Serer Version Eglise luthérienne du Sénégal (Non-Drama)

NQAARIIT NE ROOG

<div class="version vid3751 iso6393srr" data-vid="3751" data-iso6393="srr">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s1">Yeesu fa Sake</div><div class="p"> 1Cinj kaaga, Yeesu a xaa&#241;a kam Yeriko, a suuraa. 2A jeg&#8217;a maaga o koor o mayu halal oxaa ne&#8217;eena Sake, a ref o aa-adax no waa ndabdinooxoogna juuti. 3Sake a bug&#8217;a o and oxe Yeesu a refna, ndaa waag&#8217;iran o ga yaam wiin mayu waa ndeefan&#8217;uuna kaa mbegoogun o ten. Sake kaa ra&#421;&#8217;u bo ta hup. 4Naaga, a dalfooxa o &#436;uf a adook, soo a &#331;aay no ndaxar naa yoorooxna a &#429;at alaa, ndax ta ga&#8217;in, yaam maaga Yeesu a war&#8217;u o reef. 5Yaa Yeesu a fadiidna no mbi&#241; onqaaga, a daxaa&#436;ooxa, soo a layin ee:</div><div class="p">&#171;Heey Sake, &#241;ofandi fudooxiid, yaam no mbind of bugum o dal xaye.&#187;</div><div class="p"> 6Sake a &#241;ofa o fudoox, soo a ret a &#595;is a Yeesu no mbind um ndax ta dalnin. Sake a sawar&#8217;a lool, 7ndaa waa nga&#8217;na kaaga fop a &#241;unqumtilooxooga yee:</div><div class="p">&#171;&#394;eeti Yeesu a dalik no mbind no koor o paabakaad!&#187;</div><div class="p"> 8Kaa koy, Sake a inooxa, a geenoox soo a lay o Yaal oxe yee:</div><div class="p">&#171;O Caajangin oxe, we njegeerna dara, xam coox a den genwal fee na halal fee mi, too a so&#421;angaa yee naxaam o kiin, &#241;aam xaaliis um, xam daknin o ten kaa hupna boo a caf a nahak.&#187;#Sut 21:37</div><div class="p"> 9Yeesu a doonaan ee:</div><div class="p">&#171;Xaye sax a muc ale a rokiida no mbind nene, yaam o koor oxene o ndaan Abraham oo. 10Yaam o &#420;eenqe no kiin oxe kaa waa&#429;iid too a mucliid ke mo&#8217;na.&#187;#Mace 18:11</div><div class="s1">Xa qanjar xar&#595;axay wurus axe</div><div class="r">(&#599;eeti Mace 25:14-30)</div><div class="p"> 11Waa ndee&#429;na maaga a nan-gilooxooga kaaga, too Yeesu a dakooxa o naxoox a den yaam kaa matiidoogu a Yeerusaleem, too a mboog&#8217;a yee na waxtu faaga xan Maat ne Roog a fee&#241;.#Mace 25:14-30 12A laya boog ee:</div><div class="p">&#171;O kiin o maak &#241;aa&#436;koogu na saate fa ngo&#429;u ndax ta dodoox o maad, soo a nomtooxiidkaa. 13A xoya fa&#599; xar&#595;axay we ten ndax ta doxin a den, o kiin oo kiin o xanjar o leng wurus, too a lay a den ee: &#8249;Ndimandyo a den boo um helko fo nomtooxiidaa.&#8250; 14Kaa koy, we ngen&#8217;ina fo ten kaa sib&#8217;un, too a lula wiin a cinj um, ndax da lay ee: &#8249;I mbugee oxene a dodel o maad in.&#8250;</div><div class="p"> 15Yaa o kiin o maak oxe a nomtooxiidna, a so&#421; ta sog o refaa o maad, a xoyna paam um fa&#599; we ta doxin&#8217;ina xaaliis fee, ndax ta and ne o kiin oo kiin na den a rimandit&#8217;ina xaaliis um. 16O eetaand oxe a gara, a lay ee: &#8249;O yaal mbind es, o xanjar o leng ole a rima xa qanjar xar&#595;axay.&#8250; 17O yaal mbind um a layaan ee: &#8249;Jook a njal o tag o paax oxe. Gore&#8217;aa no tig neewu, ten taxu xam doxnong teeru xar&#595;axay!&#8250; 18O &#429;ikandeer oxe a gara, too a lay ee: &#8249;O yaal mbind es, o xanjar ole wo a rima xa qanjar xa &#421;etaq.&#8250; 19O yaal mbind um a layaan ee: &#8249;Wo itam, xam doxnong teeru &#421;etik.&#8250; 20O lakas a gara, a layin ee: &#8249;O yaal mbind es, o xanjar of oxey, kaam fof&#8217;un, geekin. 21Kaam diid&#8217;u yaam ne refoona o kiin o &#429;omu tig, kaa o sertaa kaa geekeeroona, soo saxadaa kaa duufeeroona.&#8250; 22O yaal mbind ne a layaan ee: &#8249;Xam hate&#8217;ong na fa lay of, o tag o soxodu xe! And&#8217;aa xil ee o kiin o &#429;omu tig refum, kaam sertaa kaa geekeeruuma, too saxadaa kaa duufeeruuma. 23Ndax kaa waag&#8217;iro o rawnit xaaliis fee mi, ndax um nomtooxiidangaa, um waag o daaw xaaliis es fo ke ta rimna?