Mapudungun - UBS Edition (NT) Drama

<div class="version vid355 iso6393arn" data-vid="355" data-iso6393="arn">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Jesus tremolfi Fetseta m&#252;lechi wentru la&#241;malelu &#241;i kuerpu</div><div class="p"> 1Fey rupalu muf&#252; ant&#252;, tati pu judiu niekerkeyng&#252;n ki&#241;e kawi&#241;, fey Jesus ka wi&#241;otuy ta Jerusalen. 2Fey Jerusalen mew inaf&#252;l ti Ufisa pingechi w&#252;lngi&#241;, m&#252;ley ki&#241;e wampo ko Fetseta pingelu aramewdungun mew. Nierkey kechu konkemumchi w&#252;lngi&#241;. 3T&#252;fey mew m&#252;lekerkey rume fentren kutran, trawma, k&#252;ntro ka ti la&#241;malelu &#241;i kuerpu tranalelu ti p&#252;lli mew. 4Ki&#241;eke rupa am akukerkelu ti estanke ko mew ki&#241;e werken p&#252;ll&#252;, fey meytrafkapakefi ti ko. Fey dew neng&#252;mkaelchi ko mew, tati w&#252;ne konpulu tremotukey chem kutran mew rume &#241;i nieel.#5.4 Ki&#241;eke kuyfi wirin mew ngelay versu 4. 5M&#252;lerkey kisu eng&#252;n mew ki&#241;e wentru kutrank&#252;lelu k&#252;la mari pura tripantu. 6Feymew Jesus pefilu t&#252;yechi wentru &#241;i kudulen, fey kim&#252;rkey &#241;i rume fentren tripantu &#241;i femngechi felen dewma, fey ramtufi:</div><div class="p">&#8212;&#191;Ay&#252;fuymi tami mongetuael?</div><div class="p"> 7Fey ti kutran llowdungueyew:</div><div class="p">&#8212;&#209;idol, nielan iney no rume ta&#241;i kelluaetew ta&#241;i konael ko mew femngechi neng&#252;mkangey&#252;m ti ko. Muf&#252; rupachi ay&#252;kefun &#241;i konael, welu kangelu kutran w&#252;ne konkey.</div><div class="p"> 8Fey Jesus feypifi ti wentru:</div><div class="p">&#8212;Witrange, ka witra&#241;p&#252;ramtunge tami ng&#252;tantu, fey trekatunge.</div><div class="p"> 9Feymew m&#252;ten ti wentru mongetuy, witra&#241;p&#252;ramtuy &#241;i ng&#252;tantu, fey eluwi &#241;i trekatuael. Welu &#252;rk&#252;tun ant&#252; mew am tremolngetulu, 10fey ti pu judiu feypifi eng&#252;n tati tremolngetulu:</div><div class="p">&#8212;Fachant&#252; ta &#252;rk&#252;tun ant&#252;,#5.10 &#252;rk&#252;tun ant&#252;: ti pu judiu &#241;i afpuchi ant&#252; semana mew feychi mew elu&#241;makelafuy &#241;i k&#252;dawael iney no rume. fey ngelay tami yetuael tami ng&#252;tantu.</div><div class="p"> 11Fey ti wentru llowdungueyew:</div><div class="p">&#8212;T&#252;feychi wentru ta&#241;i mongeltuetew ta&#241;i k&#252;melkaletuael feypienew: &#8216;Witra&#241;p&#252;ramnge tami ng&#252;tantu ka trekatunge&#8217;.</div><div class="p"> 12Fey kisu eng&#252;n ramtuy:</div><div class="p">&#8212;&#191;Iney am t&#252;fey tami feypietew: &#8216;Witra&#241;p&#252;ramnge tami ng&#252;tantu ka trekatunge&#8217;?</div><div class="p"> 13Welu ti wentru kimlay iney &#241;i mongeltuetew, Jesus am pengewetunolu ti m&#252;leyechi fentren pu che mew.