Jon 14 的熱門經文

分享

No ko haꞌa-oorea hanuelamanga oto huniꞌomu, na hanuelamanga ineu no ko niie oto huniꞌomu ie. Nou kaꞌa niie ike mala mwala aana walumalau ko nii-nii, taꞌe no ko nii toꞌohuu. Oto omu ke suꞌuri totolahiꞌe wa omu ke maꞌu-meꞌu.

A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.

Oto a Jisas ko si heꞌi teꞌuri loꞌu hunie mo pwaarongoisuli ingeie, “Omu ke suꞌuri totolahiꞌe. Omu ke hiiwalaimoli aana a God, na omu ke hiiwalaimoli noꞌone aaku.

Na iꞌemereꞌi a Mamaꞌa mere kei uusungeꞌinie mai nga iini huni peꞌiꞌomu, nge a Liꞌoa Maaꞌi eena. Ingeie ke si haꞌa-aamasitoꞌoꞌomu aana walu ola nou unuꞌi oto huniꞌomu, na ke haꞌasaiꞌomu aana ahutana mo ola ngeena.

A tei nge ko rongo hunie mo haꞌatolanga ineu na ko tola i suliꞌi, ingeie oto iini e manata diana hunieu. Na a tei ko manata diana hunieu, nge Aamaku kei manata diana hunie. Ineu noꞌone ne kei manata diana hunie, na ne ke si haꞌasaie aana tolahaku.”

Na ne kei haꞌatohu aana a Mamaꞌa, oto ingeie ke si uusungeꞌinie mai ngaeta iini huni peꞌiꞌomu na hunie ke iiꞌo susu oto peꞌiꞌomu. Na ingeie Liꞌoa aani walaimolinge otona. Mo iinoni aana walumalau saꞌa takuhie ike, aena aana kire saꞌa lio saie ike wa kire ke manataꞌinie. Taꞌe iꞌomu, omu manataꞌinie oto, aena aana e iiꞌo oto peꞌiꞌomu na kei iiꞌo i lalo aamiu.

Na mala uri omu ko sukaa nga mei ola i tehulaꞌana hiiwalaimolinge iꞌomu eeku, ne kei da mola huniꞌomu, hunie mwala ke si soi haꞌamanikuluꞌaa a God i tehulaꞌaku a Kale. Iau, mala omu kei sukaa nga mei ola aaku i tehulaꞌana omu norutoꞌo oto aaku, ne kei da oto urine huniꞌomu.”

Oto a Jisas e heꞌi unue loꞌu hunie mo pwaarongoisuli ingeie uuri, “Mala uri omu ko manata diana hunieu, omu ke tola i sulie mo haꞌatolanga ineu.

Mo leu ni iiꞌo aani kire hunge mola aana nume Aamaku. Mala uri nga mo ola urine haꞌike, haꞌalaa nou kaꞌa unue ike leune huniꞌomu. Taꞌe leune e toꞌohuu oto, na ie no ko lae oto i deu aakau aana nga leu talamiu.

Na i purine no ko lae i deu aakau aana nga leu talamiu, ne kei heꞌi ooli loꞌu mei, hunie uri omu ke iiꞌo peꞌieu aana leu ne kei iiꞌo aana.

Oto a Tomas ko teꞌuri hunie a Jisas, “Poro paine, melu kaꞌa manataꞌinie ike leu o ko lae aana. ?Haꞌalaa melu ke si saie tala hunie uri taa eena?”