If you have would like a copy of this version please contact info@davaraudiobibles.org

Esahie Old Testament

<div class="version vid2710 iso6393sfw" data-vid="2710" data-iso6393="sfw">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s1">Bab&#603;l abandenden</div><div class="p"> 1N&#233; ewiase ama mukoraa b&#603;ka edwudwol&#603; komap&#603; twe &#596;ne edwofua k&#227;a bie. 2Mmer&#603; b&#596; mmenia tu fili eyia afitele&#603; nen, benwuni ase&#603; fr&#603;t&#603;&#603; bie w&#596; Sinari ase&#603; so, na b&#603;tenane ber&#603;. 3Na besisele b&#603; nwo ky&#603;, &#8220;Biam&#596;, &#603;&#769;m&#596;ma y&#603;&#769;p&#603; mmerekese, na y&#603;to ma &#596;be.&#8221; B&#603;fale mmerekese b&#603;y&#603;le b&#603; ny&#596;bo&#603;, ye&#603; b&#603;fale ehwaa b&#603;y&#603;le b&#603; nn&#603;ter&#603;. 4Afei besele ky&#603;, &#8220;Biam&#596;, &#603;&#769;m&#596;ma y&#603;kyekye y&#603; kuro, n&#225; y&#603;si abandenden b&#596; odwu nyame&#603;so y&#603;sie so, n&#225; y&#603;fa y&#603;le dumaa, amaa yamm&#596; aya w&#596; ase&#603; ye aso amukoraa.&#8221; 5#Gye 18.21; Edw 14.2; 18.9 AWURADE dwu wale ase &#596;&#596;neane kuro ne abandenden b&#596; n&#233; mmenia mmaa b&#233;si ne. 6Na AWURADE sele ky&#603;, &#8220;B&#603;te mmenia komap&#603;, na b&#603; mukoraa b&#603;ka edwudwol&#603; ko. &#390;&#769;hy&#603; ye bo ye po ye&#603; b&#603;&#769;y&#596; s&#596;aa ye. Nzaade b&#596; bekosusu ky&#603; b&#603;k&#596;y&#596; biala ne, nikye fee ngosi b&#603; ate. 7&#400;m&#596;bra, &#603;&#769;m&#596;ma y&#603;dwu y&#603;h&#596; ase, n&#225; y&#603;kakyi b&#603; dwudwol&#603; ne ma &#596;y&#603; nwunyaenn, amaa b&#603; nu biala ande obi&#603;ngo dwudwol&#603; bo ko.&#8221; 8#Luk 1.51 Yiti ofi s&#596; mmer&#603; ne, AWURADE maa b&#603;b&#596;le aya w&#596; ase&#603; ye aso amukoraa, na b&#603;yakyili kuro ne kyekyel&#603;. 9&#400;he ati ye&#603; &#596;maa b&#603;fr&#603; ber&#603; Bab&#603;l,#11.9: BAB&#400;L: Bab&#603;l bo kyire nwunyanwunya. ofiky&#603; AWURADE mane ase&#603; so amukoraa dwudwol&#603; y&#603;le nwunyaenn. Na ofi s&#596; mmer&#603; ne, AWURADE maa b&#603;b&#596;le aya w&#596; ase&#603; ye aso amukoraa.</div><div class="s1">Sem boso ama</div><div class="r">(1 Aber&#603;so Dwir&#603; 1.24-27)</div><div class="p"> 10Sem boso ama m&#596; &#603;he: Nzueyil&#603; ne asi afo&#603; ny&#596;, b&#596; Sem lili afo&#603; &#603;yaa ne ye&#603; &#596;wole Afakesade &#596;. 11Na Sem wole Afakesade nen, ye si ye olili afo&#603; &#603;yaa nnu, na &#596;wole mmaa mmienzua ne mmrasua m&#596; koso.</div><div class="p"> 12Afakesade lili afo&#603; aburasa ne nnu nen, &#596;wole Hyela. 13Na Afakesade wole Hyela nen, ye si ye olili afo&#603; &#603;yaa nna ne nza, na &#596;wole mmaa mmienzua ne mmrasua m&#596; koso.</div><div class="p"> 14Hyela lili afo&#603; aburasa nen, &#596;wole Ebere. 15Na Hyela wole Ebere nen, ye si ye olili afo&#603; &#603;yaa nna ne nza, na &#596;wole mmaa mmienzua ne mmrasua m&#596; koso.</div><div class="p"> 16Ebere lili afo&#603; aburasa ne nna nen, &#596;wole P&#603;l&#603;ge. 17Na Ebere wole P&#603;l&#603;ge nen, ye si ye olili afo&#603; &#603;yaa nna ne aburasa, na &#596;wole mmaa mmienzua ne mmrasua m&#596; koso.</div><div class="p"> 18P&#603;l&#603;ge lili afo&#603; aburasa nen, &#596;wole Reo. 19Na P&#603;l&#603;ge wole Reo nen, ye si ye olili afo&#603; &#603;yaa ny&#596; ne ngona, na &#596;wole mmaa mmienzua ne mmrasua m&#596; koso.</div><div class="p"> 20Reo lili afo&#603; aburasa ne ny&#596; nen, &#596;wole Seruge. 21Na Reo wole Seruge nen, ye si ye olili afo&#603; &#603;yaa ny&#596; ne nzoo, na &#596;wole mmaa mmienzua ne mmrasua m&#596; koso.</div><div class="p"> 22Seruge lili afo&#603; aburasa nen, &#596;wole Nah&#596;. 23Na Seruge wole Nah&#596; nen, ye si ye olili afo&#603; &#603;yaa ny&#596;, na &#596;wole mmaa mmienzua ne mmrasua m&#596; koso. 24Nah&#596; lili afo&#603; aburany&#596; ne ngona nen, &#596;wole Tera. 25Na Nah&#596; wole Tera nen, ye si ye olili afo&#603; &#603;yaa ko ne buru ne ngona, na &#596;wole mmaa mmienzua ne mmrasua m&#596; koso.</div><div class="p"> 26Tera lili afo&#603; aburasoo nen, &#596;wole Abram, Nah&#596; ne Haran.</div><div class="s1">Tera boso ama</div><div class="p"> 27Tera boso ama ole &#603;hem&#596;: Tera wole Abram, Nah&#596; ne Haran; ye&#603; Haran koso wole L&#596;to. 28Haran wu yakyili ye baba Tera w&#596; ye b&#596;b&#596; ye maen nu w&#596; Yure b&#596; &#596;w&#596; Kaldea. 29Abram ne Nah&#596; begyigyale mmraa. Abram aye ne li Sarae, ye&#603; Nah&#596; aye ne koso li Milka, b&#596; &#596;ne Yisika b&#603; se ole Haran ne. 30N&#233; Sarae te mmotaen; n&#233; olle ba.</div><div class="p"> 31Tera fale &#596;wa Abram, ye anomaa L&#596;to b&#596; &#596;te Haran awa ne, ye sia Sarae b&#596; &#596;te &#596;wa Abram aye ne, na &#596;ne b&#603; betu befili Yure b&#596; &#596;w&#596; Kaldea ky&#603; b&#603;&#769;k&#596; Kanaan ase&#603; so. Nakoso bedwuli Haran nen, b&#603;tenane ber&#603;. 32Tera lili afo&#603; &#603;yaa ny&#596; ne nnu, na owuli w&#596; Haran.</div>
 </div>
 </div>
</div>

