Di Jamiekan Nyuu Testiment 2012 (Drama NT)

<div class="version vid476 iso6393jam" data-vid="476" data-iso6393="jam">
 <div class="book bkJHN">
 <div class="chapter ch6" data-usfm="JHN.6">
 <div class="label">6</div><div class="s">Jiizas Fiid Faiv Touzn Piipl</div><div class="r">(Matyu 14.13-23; Maak 6.30-44; Luuk 9.10-17)</div><div class="p"> 1Afta dis, Jiizas lef go uova tu di ada saida Gyalalii Sii wid im falara dem. (Dem kaal it Taibiiriyos Sii tu.) 2Wan big kroud a piipl fala baka im, kaa dem si di powaful mirikl dem im did a wok an mek sik piipl get beta. 3So, Jiizas go op pan wan il-said an sidong op de wid im falara dem. 4(Nou, a did nieli taim fi di Juu dem Paasuova alidie.)</div><div class="p"> 5Wen Jiizas luk roun an si di big kroud a piipl we did a kom tu im, im se tu Filip, &#8220;Wich paat wi kyan bai fuud fi gi dem piipl ya?&#8221; 6(Jiizas did nuo we im did a-go du aredi, bot im se dat tu Filip kaa im did waahn fi fain out wa im wuda se.)</div><div class="p"> 7Filip ansa im an se, &#8220;No iivn iet mont wot a pie wuda inof fi bai fuud fi mek non a dem piipl ya get iivn wan likl tups a fuud.&#8221;</div><div class="p"> 8Den wan a im ada falara dem, Anju, Saiman Piita breda, se tu im se, 9&#8220;Si wan lili bwai ya wid faiv likl wiit bred an tuu likl fish, bot a ou dem a-go sorv fi so moch piipl?&#8221;</div><div class="p"> 10Jiizas se, &#8220;Mek di piipl dem sidong.&#8221; (Nou nof graas did de bout di plies.) Di piipl dem sidong an di nomba a di man dem ad op tu bout faiv touzn. 11So Jiizas tek di fuud, gi Gad tangks fi it an shier gi aal a di piipl dem. Dem get az moch az dem waahn. Afta dat, im tek di fish dem an du di siem ting.</div><div class="p"> 12Afta evribadi beli ful op, Jiizas se tu im falara dem se, &#8220;Tek op aal a wa lef uova, so dat notn no wies.&#8221; 13So dem tek op di lef-uova fuud an ful op twelv baaskit wid wa dem fain.</div><div class="p"> 14Wen di piipl dem si di powaful sitn we Jiizas du, dem staat se tu dem wan aneda, &#8220;A di Prafit we did fi kom iina di worl dis fi chuu!&#8221; 15Nou, chuu Jiizas did nuo se dem did waahn fi fuos im fi ton dem king, im lef de-so an go bak op iina di il.</div><div class="s">Jiizas Waak pan Waata</div><div class="r">(Matyu 14.22-27; Maak 6.45-52)</div><div class="p"> 16Wen iivnin kom, Jiizas speshal falara dem go dong a di liek, 17an dem go iina wan buot fi go a Kyaporniyom. (Bai da taim de, it did daak, an Jiizas neehn de wich paat dem did de yet.) 18Wen dem did a kraas di liek, wan chrang chrang piis a briiz staat bluo an di waata staat get wel rof. 19Afta dem ruo an ruo fi bout chrii ar fuo mail, dem si Jiizas a waak pan di waata a kom a di buot. An dem kech dem fried! 20Bot im se tu dem, &#8220;A mi, man! No bada fried!&#8221; 21Dem did glad fi tek im iina di buot an siem taim di buot riich di plies we paat dem did mek fi go.</div><div class="p"> 22Di neda die, di kroud a piipl we did uova di ada said a di liek si se a did onggl wan buot uova de an dat Jiizas neehn go iina it wid im falara dem, bot dem did go we lef im. 23Den nou, som buot komiin fram Taibiiriyos an sekl saida wich paat di piipl dem nyam di fuud afta di Laad did gi tangks fi it. 24So, wen di piipl dem si se Jiizas an im falara dem neehn de de, dem go iina di buot dem an go a Kyaporniyom fi luk fi Jiizas.