&#8250; 24Cinj kaaga, a laya waa ndee&#429;na maaga yee: &#8249;Nja&#595;yo o xanjar o leng ole ta jegna, too cooxin oxe jegna xa qanjar xar&#595;axay axe.&#8250; 25A layaan ee: &#8249;Yaal mbind, mee ndax a jega xa qanjar xar&#595;axay boo a &#436;ut?&#8250; 26&#8249;Neene koy, mexe layaa a nuun ee: Oxe jegna, xan a ci&#8217;el, ndaa oxe jegeerna o mat, onqe ta jegna sax xan a ja&#595;el.#8:18; Mace 13:12; Mark 4:25 27Fa&#241; we mi koy mbugeerna um maadoox took den, &#421;isiidaamoo a den mene, too mbar a den mbaambir es.&#8250;&#8202;&#187;</div><div class="s1">Yeesu a rokiida Yeerusaleem</div><div class="r">(&#599;eeti Mace 21:1-11; Mark 11:1-11; Sa&#331; 12:12-19)</div><div class="p"> 28A cinj yaa ta layna kaaga, Yeesu a adooxa, faan laa a ndeef took um, da mbaa&#429;ik a Yeerusaleem. 29Yaa da mbaambnooxna a Betfage fa Betani, farna fo o Joong olaa no taxar oliiw kaa, Yeesu a lula &#599;ik no daalbe we ten, 30a lay a den ee:</div><div class="p">&#171;Ndetyo na saate fee refna mbaambir nuun. Nu mbadangaa boo ndok, xan nu so&#421; maaga o mol o mbaam onqaa humeena, too o leng mosiran o &#331;aay. Mbokteenoo, &#421;isiidaam o ten. 31O kiin a laamtangaa a nuun ee: &#8249;Xar taxu nu mboktan?&#8250; fat nu ndoonin ee: &#8249;O Yaal oxe soxla&#8217;un.&#8250;&#8202;&#187;</div><div class="p"> 32Waa lul&#8217;eena a ndeta, too a so&#421;aan ne Yeesu a layit&#8217;uuna a den. 33Yaa da mboktaa o mol onqaa, we njeg&#8217;uuna a laya a den ee:</div><div class="p">&#171;Xar taxu nu mboktan?&#187;</div><div class="p"> 34A ndoona a den ee:</div><div class="p">&#171;O Yaal oxe soxla&#8217;un.&#187;</div><div class="p"> 35Maaga, a &#421;isiida a Yeesu o mol onqaa, a &#429;apanin toki den, soo a &#331;aaynin took fee. 36Yaa da ndetaa, wiin mayu a &#429;aapooga toki den kam a &#429;at ale. 37Yaa da mbaambnooxna Yeerusaleem, farna fa pudin alaa no Joong olaa no taxar oliiw kaa, faan laa no daalbe waa fop a sawara, a simataa a Roog a maak yaam a pi katil ake da nga&#8217;&#8217;ina. 38Kaa layoogu yee: &#171;O Maad oxe na garaa no gon le no Yaal oxe a hela simatel! Jam took asamaan fo o ndam took-ee-took!&#187;#Kt 118:26</div><div class="p"> 39Leng-leng no Farisiya waa ndee&#429;na ndeer no faan laa a laya a Yeesu yee:</div><div class="p">&#171;O Caajangin oxe, tiimni daalbe we wo!&#187;</div><div class="p"> 40Kaa koy, Yeesu a doona a den ee:</div><div class="p">&#171;Mexe layaa a nuun ee a tiimangaa sax, xan a kac ake a mbalaloox!&#187;</div><div class="s1">Dawid fo o Muumucil oxe regteena</div><div class="p"> 41Yaa Yeesu a faambnooxna teeru faa boo a ga&#8217;in, a loolooxaan, a lay ee:</div><div class="p"> 42&#171;Wo itam, boo waag&#8217;oona o and xaye ke waagoonga o ci jam! Kaa koy, ndiiki kaa mo a kid of. 43Xan a jeg a pe akaa andoona yee xan fa&#241; we wo a mbidong o kurul-ke&#421;, a mbegong, soo a &#421;iiklong o saax oo saax. 44Xan a ngefong tu&#392;, a sa&#331;ik we ngenna me wo, too nqa&#436;kee na wo muul leng took gend um, yaam andiro waxtu fee xalatooxiidee&#8217;oona.&#187;</div><div class="s1">Yeesu a raxa jiijikax waa no Mbind Roog naa</div><div class="r">(&#599;eeti Mace 21:12-17; Mark 11:15-19; Sa&#331; 2:13-22)</div><div class="p"> 45Yeesu a roka kam Mbind Roog naa soo a ref no raxaa jiijikax waa. 46A laya a den ee:</div><div class="p">&#171;A Pind a Tedu ke a laya yee: &#8249;Mbind es, mbind a qe&#429; a refkaa.&#8250; Nuun o mat, kaa nu mbi&#8217;in ngol no guu&#599;.&#187;#Es 56:7; Yer 7:11</div><div class="p"> 47Na pe akaaga fop kam Mbind Roog naa a jangnoogu, too saasadax maak waa fo jaajangin waa no kebil ke fo kelfa kaa na xeet faa a mbaa&#429;ooga maa da mbartuuna.#21:37 48Kaa koy, njeg&#8217;ee pexey naa da mbi&#8217;tuuna, yaam xeet faa fop kaa ndeeroogun cay, a nan-gilooxan.</div>
 </div>
 </div>
</div>