</div><div class="p"> 14Fey w&#252;la ka petueyew ta Jesus tati ngillatuwe ruka mew, fey feypieyew:</div><div class="p">&#8212;Allk&#252;tunge, dew mongeletuymi, fey wi&#241;ome yafkawekilnge, femngechi tami wesa kutranwenoael.</div><div class="p"> 15Fey ti wentru amuy &#241;i kimelpuafiel ti pu judiu Jesus &#252;rke ta&#241;i mongeltuetew.</div><div class="p"> 16Feymew ti pu judiu longkolelu inantukuyaw&#252;l&#252;rkefi eng&#252;n ta Jesus ka kintukefuyng&#252;n chumngechi &#241;i lang&#252;mafuel,#5.16 Ki&#241;eke kuyfi wirin mew ngelay: &#171;ka kintukefuyng&#252;n chumngechi &#241;i lang&#252;mafuel&#187;. &#241;i mongelkutranken mew &#252;rk&#252;tun ant&#252; mew. 17Welu Jesus feypieyew:</div><div class="p">&#8212;I&#241;che &#241;i Chaw rumel k&#252;dawk&#252;lekey, fey i&#241;che ka feley &#241;i k&#252;dawael.</div><div class="p"> 18Feymew tati pu longkolechi judiu doy ay&#252;kefuy &#241;i lang&#252;maetew, ta&#241;i yamnofiel ti &#252;rk&#252;tun ant&#252; ka femngechi &#241;i feypin mew Ng&#252;nechen ta i&#241;che &#241;i Chaw ka femngechi &#241;i feypin mew i&#241;che ta Ng&#252;nechen ka m&#252;ten.</div><div class="s">Jesus &#241;i pepiluw&#252;n</div><div class="p"> 19Jesus famngechi llowdungufi ti pu judiu: &#8220;R&#252;f dungu feypiwayi&#241; Ng&#252;nechen &#241;i Fot&#252;m ta chem rume pepi femlayafuy, re kisu m&#252;ten ta&#241;i adk&#252;nuel. Kisu ta femkey &#241;i Chaw &#241;i ay&#252;keelchi dungu m&#252;ten. Itrokom &#241;i chumken ta Chaw, ka femngechi femkey ta Fot&#252;m. 20Fey Chaw am piwkeyelu &#241;i Fot&#252;m fey pengelelkefi kom &#241;i femkeelchi dungu ta kisu. Ka femngechi pengelelaeym&#252;nmew doy f&#252;trake dungu, tam&#252;n pekeel mew, feymew rume afmatuleweaym&#252;n. 21Fey chumngechi ta Chaw wi&#241;omongeltukefi tati pu dew layelu ka elutukefi ta mongen, ka femngechi ta Fot&#252;m elufi mongen iney rume &#241;i ay&#252;el ta&#241;i eluafiel ta mongen. 22Fey Chaw ta iney no rume ramtukadungukelafi &#241;i chumken mew, welu may Ng&#252;nechen elufi pepiluw&#252;n kisu &#241;i Fot&#252;m ta&#241;i ramtukadunguafiel &#241;i chumkeel mew ta che 23femngechi itrokom che &#241;i p&#252;ramyeafiel ta Fot&#252;m chumngechi p&#252;ramyekefi ta Chaw Ng&#252;nechen. Tati p&#252;ramyenofilu ta Fot&#252;m ka femngechi p&#252;ramyekelafi ta Chaw, ta&#241;i werk&#252;etew.</div><div class="p"> 24&#8220;Ka femngechi r&#252;f dungu feypiwayi&#241; tati allk&#252;tukelu i&#241;che ta&#241;i pielchi dungu ka feyentukelu i&#241;che &#241;i Chaw mew &#241;i werk&#252;etew, niey ta rumel mongen, fey ta kondenangelayay rumel &#241;i layael, welu may dew feley &#241;i rumel mongeletuael. 