</div><div class="s">Jiizas a di Bred we Gi Piipl Laif</div><div class="p"> 25Wen dem fain im pan di ada said a di liek, dem se tu im se, &#8220;Tiicha, a wen yu riich uova ya-so?&#8221;</div><div class="p"> 26So, Jiizas ansa dem an se, &#8220;Mi a-go tel unu sitn we chuu chuu: unu naa luk fi mi chuu unu si di big an powaful mirikl dem we unu si mi du. Nuo! Unu de luk fi mi kaa unu get fuud fi nyam unu beli ful. 27No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.&#8221;</div><div class="p"> 28So, dem aks im se, &#8220;Wa wi mos du, so wi kyan du wa Gad waahn wi fi du?&#8221;</div><div class="p"> 29Jiizas ansa dem an se, &#8220;A dis Gad waahn unu fi du: im waahn unu fi chos iina di wan we im sen kom.&#8221;</div><div class="p"> 30So, dem aks im se, &#8220;Wa kain-a powaful mirikl yu gweehn du fi wi so wi kyan si'it an biliiv iina yu? Wa yu a-go du? 31Wi faada faada dem did nyam mana iina di dezot. It rait dong iina Gad wod se, &#8216;Im gi dem fuud fram outa evn fi nyam.&#8217;&#8221;</div><div class="p"> 32So Jiizas se tu dem se, &#8220;Mi a tel unu fi chuu chuu: a no bred we kom fram outa evn Muoziz gi unu. Mi Faada a di wan we de gi unu di riil fuud fram outa evn. 33Kaa, di sumadi we kom dong fram outa evn an we gi laif tu di piipl dem we de iina di worl a im a di fuud we Gad gi.&#8221;</div><div class="p"> 34&#8220;So, sar,&#8221; dem se tu im, &#8220;gi wi da fuud de an no tap gi wi it.&#8221;</div><div class="p"> 35Den Jiizas se tu dem se, &#8220;A mi a di bred we gi laif. Di sumadi we kom tu mi naa go onggri agen. Di sumadi we chos iina mi naa go torsti agen. 36Bot, laik mi tel unu aredi, unu si mi an stil unu no chos iina mi. 37Evribadi we di Faada gi mi a-go kom tu mi, an mi naa go ron dem. 38Kaa mi kom dong fram outa evn fi du wa Gad waahn mi fi du, no fi du mi uona ting. 39An a dis di wan we sen mi waahn: im waahn mi fi no mek non a di piipl dem we im gi mi laas; im waahn mi fi mek dem kom bak alaiv pan di laas die. 40Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.&#8221;</div><div class="p"> 41Di Juu piipl dem nou staat grombl chuu im se, &#8220;Mi a di fuud we kom fram outa evn.&#8221; 42Dem se tu dem wan aneda se, &#8220;A no Jiizas, Juozif bwai pikni, dis ya? A no fi'im mada an faada wi nuo? So ou den im a taak bout se, &#8216;Mi kom dong fram outa evn&#8217;?&#8221;</div><div class="p"> 43&#8220;Unu tap grombl grombl mongks unu wan aneda,&#8221; Jiizas ansa dem. 44&#8220;Sumadi kyan onggl kom tu mi ef a di Faada jraa dem kom, an mi a mek dem kom bak alaiv pan di laas die. 45Wan a di prafit dem rait iina Gad wod se, &#8216;Gad a-go tiich aal a dem.&#8217; Evribadi we lisn tu di Faada an tek iin wa im se kom tu mi. 46A no se nobadi eva si di Faada yet. Nuo! Di onggl sumadi we eva si'im a di wan we Gad sen kom. A onggl im wan eva si di Faada. 47Mi a tel unu fi chuu chuu: enibadi we chos iina mi gweehn liv fi eva. 48Mi a di fuud we kaaz piipl fi liv. 49Unu faada faada nyam mana iina di dezot, an dem stil ded. 50Bot si di fuud ya we kom fram outa evn! Enibadi we nyam it naa go ded. 51Mi a di fuud we gi laif, an we kom dong fram outa evn. Ef enibadi nyam dis ya fuud ya, dem a-go liv fi eva. Mi uona badi a di fuud we mi gweehn gi so di piipl dem iina di worl kyan liv.