Esahie Bible © Bible Society of Ghana, 2018.

Né ewiase ama mukoraa bɛka edwudwolɛ komapɛ twe ɔne edwofua kãa bie. Mmerɛ bɔ mmenia tu fili eyia afiteleɛ nen, benwuni aseɛ frɛtɛɛ bie wɔ Sinari aseɛ so, na bɛtenane berɛ. Na besisele bɛ nwo kyɛ, “Biamɔ, ɛ́mɔma yɛ́pɛ mmerekese, na yɛto ma ɔbe.” Bɛfale mmerekese bɛyɛle bɛ nyɔboɛ, yeɛ bɛfale ehwaa bɛyɛle bɛ nnɛterɛ. Afei besele kyɛ, “Biamɔ, ɛ́mɔma yɛkyekye yɛ kuro, ná yɛsi abandenden bɔ odwu nyameɛso yɛsie so, ná yɛfa yɛle dumaa, amaa yammɔ aya wɔ aseɛ ye aso amukoraa.” AWURADE dwu wale ase ɔɔneane kuro ne abandenden bɔ né mmenia mmaa bési ne. Na AWURADE sele kyɛ, “Bɛte mmenia komapɛ, na bɛ mukoraa bɛka edwudwolɛ ko. Ɔ́hyɛ ye bo ye po yeɛ bɛ́yɔ sɔaa ye. Nzaade bɔ bekosusu kyɛ bɛkɔyɔ biala ne, nikye fee ngosi bɛ ate. Ɛmɔbra, ɛ́mɔma yɛdwu yɛhɔ ase, ná yɛkakyi bɛ dwudwolɛ ne ma ɔyɛ nwunyaenn, amaa bɛ nu biala ande obiɛngo dwudwolɛ bo ko.” Yiti ofi sɔ mmerɛ ne, AWURADE maa bɛbɔle aya wɔ aseɛ ye aso amukoraa, na bɛyakyili kuro ne kyekyelɛ. Ɛhe ati yeɛ ɔmaa bɛfrɛ berɛ Babɛl, ofikyɛ AWURADE mane aseɛ so amukoraa dwudwolɛ yɛle nwunyaenn. Na ofi sɔ mmerɛ ne, AWURADE maa bɛbɔle aya wɔ aseɛ ye aso amukoraa.