25R&#252;f dungu feypiwayi&#241; ta&#241;i dew k&#252;palen ka &#241;i dew akun ta ant&#252;, feymew tati dew lalu allk&#252;ay Ng&#252;nechen ta&#241;i Fot&#252;m &#241;i dungun, fey tati pu la wi&#241;omongetuay. 26Fey chumngechi ta Chaw niey mongen fey elukefi mongen ta kakelu, ka femngechi femk&#252;nuy kisutu &#241;i nieael mongen ta Fot&#252;m ka elukefi mongen ta kakelu, 27feymew ka elufi pepiluw&#252;n ta&#241;i ramtukadunguafiel ta che &#241;i chumken mew, kisu am Ng&#252;nechen &#241;i Wentruk&#252;nuwpachi Fot&#252;m.</div><div class="p"> 28&#8220;Afmatukefilm&#252;n ta t&#252;fa, fey akule tati ant&#252; itrokom tati pu layelu allk&#252;ay ta kisu &#241;i dungun, 29fey tripapatuay eng&#252;n &#241;i r&#252;ngan k&#252;fwe mew. Fey tati k&#252;meke fem&#252;n nielu wi&#241;omongetuay ta&#241;i nietuael ta rumel mongen, welu tati wesa fem&#252;n nielu, wi&#241;omongetuay ta&#241;i kutrankawael. 30I&#241;che ta pepi femlayafun chem dungu no rume kisu duam. I&#241;che ta nor dungu mew ramtukadunguken chumngechi feypienew i&#241;che ta&#241;i Chaw. Fey i&#241;che &#241;i feypiel r&#252;f dungungey, ka i&#241;che femkelan &#241;i kisu ay&#252;elchi dungu, welu may femken i&#241;che &#241;i Chaw &#241;i ay&#252;elchi dungu, fey kisu am werk&#252;etew.</div><div class="s">R&#252;fngey Jesus &#241;i nien Ng&#252;nechen &#241;i pepiluw&#252;n</div><div class="p"> 31&#8220;Fey i&#241;che kisu n&#252;tramyewfuli &#241;i dungu&#241;pewael, i&#241;che &#241;i n&#252;tramyew&#252;n falilayafuy ki&#241;e r&#252;f dungu reke. 32Welu m&#252;ley kangelu ta&#241;i n&#252;tramyekeetew ta i&#241;che, fey kimniefi&#241; &#241;i feyngen ti n&#252;tram ka &#241;i r&#252;f dungungen. 33Eym&#252;n werk&#252;ym&#252;n ta che ta&#241;i ramtumengeael ta Juan, fey kisu &#241;i llowdunguel fey ta r&#252;f dungu. 34Welu i&#241;che ay&#252;kelan ta iney rume &#241;i n&#252;tramyeaetew, t&#252;fachi dungu may feypiken, ta eym&#252;n tam&#252;n pepi montuael. 35Juan ta ki&#241;e &#252;yk&#252;lechi k&#252;detuwe reke felefuy ka pelontulekefuy reke, fey eym&#252;n eluwim&#252;n tam&#252;n ay&#252;wael kisu &#241;i pelon mew pichi&#241;ma m&#252;ten.</div><div class="p"> 36&#8220;Juan n&#252;tramyekeenew &#241;i werk&#252;etew ta Ng&#252;nechen, welu Ng&#252;nechen &#241;i werk&#252;etew &#241;i femaelchi dungu, fey ta doy k&#252;me n&#252;tramyenieenew ta Juan &#241;i feypiel mew. Fey i&#241;che ta&#241;i femelchi dungu, ta&#241;i Chaw &#241;i werk&#252;etew ta&#241;i femael, feychi dungu ta femken. 37Welu ka femngechi doy faliy i&#241;che &#241;i Chaw am werk&#252;etew ta i&#241;che, ka kisu &#241;i dungu&#241;penieetew ta i&#241;che, tunte eym&#252;n chumkawnorume allk&#252;&#241;makelafim&#252;n kisu &#241;i dungun ka pekelafim&#252;n rume. 38Ka &#241;i werk&#252;elchi dungu no rume m&#252;lelay ta eym&#252;n mew, feyentunolu am eym&#252;n Chaw ta&#241;i werk&#252;elchi dungu. 