Создавање 6 的熱門經文

分享

И се покаја Господ што го беше создал човекот на земјата, па се натажи во срцето Свое.

И Господ виде дека лошотиите меѓу луѓето на земјата се умножуваа, и дека сите мисли и помисли во срцата нивни беа зли во секое време.

Но Ное најде милост во очите на Господ.

Еве го животот на Ное: Ное беше човек праведен и непорочен во својот род; Ное живееше според Божјата волја.

И рече Господ: „Ќе ги истребам од земјата луѓето што сум ги создал – од човекот до добитокот, малите гадинки и небеските птици – бидејќи се каам што ги создадов.“

А кога луѓето почнаа да се множат на земјата, и ќерки им се народија, тогаш синовите Божји видоа дека ќерките човечки се убави и ги земаа, кои ги сакаа, за жени. И рече Господ: „Духот Мој нема вечно да ги одржува во живот луѓето, зашто тие се плот; деновите нивни нека им бидат сто и дваесет години.“ А во тоа време имаше џинови на земјата, особено кога синовите Божји почнаа да влегуваат при ќерките човечки и тие почнаа да им раѓаат; тоа се силните луѓе, прочуени од старото време.

И направи Ное сѐ како што му заповеда Бог; така направи.

И му рече Бог на Ное: „Крајот на секое суштество дојде пред очите Мои, зашто земјата се исполни со нивните злодела; и, еве, Јас ќе ги истребам од земјата.

Изгради си за себе ковчег од дрвото гофер, и направи прегради во ков­чегот; потоа намачкај го со смола од­нат­ре и однадвор.

И погледна Бог на земјата, и ете – таа беше расипана: бидејќи секое суш­тество беше се отклонило од својот пат на земјата.

И внеси во него исто така од сите животни, од секое суштество да има по две, за да останат со тебе во живот; од машки и од женски пол да бидат.