kuv tug tubkhai, tug ntawd yuavtsum nrug Kuv moog, sub Kuv nyob qhovtwg, Kuv tug tubkhai txhaj yuav nrug Kuv nyob qhov ntawd. Kuv Txiv yuav ca tug kws ua Kuv le tubkhai tau ntsejmuag.

Tug kws hlub nwg txujsa, tug ntawd yuav nplaam txujsa; tug kws ntxub nwg txujsa huv lub nplajteb nuav, nwg yuav ceev tau txujsa ntawd moog ibtxhis.

Kuv qha tseeb rua mej has tas, yog lub noob nplej tsi poob rua huv aav hab lwj moog, nwg yuav nyob ua ib lub noob xwb. Tabsis yog lwj moog lawm, nwg yuav tawgpaaj txitxiv ntau.

Kuv yog qhov kaaj kws lug rua lub nplajteb pumkev, sub txhua tug kws ntseeg Kuv txhaj yuav tsi nyob huv qhov tsausntuj ntxiv lawm.

“Tug kws nov Kuv tej lug tabsis tsi ua lawvle tej lug ntawd, Kuv yuav tsi rautxim rua tug ntawd. Kuv tsi yog lug rautxim rua tuabneeg nplajteb, tabsis yog Kuv lug cawm tuabneeg nplajteb.

Tes Malis txawm muab tau ib fwj roj tswqaab kim heev kws yog muab nroj naludas ua, lug laub rua Yexus ob txhais kutaw, hab muab nwg cov plaubhau lug so. Cov roj ntawd tswqaab thoobplawg huv tsev.

Yogle ntawd, puab txhaj nqaa tej nplooj toovlaaj moog txaistog Yexus hab puab qw nrov-nrov has tas, “Hauxanas! Thov Vaajtswv foom koobmoov rua tug kws lug huv tug Tswv lub npe lug! Thov Vaajtswv foom koobmoov rua cov Yixalayees tug vaajntxwv!”

Yexus teb tas, “Nwgnuav tub txug lub sijhawm kws Tuabneeg Leejtub yuav tau txais tshwjchim lawm.