Ikwo - 2014 WBT (NT) Non Drama

<div class="version vid1599 iso6393iqw" data-vid="1599" data-iso6393="iqw">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">Jis&#7885;su agw&#7885; nwangv&#7909;ru, n&#7885; l'iku okpuru</div><div class="p"> 1E meebetsua; yo be l'oge aj&#7883; ndu Ju; Jis&#7885;su at&#7909;gbua jeshia Jer&#250;salemu. 2L&#7865; Jer&#250;salemu ono b'o nweru nwa okpuru, n&#7885; iya n&#7909;. &#7884;nu-&#7909;zo &#7865;ke, eeshije abah&#7909; iya d&#7909; ise. Iphe ndu H&#237;buru eekuje okpuru ono b&#7909; B&#233;&#803;tus&#225;ta. &#7884; n&#7885; l&#7865; mgboro &#7884;nu-&#7885;guzo At&#7909;ru. 3Ndu iphe eme ad&#7909; l'igwe z&#7865;gbaaru l'&#7865;ke ono: mb&#7909; ndu &#236;sh&#236;; ndu ngv&#7909;ru; m&#7865; ndu ibe-&#7865;hu lan&#7909; nw&#7909;hutsuaru anw&#7909;hu. &#7864;phe at&#7909;ko z&#7865;shia l'&#7865;ke ono; kwab&#7865;ru teke mini ono a-t&#7909;nga at&#7909;nga; 4k&#7865; l'&#7865; ta an&#7885;jedu &#7885;phu baru nwishi; ojozi-imigwe, shi l'&#7865;ka Nnajiufu ephezita l'okpuru ono bya at&#7909;ngaa mini ono at&#7909;nga. Y&#7885;o b&#7909;je; onye iphe eme, vuru &#7909;zo ts&#7865;e &#7885;kpa l&#7865; mini ono teke ojozi-imigwe ono t&#7909;ngatsuaru iya; y&#7885; k&#7885;rohu l'iphe eme iya n&#7909;. 5Yo nweru nwoke lan&#7909;, n&#7885; l'&#7865;ke ono, nyawaru nnya &#7909;kporo afa l'afa iri l'&#7865;sato. 6Jis&#7885;su abya aph&#7909;a ya; maru l'o shiwa teke teru &#7865;nya dabutaru l'&#7865;ke ono; bya as&#7909; iya: &#8220;?&#7884; d&#7909; ngu mma t'e mee ngu t'&#7883; k&#7885;rohu t&#7885;o?&#8221;</div><div class="p"> 7Nwoke ono, iphe eme ono as&#7909; iya: &#8220;Nwoke &#7885;ma; &#7885; kwa l&#7865; ya t&#7865; nwedu madz&#7909;, b&#7909; onye a-kw&#7885;ta iya ye l&#7865; mini ono teke a t&#7909;ngaru iya. K&#7865; l'&#7885;obuje teke ya a-n&#7885;du eme t&#7865; ya ye iya &#7885;kpa; onye &#7885;do evuwaru iya n&#7909; &#7909;zo.&#8221;</div><div class="p"> 8Jis&#7885;su as&#7909; iya: &#8220;Gbeshi gw&#7885;ta utute ngu wata oje ije.&#8221; 9Teke ono teke onophu; nwoke ono ak&#7885;rohuwaphu; gw&#7885;tawaphu utute iya; jelahaa ije.</div><div class="p">Mb&#7885;ku, iphe ono meru b&#7909; mb&#7885;ku &#7885;tu-ume. 10Ya ndono; ndu Ju as&#7909; nwoke ono, e meru; y&#7885; k&#7885;rohu l'iphe, shi eme iya n&#7909; ono: &#8220;Ntan&#7909; kwa mb&#7885;ku &#7885;tu-ume; ?t&#7883; madu l'&#7883; dakawaru ekemu l'&#7883; pa utute ngu eje &#7865;ge ono?&#8221;</div><div class="p"> 11Y&#7885; s&#7909; &#7865;phe: &#8220;L'&#7885; kwa nwoke ono, meru iya; ya ak&#7885;rohu ono b&#7865; s&#7909;ru iya: &#8216;T&#7865; ya gw&#7885;ta utute iya wata oje ije.&#8217; &#8221;</div><div class="p"> 12&#7864;phe aj&#7883; iya: &#8220;?B&#7909; egbe madz&#7909; ng&#7909;nu b&#7865; nwoke &#7885;bu b&#7909;, s&#7909;ru ngu t'&#7883; gw&#7885;ta utute ngu wata oje ije?