&#8221;</div><div class="p"> 52Den di Juu dem staat kos an galang mongks dem wan aneda siek-a wa im se. Ier dem, &#8220;A ou da man ya kyan a gi wi im badi fi nyam?&#8221;</div><div class="p"> 53So Jiizas se tu dem se, &#8220;Mi a tel unu fi chuu chuu: ef unu no nyam di Man we Gad Pik badi an ef unu no jringk fi'im blod, unu naa go liv fi eva. 54Enibadi we nyam fi mi badi an we jringk fi mi blod a-go liv fi eva, an mi a-go mek dem kom bak alaiv pan di laas die. 55Kaa fi mi badi a di riil fuud an fi mi blod a di riil jringks. 56Enibadi we nyam mi badi an we jringk mi blod kluos tu mi, an mi kluos tu dem. 57Jos laik ou di Faada we gi laif sen mi an mek mi liv, a siem so mi a-go mek di sumadi we nyam mi liv. 58A dis a di fuud we kom dong fram outa evn. It no komiin laka di fuud we unu faada faada dem did nyam an stil ded. Di sumadi we nyam da fuud ya a-go liv fi eva.&#8221;</div><div class="p"> 59Nou, Jiizas se dem sitn ya wen im did a tiich a di Juu dem miitn ous iina Kyaporniyom.</div><div class="s">Nof a Jiizas Falara dem Lef im</div><div class="p"> 60Afta nof a Jiizas falara dem ier aal a we im did av fi se, dem se, &#8220;It no iizi fi tek iin wa im a tiich se. A wan aad sitn im a tiich. Uu kyan andastan wa im a se?&#8221;</div><div class="p"> 61Bot chuu Jiizas did nuo se im falara dem did a se dem sitn de, im se tu dem se, &#8220;Wa apm, wa mi se a bada unu? 62Den a wa gweehn apm ef unu si di Man we Gad Pik go bak we im did de bifuo! 63Di Spirit a wa gi piipl riil laif. Piipl no wot notn; dem kyaahn dwi'it. A di Spirit mek mi se wa mi de se tu unu, an we di Spirit se kaaz piipl fi av laif. 64Bot, som a unu no biliiv.&#8221; (Jiizas se dem sitn ya, kaa fram di staat, im did nuo di wan dem we neehn chos iina im, plos di wan we did a-go ton im uova tu im enimi dem.) 65So pan tap a dat im se, &#8220;A dat mek mi tel unu se nobadi kyaahn kom tu mi ef mi Faada no gi'im di chaans.&#8221;</div><div class="p"> 66Fram da taim de, nof a im falara dem ton bak an tap fala im.</div><div class="p">So im se tu im twelv falara dem se, 67&#8220;Unu no waahn lef tu?&#8221;</div><div class="p"> 68Saiman Piita ansa im an se, &#8220;Laad, a uu els wi mos go tu? A yu av di mesij we kaaz piipl fi liv fi eva. 69Wi biliiv an nuo se yu a di Uoli Wan we Gad sen kom.&#8221;</div><div class="p"> 70Den Jiizas ansa bak an se, &#8220;No twelv a unu mi pik? An stil wan a unu a di devl uona self.&#8221; 71(Nou, im did a taak bout Juudas, Saiman Iskyariyat bwai pikni, uu im nuo se did a-go ton im uova tu im enimi dem.)</div>
 </div>
 </div>
</div>

Afta dis, Jiizas lef go uova tu di ada saida Gyalalii Sii wid im falara dem. (Dem kaal it Taibiiriyos Sii tu.) Wan big kroud a piipl fala baka im, kaa dem si di powaful mirikl dem im did a wok an mek sik piipl get beta. So, Jiizas go op pan wan il-said an sidong op de wid im falara dem. (Nou, a did nieli taim fi di Juu dem Paasuova alidie.)
Wen Jiizas luk roun an si di big kroud a piipl we did a kom tu im, im se tu Filip, “Wich paat wi kyan bai fuud fi gi dem piipl ya?” (Jiizas did nuo we im did a-go du aredi, bot im se dat tu Filip kaa im did waahn fi fain out wa im wuda se.)
Filip ansa im an se, “No iivn iet mont wot a pie wuda inof fi bai fuud fi mek non a dem piipl ya get iivn wan likl tups a fuud.”