Cinj kaaga, Yeesu a xaaña kam Yeriko, a suuraa. A jeg’a maaga o koor o mayu halal oxaa ne’eena Sake, a ref o aa-adax no waa ndabdinooxoogna juuti. Sake a bug’a o and oxe Yeesu a refna, ndaa waag’iran o ga yaam wiin mayu waa ndeefan’uuna kaa mbegoogun o ten. Sake kaa raƥ’u bo ta hup. Naaga, a dalfooxa o ƴuf a adook, soo a ŋaay no ndaxar naa yoorooxna a ƭat alaa, ndax ta ga’in, yaam maaga Yeesu a war’u o reef. Yaa Yeesu a fadiidna no mbiñ onqaaga, a daxaaƴooxa, soo a layin ee:
«Heey Sake, ñofandi fudooxiid, yaam no mbind of bugum o dal xaye.»
Sake a ñofa o fudoox, soo a ret a ɓis a Yeesu no mbind um ndax ta dalnin. Sake a sawar’a lool, ndaa waa nga’na kaaga fop a ñunqumtilooxooga yee:
«Ɗeeti Yeesu a dalik no mbind no koor o paabakaad!»
Kaa koy, Sake a inooxa, a geenoox soo a lay o Yaal oxe yee:
«O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»
Yeesu a doonaan ee:
«Xaye sax a muc ale a rokiida no mbind nene, yaam o koor oxene o ndaan Abraham oo. Yaam o Ƥeenqe no kiin oxe kaa waaƭiid too a mucliid ke mo’na.»


Waa ndeeƭna maaga a nan-gilooxooga kaaga, too Yeesu a dakooxa o naxoox a den yaam kaa matiidoogu a Yeerusaleem, too a mboog’a yee na waxtu faaga xan Maat ne Roog a feeñ. A laya boog ee:
«O kiin o maak ñaaƴkoogu na saate fa ngoƭu ndax ta dodoox o maad, soo a nomtooxiidkaa. A xoya faɗ xarɓaxay we ten ndax ta doxin a den, o kiin oo kiin o xanjar o leng wurus, too a lay a den ee: ‹Ndimandyo a den boo um helko fo nomtooxiidaa.› Kaa koy, we ngen’ina fo ten kaa sib’un, too a lula wiin a cinj um, ndax da lay ee: ‹I mbugee oxene a dodel o maad in.›
Yaa o kiin o maak oxe a nomtooxiidna, a soƥ ta sog o refaa o maad, a xoyna paam um faɗ we ta doxin’ina xaaliis fee, ndax ta and ne o kiin oo kiin na den a rimandit’ina xaaliis um. O eetaand oxe a gara, a lay ee: ‹O yaal mbind es, o xanjar o leng ole a rima xa qanjar xarɓaxay.› O yaal mbind um a layaan ee: ‹Jook a njal o tag o paax oxe. Gore’aa no tig neewu, ten taxu xam doxnong teeru xarɓaxay!› O ƭikandeer oxe a gara, too a lay ee: ‹O yaal mbind es, o xanjar ole wo a rima xa qanjar xa ƥetaq.› O yaal mbind um a layaan ee: ‹Wo itam, xam doxnong teeru ƥetik.› O lakas a gara, a layin ee: ‹O yaal mbind es, o xanjar of oxey, kaam fof’un, geekin. Kaam diid’u yaam ne refoona o kiin o ƭomu tig, kaa o sertaa kaa geekeeroona, soo saxadaa kaa duufeeroona.› O yaal mbind ne a layaan ee: ‹Xam hate’ong na fa lay of, o tag o soxodu xe! And’aa xil ee o kiin o ƭomu tig refum, kaam sertaa kaa geekeeruuma, too saxadaa kaa duufeeruuma. Ndax kaa waag’iro o rawnit xaaliis fee mi, ndax um nomtooxiidangaa, um waag o daaw xaaliis es fo ke ta rimna?› Cinj kaaga, a laya waa ndeeƭna maaga yee: ‹Njaɓyo o xanjar o leng ole ta jegna, too cooxin oxe jegna xa qanjar xarɓaxay axe.› A layaan ee: ‹Yaal mbind, mee ndax a jega xa qanjar xarɓaxay boo a ƴut?› ‹Neene koy, mexe layaa a nuun ee: Oxe jegna, xan a ci’el, ndaa oxe jegeerna o mat, onqe ta jegna sax xan a jaɓel. Fañ we mi koy mbugeerna um maadoox took den, ƥisiidaamoo a den mene, too mbar a den mbaambir es.› »


