Luˇkaꞈ 12 的熱門經文

分享

Naw maꞈ yaw muiˬ-ehˇ lehˬ hmˬ taˬ-awˬ. Aˬ jeˬ miˇ neh ehˇ naˇ, naw maꞈ maˬ noeˬ maˬ duˇ-ehˇ jawˇ ngeh, Tsawˇ haˬ-euˬ Zaˬmaˇ oe tehꞈ-a.”

Kʼoeˇ jeˬ-ahˇ maˬ poˆ ni, Miˬyehˇ-euˬ miˇ kʼahˬ-ahˇ poˆ-awˬ. Miˬyehˇ naw maꞈ-ahˇ kʼoeˇ jeˬ kʼawꞈ biꞈ nehˬ laꞈ tehꞈ-a.

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ Yeˬsuˇ heu loꞈ-ehˇ paˇ ehˇ nehˬ-euˬ meh. “Pyuˇ shuiˇ myawˬ gahˬ-ahˇ mehˇ juiˇ maˬ ya juiˇ ni yahˇ-awˬ. Aˬ jeˬ miˇ neh ehˇ naˇ, tsawˇ haˬ tiˬ gʼaˬ smˇ muiˬ aˇ naˆ ni muiˬ kʼawꞈ, aˬ yawꞈ-euˬ pyuˇ shuiˇ myawˬ gahˬ baˬ da neh yaw dehꞈ ya dehꞈ-eu maˬ ngeuˇ-a.”

Aˬ jeˬ miˇ neh ehˇ naˇ, naw maꞈ neh pyuˇ shuiˇ myawˬ gahˬ kʼaˇ poˆ uiˬ taˬ-euˬ tsahˇ-ahˇ, naw maꞈ-euˬ nui ma jaˆ tehꞈ-a.

Kʼahˬ lahˇ-eu baˬ da neh yawˬ ha-euˬ dehꞈ ziˇ tiˬ caˆ mahˇ dzehˬ laˇ ni jahˇ nya-eu aˬ suˇ gʼaˬ jawˇ te.

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Kʼoeˇ miˇ neh, ngaˇ naw maꞈ-ahˇ heu loꞈ-ehˇ ehˇ-eu ma. Naw maꞈ yaw dehꞈ dehꞈ nya ni ya dzaˬ ya dawˇ-eu gʼaˇ duˬ hawˇ-eu, naw maꞈ-euˬ gʼawˇ mawˇ ya dm ya gʼaˬ-eu gʼaˇ duˬ kʼahˬ taˬ lahˇ.

Naw maꞈ-euˬ uˬ duˬ tsehˇ kahˇ-ahˇ keuˆ ni aˬ yawꞈ gui duˬ taˬ jiˇ-euˬ meh. Kʼoeˇ miˇ neh naw maꞈ taˬ guˆ. Myaˬ dui dui-eu jaˇ tseuˆ baˬ maꞈ naˆ maˬ tseˇ, Miˬyehˇ mehˬ shi naw maꞈ poeˬ dzehˬ-eu meh.

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Awꞈ-aꞈ gaˇ kawˆ shaˇ noeˬ haw sheˇ. Aˬ yawꞈ maꞈ cehˇ maˬ ka-a. Cehˇ maˬ yehˬ-a. Cehˇ jiˇ maˬ baw-a. Kʼaˬ dahˇ maˬ jaˆ-a. Ehˇ kʼawꞈ, aˬ yawꞈ maˬ-ahˇ Miˬyehˇ bi dzaˬ bi dawˇ-eu meh. Naw maꞈ aˇ jiˇ kʼoeˇ deuˬ naˆ maˬ tseˇ poeˬ dzehˬ-eu meh.

“Kʼoeˇ miˇ neh, dzaˬ dzaˬ dawˇ dawˇ gaˇ kawˆ tehꞈ-ehˇ shaˇ noeˬ shaˇ noeˬ-ehˇ nui maˬ shaˬ zahˬ taˬ mˇ.

Iˬ nah dehꞈ luꞈ kʼawꞈ, ni shawˬ nah miˬ dzaˬ-ahˇ bi jehˆ puiˆ jiˇ-eu jaˆ guˬ jaˆ gaˆ-ahˇ Miˬyehˇ kʼoeˇ naˆ ni bi dm bi gʼaˬ-eu ngeuˇ naˇ, naw maꞈ-ahˇ aˇ naˆ ni paˇ bi dm paˇ bi gʼaˬ nmˇ. Naw maꞈ aˬ jeˬ miˇ neh jah-eu gʼaˬ byehˆ byehˆ te.

Nymˬ-mˇ kʼaˇ dehˬ kaˬ taˬ-euˬ yawˬ jeˬ na luꞈ pah dzeh-awˇ, kʼaˇ zaꞈ taˬ-euˬ yawˬ jeˬ na luꞈ siˬ duˬ laˇ tehꞈ-a.