39Eym&#252;n chillkatukefim&#252;n tati wirin dungu rume ku&#241;iwtun mew, fey eym&#252;n am rakiduamkelu tam&#252;n nieael rumel mongen tam&#252;n chillkatukefiel mew ti dungu. Welu ta t&#252;fachi wirin dungu tam&#252;n chillkatukeel n&#252;tramyenieenew ta i&#241;che. 40Welu eym&#252;n pilaym&#252;n tam&#252;n k&#252;payael i&#241;che mew, femngechi tam&#252;n eluwafiel ta rumel mongen.</div><div class="p"> 41&#8220;I&#241;che ay&#252;kelan ta che &#241;i re wenche piwke &#241;i p&#252;ramyeaetew. 42Kimniewiyi&#241; ta eym&#252;n ka kimnien tam&#252;n piwkeyenofiel ta Ng&#252;nechen. 43I&#241;che k&#252;pan &#241;i Chaw ta&#241;i werk&#252;etew mew, fey eym&#252;n ta llowmulan, welu k&#252;pafule kangelu re kisu duam, feyke ta llowafuym&#252;n. 44Eym&#252;n ta welukonkechi k&#252;me trokituwkeym&#252;n, fey kintukelaym&#252;n ta ki&#241;en Ng&#252;nechen tam&#252;n k&#252;me trokituaetew, &#191;chumngechi am pepi feyentuafuym&#252;n i&#241;che mew?</div><div class="p"> 45&#8220;Welu rakiduamkilm&#252;n i&#241;che tam&#252;n dalluntukuwafiel i&#241;che &#241;i Chaw mew. Fey tam&#252;n dalluntukukeetew fey ta Moyse &#241;i ley dungu tati, t&#252;fey eym&#252;n tam&#252;n maneluwkemum. 46Fey eym&#252;n ta feyentufulm&#252;n &#241;i chem piel ta Moyse ka femngechi feyentuafuym&#252;n ta i&#241;che mew, fey Moyse am &#241;i wirielchi dungu, tukulpaetew i&#241;che. 47Welu feyentunolm&#252;n Moyse ta&#241;i wiriel mew, &#191;chumngechi kay feyentuaym&#252;n t&#252;feychi dungu tam&#252;n feypiwpefiel?&#8221; pi.</div>
 </div>
 </div>
</div>

El Nuevo Testamento en Mapudungun © Sociedades Bíblicas Unidas 1996.

Fey rupalu mufü antü, tati pu judiu niekerkeyngün kiñe kawiñ, fey Jesus ka wiñotuy ta Jerusalen. Fey Jerusalen mew inafül ti Ufisa pingechi wülngiñ, müley kiñe wampo ko Fetseta pingelu aramewdungun mew. Nierkey kechu konkemumchi wülngiñ. Tüfey mew mülekerkey rume fentren kutran, trawma, küntro ka ti lañmalelu ñi kuerpu tranalelu ti pülli mew. Kiñeke rupa am akukerkelu ti estanke ko mew kiñe werken püllü, fey meytrafkapakefi ti ko. Fey dew nengümkaelchi ko mew, tati wüne konpulu tremotukey chem kutran mew rume ñi nieel. Mülerkey kisu engün mew kiñe wentru kutrankülelu küla mari pura tripantu. Feymew Jesus pefilu tüyechi wentru ñi kudulen, fey kimürkey ñi rume fentren tripantu ñi femngechi felen dewma, fey ramtufi:
—¿Ayüfuymi tami mongetuael?
Fey ti kutran llowdungueyew:
—Ñidol, nielan iney no rume tañi kelluaetew tañi konael ko mew femngechi nengümkangeyüm ti ko. Mufü rupachi ayükefun ñi konael, welu kangelu kutran wüne konkey.
Fey Jesus feypifi ti wentru:
—Witrange, ka witrañpüramtunge tami ngütantu, fey trekatunge.