Sem boso ama mɔ ɛhe: Nzueyilɛ ne asi afoɛ nyɔ, bɔ Sem lili afoɛ ɛyaa ne yeɛ ɔwole Afakesade ɔ. Na Sem wole Afakesade nen, ye si ye olili afoɛ ɛyaa nnu, na ɔwole mmaa mmienzua ne mmrasua mɔ koso.
Afakesade lili afoɛ aburasa ne nnu nen, ɔwole Hyela. Na Afakesade wole Hyela nen, ye si ye olili afoɛ ɛyaa nna ne nza, na ɔwole mmaa mmienzua ne mmrasua mɔ koso.
Hyela lili afoɛ aburasa nen, ɔwole Ebere. Na Hyela wole Ebere nen, ye si ye olili afoɛ ɛyaa nna ne nza, na ɔwole mmaa mmienzua ne mmrasua mɔ koso.
Ebere lili afoɛ aburasa ne nna nen, ɔwole Pɛlɛge. Na Ebere wole Pɛlɛge nen, ye si ye olili afoɛ ɛyaa nna ne aburasa, na ɔwole mmaa mmienzua ne mmrasua mɔ koso.
Pɛlɛge lili afoɛ aburasa nen, ɔwole Reo. Na Pɛlɛge wole Reo nen, ye si ye olili afoɛ ɛyaa nyɔ ne ngona, na ɔwole mmaa mmienzua ne mmrasua mɔ koso.
Reo lili afoɛ aburasa ne nyɔ nen, ɔwole Seruge. Na Reo wole Seruge nen, ye si ye olili afoɛ ɛyaa nyɔ ne nzoo, na ɔwole mmaa mmienzua ne mmrasua mɔ koso.
Seruge lili afoɛ aburasa nen, ɔwole Nahɔ. Na Seruge wole Nahɔ nen, ye si ye olili afoɛ ɛyaa nyɔ, na ɔwole mmaa mmienzua ne mmrasua mɔ koso. Nahɔ lili afoɛ aburanyɔ ne ngona nen, ɔwole Tera. Na Nahɔ wole Tera nen, ye si ye olili afoɛ ɛyaa ko ne buru ne ngona, na ɔwole mmaa mmienzua ne mmrasua mɔ koso.
Tera lili afoɛ aburasoo nen, ɔwole Abram, Nahɔ ne Haran.

Tera boso ama ole ɛhemɔ: Tera wole Abram, Nahɔ ne Haran; yeɛ Haran koso wole Lɔto. Haran wu yakyili ye baba Tera wɔ ye bɔbɔ ye maen nu wɔ Yure bɔ ɔwɔ Kaldea. Abram ne Nahɔ begyigyale mmraa. Abram aye ne li Sarae, yeɛ Nahɔ aye ne koso li Milka, bɔ ɔne Yisika bɛ se ole Haran ne. Né Sarae te mmotaen; né olle ba.
Tera fale ɔwa Abram, ye anomaa Lɔto bɔ ɔte Haran awa ne, ye sia Sarae bɔ ɔte ɔwa Abram aye ne, na ɔne bɛ betu befili Yure bɔ ɔwɔ Kaldea kyɛ bɛ́kɔ Kanaan aseɛ so. Nakoso bedwuli Haran nen, bɛtenane berɛ. Tera lili afoɛ ɛyaa nyɔ ne nnu, na owuli wɔ Haran.

聆聽 Gyenesise 11