&#8221;</div><div class="p"> 13&#7884;phu ka n&#7909; b&#7909; l&#7865; nwoke ono, e meru; y&#7885; k&#7885;rohu ono ta mah&#7865;dunu onye meru iya &#7865;ya n&#7909;. Iphe kparu iya n&#7909; ab&#7909;ru l&#7865; Jis&#7885;su byaru bya aph&#7909; &#7865;ge a zar&#7909; l'igwe dzua l'&#7865;ke ono; t&#7885;o nw&#7865;hu pyofu.</div><div class="p"> 14A n&#7885;nyaa; Jis&#7885;su abya aph&#7909; nwoke ono &#7885;do l'eze-&#7909;lo Nchileke; s&#7909; iya: &#8220;Lekwa; &#7883; k&#7885;rohuakwaru nta-a. Be eyehenuphu &#7865;ka l'ome iphe d&#7909; &#7865;ji &#7885;do; e -menyaa; iphe &#7885;do, ka nj&#7885; dakfuta ngu.&#8221;</div><div class="p"> 15Nwoke ono at&#7909;gbua; je ak&#7885;oru ndu Ju l'&#7885; b&#7909; Jis&#7885;su b&#7909; onye &#7885;bu, meru iya; ya ak&#7885;rohu &#7885;bu. 16&#7884; b&#7909; iphe ono kparu iphe ndu Ju ch&#7883;lahaaru nta Jis&#7885;su; okfu l'&#7885; b&#7909; mb&#7885;ku &#7885;tu-ume b'o meru iphe ono. 17Ya ndono; Jis&#7885;su as&#7909; &#7865;phe: &#8220;Nna iya ejelekwaa ozi &#7865;ge ooje iya; y&#7865;bedua l'ejekwaphu.&#8221;</div><div class="p"> 18Iphe ono, Jis&#7885;su kfuru ono emee ndu Ju akaf&#7909;kpooru &#7885;cho &#7865;ge &#7865;phe e-shi gbua ya. Iphe kparu iphe &#7865;phe wataru &#7885;cho ishi iya ta ab&#7909;kwa l'&#7885; t&#7909;ruru ns&#7885; mb&#7885;ku &#7885;tu-ume &#7865;phe; &#7885;phu ka &#7865;phe &#7865;huka b&#7909;kwa l'o gbe ekufuanu Nchileke &#8220;Nna iya&#8221;; b&#7909; iya b&#7909; l&#7865; y&#7865;le Nchileke ha &#7865;nya-nham&#7909;nha.</div><div class="s1">Ike k&#7865; Nwa ono</div><div class="p"> 19Ya ndono; Jis&#7885;su as&#7909; &#7865;phe: &#8220;Kam&#7865;nu; t&#7865; ya karu unu: l'&#7865; to nwekwa iphe Nwa ono egudeje ike k&#7865; &#7865;ka iya eme l'onwiya, &#7865;-ta b&#7909;du iphe &#7885; ph&#7909;ru, Nna iya eme; k&#7865; l'&#7885; kwa iphe Nna eme; b&#7909;kwaphu iphe Nwa emeje. 20Nna b&#7865; yeru Nwatibe iya obu; l'ekoshije iya iphemiphe &#7885;bule, oome l'onwiya. Oo-koshifukwaa ya r&#7909; iphe ka &#7885;waa nshinu t'o mee; k'&#7885;phu &#7885;o-d&#7909; unu biribiri. 21L'&#7885; b&#7909; &#7865;ge ono, Nna emeje ndu, nw&#7909;huru anw&#7909;hu; &#7865;phe eshi l'&#7885;nwu teta gbeshi; y&#7885; n&#7909; &#7865;phe ndz&#7909; ono; b&#7909; &#7865;ge Nwatibe Nchileke ono a-n&#7909; ndu d&#7909; iya mma ndz&#7909;. 22&#7864; t&#7885; d&#7909;kwa onye Nna ekpeje ikpe l'onwiya; k'ikpe b'o wookwaru ye Nwatibe iya ono l'&#7865;ka; 23k'&#7885;phu ndiphe mgburumgburu a-kwab&#7865;je Nwa ono ugvu &#7865;ge &#7865;phe akwab&#7865;je Nna. Onye, ta akwab&#7865;du Nwa ono ugvu ta akwab&#7865;kwa Nna, b&#7909; iya b&#7909; onye ziru iya n&#7909;.</div><div class="p"> 24&#8220;Kam&#7865;nu; t&#7865; ya karu unu: iphe b&#7909; onye an&#7909; okfu iya bya ekweta k'onye ono, ziru iya t&#7865; ya bya ono b&#7865; nweru ndz&#7909; gbururu jeye. &#7864; to nwehedu l'onye ono evudo t'e kpee ya ikpe; o shiwa l'&#7885;nwu baa l&#7865; ndz&#7909;. 