Feymew müten ti wentru mongetuy, witrañpüramtuy ñi ngütantu, fey eluwi ñi trekatuael. Welu ürkütun antü mew am tremolngetulu, fey ti pu judiu feypifi engün tati tremolngetulu:
—Fachantü ta ürkütun antü, fey ngelay tami yetuael tami ngütantu.
Fey ti wentru llowdungueyew:
—Tüfeychi wentru tañi mongeltuetew tañi kümelkaletuael feypienew: ‘Witrañpüramnge tami ngütantu ka trekatunge’.
Fey kisu engün ramtuy:
—¿Iney am tüfey tami feypietew: ‘Witrañpüramnge tami ngütantu ka trekatunge’?
Welu ti wentru kimlay iney ñi mongeltuetew, Jesus am pengewetunolu ti müleyechi fentren pu che mew.
Fey wüla ka petueyew ta Jesus tati ngillatuwe ruka mew, fey feypieyew:
—Allkütunge, dew mongeletuymi, fey wiñome yafkawekilnge, femngechi tami wesa kutranwenoael.
Fey ti wentru amuy ñi kimelpuafiel ti pu judiu Jesus ürke tañi mongeltuetew.
Feymew ti pu judiu longkolelu inantukuyawülürkefi engün ta Jesus ka kintukefuyngün chumngechi ñi langümafuel, ñi mongelkutranken mew ürkütun antü mew. Welu Jesus feypieyew:
—Iñche ñi Chaw rumel küdawkülekey, fey iñche ka feley ñi küdawael.
Feymew tati pu longkolechi judiu doy ayükefuy ñi langümaetew, tañi yamnofiel ti ürkütun antü ka femngechi ñi feypin mew Ngünechen ta iñche ñi Chaw ka femngechi ñi feypin mew iñche ta Ngünechen ka müten.

Jesus famngechi llowdungufi ti pu judiu: “Rüf dungu feypiwayiñ Ngünechen ñi Fotüm ta chem rume pepi femlayafuy, re kisu müten tañi adkünuel. Kisu ta femkey ñi Chaw ñi ayükeelchi dungu müten. Itrokom ñi chumken ta Chaw, ka femngechi femkey ta Fotüm. Fey Chaw am piwkeyelu ñi Fotüm fey pengelelkefi kom ñi femkeelchi dungu ta kisu. Ka femngechi pengelelaeymünmew doy fütrake dungu, tamün pekeel mew, feymew rume afmatuleweaymün. Fey chumngechi ta Chaw wiñomongeltukefi tati pu dew layelu ka elutukefi ta mongen, ka femngechi ta Fotüm elufi mongen iney rume ñi ayüel tañi eluafiel ta mongen. Fey Chaw ta iney no rume ramtukadungukelafi ñi chumken mew, welu may Ngünechen elufi pepiluwün kisu ñi Fotüm tañi ramtukadunguafiel ñi chumkeel mew ta che femngechi itrokom che ñi püramyeafiel ta Fotüm chumngechi püramyekefi ta Chaw Ngünechen. Tati püramyenofilu ta Fotüm ka femngechi püramyekelafi ta Chaw, tañi werküetew.
“Ka femngechi rüf dungu feypiwayiñ tati allkütukelu iñche tañi pielchi dungu ka feyentukelu iñche ñi Chaw mew ñi werküetew, niey ta rumel mongen, fey ta kondenangelayay rumel ñi layael, welu may dew feley ñi rumel mongeletuael. Rüf dungu feypiwayiñ tañi dew küpalen ka ñi dew akun ta antü, feymew tati dew lalu allküay Ngünechen tañi Fotüm ñi dungun, fey tati pu la wiñomongetuay. Fey chumngechi ta Chaw niey mongen fey elukefi mongen ta kakelu, ka femngechi femkünuy kisutu ñi nieael mongen ta Fotüm ka elukefi mongen ta kakelu, feymew ka elufi pepiluwün tañi ramtukadunguafiel ta che ñi chumken mew, kisu am Ngünechen ñi Wentrukünuwpachi Fotüm.