Den wan a im ada falara dem, Anju, Saiman Piita breda, se tu im se, “Si wan lili bwai ya wid faiv likl wiit bred an tuu likl fish, bot a ou dem a-go sorv fi so moch piipl?”
Jiizas se, “Mek di piipl dem sidong.” (Nou nof graas did de bout di plies.) Di piipl dem sidong an di nomba a di man dem ad op tu bout faiv touzn. So Jiizas tek di fuud, gi Gad tangks fi it an shier gi aal a di piipl dem. Dem get az moch az dem waahn. Afta dat, im tek di fish dem an du di siem ting.
Afta evribadi beli ful op, Jiizas se tu im falara dem se, “Tek op aal a wa lef uova, so dat notn no wies.” So dem tek op di lef-uova fuud an ful op twelv baaskit wid wa dem fain.
Wen di piipl dem si di powaful sitn we Jiizas du, dem staat se tu dem wan aneda, “A di Prafit we did fi kom iina di worl dis fi chuu!” Nou, chuu Jiizas did nuo se dem did waahn fi fuos im fi ton dem king, im lef de-so an go bak op iina di il.


Wen iivnin kom, Jiizas speshal falara dem go dong a di liek, an dem go iina wan buot fi go a Kyaporniyom. (Bai da taim de, it did daak, an Jiizas neehn de wich paat dem did de yet.) Wen dem did a kraas di liek, wan chrang chrang piis a briiz staat bluo an di waata staat get wel rof. Afta dem ruo an ruo fi bout chrii ar fuo mail, dem si Jiizas a waak pan di waata a kom a di buot. An dem kech dem fried! Bot im se tu dem, “A mi, man! No bada fried!” Dem did glad fi tek im iina di buot an siem taim di buot riich di plies we paat dem did mek fi go.
Di neda die, di kroud a piipl we did uova di ada said a di liek si se a did onggl wan buot uova de an dat Jiizas neehn go iina it wid im falara dem, bot dem did go we lef im. Den nou, som buot komiin fram Taibiiriyos an sekl saida wich paat di piipl dem nyam di fuud afta di Laad did gi tangks fi it. So, wen di piipl dem si se Jiizas an im falara dem neehn de de, dem go iina di buot dem an go a Kyaporniyom fi luk fi Jiizas.

Wen dem fain im pan di ada said a di liek, dem se tu im se, “Tiicha, a wen yu riich uova ya-so?”
So, Jiizas ansa dem an se, “Mi a-go tel unu sitn we chuu chuu: unu naa luk fi mi chuu unu si di big an powaful mirikl dem we unu si mi du. Nuo! Unu de luk fi mi kaa unu get fuud fi nyam unu beli ful. No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.”
So, dem aks im se, “Wa wi mos du, so wi kyan du wa Gad waahn wi fi du?”
Jiizas ansa dem an se, “A dis Gad waahn unu fi du: im waahn unu fi chos iina di wan we im sen kom.”
So, dem aks im se, “Wa kain-a powaful mirikl yu gweehn du fi wi so wi kyan si'it an biliiv iina yu? Wa yu a-go du? Wi faada faada dem did nyam mana iina di dezot. It rait dong iina Gad wod se, ‘Im gi dem fuud fram outa evn fi nyam.’ ”
So Jiizas se tu dem se, “Mi a tel unu fi chuu chuu: a no bred we kom fram outa evn Muoziz gi unu. Mi Faada a di wan we de gi unu di riil fuud fram outa evn. Kaa, di sumadi we kom dong fram outa evn an we gi laif tu di piipl dem we de iina di worl a im a di fuud we Gad gi.”
“So, sar,” dem se tu im, “gi wi da fuud de an no tap gi wi it.”
Den Jiizas se tu dem se, “A mi a di bred we gi laif. Di sumadi we kom tu mi naa go onggri agen. Di sumadi we chos iina mi naa go torsti agen. Bot, laik mi tel unu aredi, unu si mi an stil unu no chos iina mi. Evribadi we di Faada gi mi a-go kom tu mi, an mi naa go ron dem. Kaa mi kom dong fram outa evn fi du wa Gad waahn mi fi du, no fi du mi uona ting. An a dis di wan we sen mi waahn: im waahn mi fi no mek non a di piipl dem we im gi mi laas; im waahn mi fi mek dem kom bak alaiv pan di laas die. Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”
Di Juu piipl dem nou staat grombl chuu im se, “Mi a di fuud we kom fram outa evn.” Dem se tu dem wan aneda se, “A no Jiizas, Juozif bwai pikni, dis ya? A no fi'im mada an faada wi nuo? So ou den im a taak bout se, ‘Mi kom dong fram outa evn’?”
