DITIRO TŠA BAAPOSTOLA 1 的熱門經文

分享

Lena le tlo fiwa maatla ge Moyamokgethwa o theogela go lena, la tlo ba dihlatse tša ka motseng wa Jerusalema le nageng ka moka ya Juda le ya Samaria, go fihla magomong a lefase.

Yena a re: Ga se taba ya lena go tseba mehla le mabaka a Tate a a beilego ka maatla a gagwe yena mong.

A na le bona a ba laela a re ba se tloge Jerusalema, ba dule gona, a re: Letelang tše Tate a le holofedišitšego, tše le di kwelego go nna. Gobane Johane, yena o kolobeditše ka meetse; ge e le lena le tlo kolobetšwa ka Moyamokgethwa ge go fetile matšatši a sego makae.

Ke bona ba a iponaditšego go bona mola a sa tšo tlaišwa, ba ba dihlatse tša gagwe ge a phela, ka ge ba mmone gantši ka matšatši ao a masome a mane, a ba botša tša mmušo wa Modimo

Ge a sa tšo realo, a rotošwa ba mo lebeletše; leru la mo tšea, ba se hlwe ba mmona.

Ba sa fela ba mo tsepeletše a eya legodimong, ba bona banna ba babedi ba eme le bona, ba apere bošweu. Bona bao ba bolela ba re: Lena banna ba Galilea! Le emetšeng le lelaletše legodimong? Yena Jesu yo, e a tlošitšwego go lena a išwa legodimong, o tlo boa ka wona mokgwa wo le mmonego a eya legodimong ka wona.