A cinj yaa ta layna kaaga, Yeesu a adooxa, faan laa a ndeef took um, da mbaaƭik a Yeerusaleem. Yaa da mbaambnooxna a Betfage fa Betani, farna fo o Joong olaa no taxar oliiw kaa, Yeesu a lula ɗik no daalbe we ten, a lay a den ee:
«Ndetyo na saate fee refna mbaambir nuun. Nu mbadangaa boo ndok, xan nu soƥ maaga o mol o mbaam onqaa humeena, too o leng mosiran o ŋaay. Mbokteenoo, ƥisiidaam o ten. O kiin a laamtangaa a nuun ee: ‹Xar taxu nu mboktan?› fat nu ndoonin ee: ‹O Yaal oxe soxla’un.› »
Waa lul’eena a ndeta, too a soƥaan ne Yeesu a layit’uuna a den. Yaa da mboktaa o mol onqaa, we njeg’uuna a laya a den ee:
«Xar taxu nu mboktan?»
A ndoona a den ee:
«O Yaal oxe soxla’un.»
Maaga, a ƥisiida a Yeesu o mol onqaa, a ƭapanin toki den, soo a ŋaaynin took fee. Yaa da ndetaa, wiin mayu a ƭaapooga toki den kam a ƭat ale. Yaa da mbaambnooxna Yeerusaleem, farna fa pudin alaa no Joong olaa no taxar oliiw kaa, faan laa no daalbe waa fop a sawara, a simataa a Roog a maak yaam a pi katil ake da nga’’ina. Kaa layoogu yee: «O Maad oxe na garaa no gon le no Yaal oxe a hela simatel! Jam took asamaan fo o ndam took-ee-took!»
Leng-leng no Farisiya waa ndeeƭna ndeer no faan laa a laya a Yeesu yee:
«O Caajangin oxe, tiimni daalbe we wo!»
Kaa koy, Yeesu a doona a den ee:
«Mexe layaa a nuun ee a tiimangaa sax, xan a kac ake a mbalaloox!»

Yaa Yeesu a faambnooxna teeru faa boo a ga’in, a loolooxaan, a lay ee:
«Wo itam, boo waag’oona o and xaye ke waagoonga o ci jam! Kaa koy, ndiiki kaa mo a kid of. Xan a jeg a pe akaa andoona yee xan fañ we wo a mbidong o kurul-keƥ, a mbegong, soo a ƥiiklong o saax oo saax. Xan a ngefong tuƈ, a saŋik we ngenna me wo, too nqaƴkee na wo muul leng took gend um, yaam andiro waxtu fee xalatooxiidee’oona.»


Yeesu a roka kam Mbind Roog naa soo a ref no raxaa jiijikax waa. A laya a den ee:
«A Pind a Tedu ke a laya yee: ‹Mbind es, mbind a qeƭ a refkaa.› Nuun o mat, kaa nu mbi’in ngol no guuɗ.»
Na pe akaaga fop kam Mbind Roog naa a jangnoogu, too saasadax maak waa fo jaajangin waa no kebil ke fo kelfa kaa na xeet faa a mbaaƭooga maa da mbartuuna. Kaa koy, njeg’ee pexey naa da mbi’tuuna, yaam xeet faa fop kaa ndeeroogun cay, a nan-gilooxan.

聆聽 Lik 19