“Afmatukefilmün ta tüfa, fey akule tati antü itrokom tati pu layelu allküay ta kisu ñi dungun, fey tripapatuay engün ñi rüngan küfwe mew. Fey tati kümeke femün nielu wiñomongetuay tañi nietuael ta rumel mongen, welu tati wesa femün nielu, wiñomongetuay tañi kutrankawael. Iñche ta pepi femlayafun chem dungu no rume kisu duam. Iñche ta nor dungu mew ramtukadunguken chumngechi feypienew iñche tañi Chaw. Fey iñche ñi feypiel rüf dungungey, ka iñche femkelan ñi kisu ayüelchi dungu, welu may femken iñche ñi Chaw ñi ayüelchi dungu, fey kisu am werküetew.

“Fey iñche kisu nütramyewfuli ñi dunguñpewael, iñche ñi nütramyewün falilayafuy kiñe rüf dungu reke. Welu müley kangelu tañi nütramyekeetew ta iñche, fey kimniefiñ ñi feyngen ti nütram ka ñi rüf dungungen. Eymün werküymün ta che tañi ramtumengeael ta Juan, fey kisu ñi llowdunguel fey ta rüf dungu. Welu iñche ayükelan ta iney rume ñi nütramyeaetew, tüfachi dungu may feypiken, ta eymün tamün pepi montuael. Juan ta kiñe üykülechi küdetuwe reke felefuy ka pelontulekefuy reke, fey eymün eluwimün tamün ayüwael kisu ñi pelon mew pichiñma müten.
“Juan nütramyekeenew ñi werküetew ta Ngünechen, welu Ngünechen ñi werküetew ñi femaelchi dungu, fey ta doy küme nütramyenieenew ta Juan ñi feypiel mew. Fey iñche tañi femelchi dungu, tañi Chaw ñi werküetew tañi femael, feychi dungu ta femken. Welu ka femngechi doy faliy iñche ñi Chaw am werküetew ta iñche, ka kisu ñi dunguñpenieetew ta iñche, tunte eymün chumkawnorume allküñmakelafimün kisu ñi dungun ka pekelafimün rume. Ka ñi werküelchi dungu no rume mülelay ta eymün mew, feyentunolu am eymün Chaw tañi werküelchi dungu. Eymün chillkatukefimün tati wirin dungu rume kuñiwtun mew, fey eymün am rakiduamkelu tamün nieael rumel mongen tamün chillkatukefiel mew ti dungu. Welu ta tüfachi wirin dungu tamün chillkatukeel nütramyenieenew ta iñche. Welu eymün pilaymün tamün küpayael iñche mew, femngechi tamün eluwafiel ta rumel mongen.
“Iñche ayükelan ta che ñi re wenche piwke ñi püramyeaetew. Kimniewiyiñ ta eymün ka kimnien tamün piwkeyenofiel ta Ngünechen. Iñche küpan ñi Chaw tañi werküetew mew, fey eymün ta llowmulan, welu küpafule kangelu re kisu duam, feyke ta llowafuymün. Eymün ta welukonkechi küme trokituwkeymün, fey kintukelaymün ta kiñen Ngünechen tamün küme trokituaetew, ¿chumngechi am pepi feyentuafuymün iñche mew?
“Welu rakiduamkilmün iñche tamün dalluntukuwafiel iñche ñi Chaw mew. Fey tamün dalluntukukeetew fey ta Moyse ñi ley dungu tati, tüfey eymün tamün maneluwkemum. Fey eymün ta feyentufulmün ñi chem piel ta Moyse ka femngechi feyentuafuymün ta iñche mew, fey Moyse am ñi wirielchi dungu, tukulpaetew iñche. Welu feyentunolmün Moyse tañi wiriel mew, ¿chumngechi kay feyentuaymün tüfeychi dungu tamün feypiwpefiel?” pi.

聆聽 Juan 5