“Unu tap grombl grombl mongks unu wan aneda,” Jiizas ansa dem. “Sumadi kyan onggl kom tu mi ef a di Faada jraa dem kom, an mi a mek dem kom bak alaiv pan di laas die. Wan a di prafit dem rait iina Gad wod se, ‘Gad a-go tiich aal a dem.’ Evribadi we lisn tu di Faada an tek iin wa im se kom tu mi. A no se nobadi eva si di Faada yet. Nuo! Di onggl sumadi we eva si'im a di wan we Gad sen kom. A onggl im wan eva si di Faada. Mi a tel unu fi chuu chuu: enibadi we chos iina mi gweehn liv fi eva. Mi a di fuud we kaaz piipl fi liv. Unu faada faada nyam mana iina di dezot, an dem stil ded. Bot si di fuud ya we kom fram outa evn! Enibadi we nyam it naa go ded. Mi a di fuud we gi laif, an we kom dong fram outa evn. Ef enibadi nyam dis ya fuud ya, dem a-go liv fi eva. Mi uona badi a di fuud we mi gweehn gi so di piipl dem iina di worl kyan liv.”
Den di Juu dem staat kos an galang mongks dem wan aneda siek-a wa im se. Ier dem, “A ou da man ya kyan a gi wi im badi fi nyam?”
So Jiizas se tu dem se, “Mi a tel unu fi chuu chuu: ef unu no nyam di Man we Gad Pik badi an ef unu no jringk fi'im blod, unu naa go liv fi eva. Enibadi we nyam fi mi badi an we jringk fi mi blod a-go liv fi eva, an mi a-go mek dem kom bak alaiv pan di laas die. Kaa fi mi badi a di riil fuud an fi mi blod a di riil jringks. Enibadi we nyam mi badi an we jringk mi blod kluos tu mi, an mi kluos tu dem. Jos laik ou di Faada we gi laif sen mi an mek mi liv, a siem so mi a-go mek di sumadi we nyam mi liv. A dis a di fuud we kom dong fram outa evn. It no komiin laka di fuud we unu faada faada dem did nyam an stil ded. Di sumadi we nyam da fuud ya a-go liv fi eva.”
Nou, Jiizas se dem sitn ya wen im did a tiich a di Juu dem miitn ous iina Kyaporniyom.

Afta nof a Jiizas falara dem ier aal a we im did av fi se, dem se, “It no iizi fi tek iin wa im a tiich se. A wan aad sitn im a tiich. Uu kyan andastan wa im a se?”
Bot chuu Jiizas did nuo se im falara dem did a se dem sitn de, im se tu dem se, “Wa apm, wa mi se a bada unu? Den a wa gweehn apm ef unu si di Man we Gad Pik go bak we im did de bifuo! Di Spirit a wa gi piipl riil laif. Piipl no wot notn; dem kyaahn dwi'it. A di Spirit mek mi se wa mi de se tu unu, an we di Spirit se kaaz piipl fi av laif. Bot, som a unu no biliiv.” (Jiizas se dem sitn ya, kaa fram di staat, im did nuo di wan dem we neehn chos iina im, plos di wan we did a-go ton im uova tu im enimi dem.) So pan tap a dat im se, “A dat mek mi tel unu se nobadi kyaahn kom tu mi ef mi Faada no gi'im di chaans.”
Fram da taim de, nof a im falara dem ton bak an tap fala im.
So im se tu im twelv falara dem se, “Unu no waahn lef tu?”
Saiman Piita ansa im an se, “Laad, a uu els wi mos go tu? A yu av di mesij we kaaz piipl fi liv fi eva. Wi biliiv an nuo se yu a di Uoli Wan we Gad sen kom.”
Den Jiizas ansa bak an se, “No twelv a unu mi pik? An stil wan a unu a di devl uona self.” (Nou, im did a taak bout Juudas, Saiman Iskyariyat bwai pikni, uu im nuo se did a-go ton im uova tu im enimi dem.)

聆聽 Jan 6