25Kam&#7865;nu; t&#7865; ya karu unu: teke &#7885;bu abyakwaa; mb&#7909;; l'o ruakwaru teke ndu nw&#7909;huru anw&#7909;hu a-n&#7909; olu k&#7865; Nwatibe Nchileke ono. Iphe b&#7909; ndu n&#7909;ru iya n&#7909; a-n&#7885; ndz&#7909;. 26K&#7865; l'&#7885; b&#7909; &#7865;ge ndz&#7909; shi Nna l'onwiya l'&#7865;ka; b&#7909; &#7865;ge Nna mekwaruphu t&#7865; ndz&#7909; shi Nwa ono l'&#7865;ka. 27&#7884; n&#7909;ru Nwatibe iya ono ike t'o kpeje ikpe; bua ikpe; k&#7865; l'&#7885;o ya b&#7909; Ab&#7909;bu-Ndiphe. 28T'&#7885;waa ba ad&#7909;kwa unu biribiri; l'oge abyaakwa teke iphe b&#7909; ndu z&#7865; l'ime ili l'&#7865;phe ha a-t&#7909;ko n&#7909;a olu iya; 29shi l'ime ili l&#7909;futa. Ndu &#7885;phu shi eme &#7885;huma e-teta nweru ndz&#7909;. Ndu &#7885;phu shi ye &#7865;ka l'&#7865;jo iphe ph&#7909; etetakwaphu t'e kpee &#7865;phe ikpe; nma &#7865;phe ikpe.&#8221;</div><div class="s1">Iphe ekoshi l'ike n&#7885; Jis&#7885;su l'&#7865;ka</div><div class="p"> 30&#8220;&#7864; to nwekwa iphe ya egudeje ike k'&#7865;ka iya eme. &#7884; kwa &#7865;ge Nchileke s&#7909;ru t&#7865; ya kpee ikpe b&#7865; ya ekpeje iya; ikpe iya ab&#7909;ru ikpe vudo nham&#7909;nha. Ishi iya b&#7909; l&#7865; ya te ekpedu &#7865;ge d&#7909; iya mma l'obu. &#7884; b&#7909;lephu &#7865;ge &#7885; d&#7909; onye ono, ziru iya n&#7909; ono mma l'obu b&#7865; ya ekpeje.</div><div class="p"> 31&#8220;&#7884; -b&#7909;ru l&#7865; ya bya aghachi; wata &#7885;tu &#7885;nu onwiya; &#7885; kwa iya b&#7909; l'iphe &#7885;bu, ya ekfu &#7885;bu ta b&#7909;du ire-lan&#7909;. 32Obenu l'o nwekpooruru onye &#7885;do, b&#7909; iya a-t&#7909; &#7885;nu iya; mb&#7909; l'&#7885;phu ya t&#7909;beru nv&#7885; b&#7909; l'iphe onye ono e-kfu l'&#7865;hu iya b&#7865; b&#7909; &#7885;kpobe okfu. 33Unu yeru ndu ozi t'&#7865;phe byakfuta J&#7885;nu; J&#7885;nu ekfuwaru unu k'&#7885;kpuberu okfu ono. 34Iphe ya ekfu ta b&#7909;kwa l&#7865; ya eme t&#7865; madz&#7909; bya at&#7909;lahaa &#7885;nu iya; iphe ya gude adz&#7885;ta &#7885;kpa l'okfu ono, J&#7885;nu kfuru ono kwa k'&#7885;phu aa-dz&#7885;ta unu. 35J&#7885;nu l'onwiya b&#7909; ur&#7885;ku, enwu enwunwu; l'eke jajaja. O shikwaa evu unu evuvu t'unu kp&#7885;o &#7909;kfu nwansh&#7883;; n&#7885;du l'iphoro iya; tetota &#7865;swa. 36Iphe ya meshiru kakwa &#7885;tu &#7885;nu mu ma l'&#7885;phu J&#7885;nu t&#7909;ru. Ishi iya ab&#7909;ru l'ozi ono, Nna iya ziru iya t&#7865; ya bya ejee jefu l'ishi ono; mb&#7909; ozi ono l'&#7885; ha, ya eje nta-a ono b&#7865; at&#7909; &#7885;nu iya: l'&#7885; b&#7909;-a Nna ziru iya t&#7865; ya bya. 37Nna iya ono, b&#7909; iya ziru iya ono b&#7909; onye at&#7909; &#7885;nu iya. Unu ta n&#7909;bukwaa olu Nna iya ono; t'&#7885; b&#7909; l'unu ph&#7909;jewaru iya; k'&#7885;phu unu maru &#7865;ge &#7885; d&#7909;. 38Okfu ono, shi Nna iya l'&#7885;nu ono ta kwata &#7885;swa buru unu eburu l'obu; okfu l'unu te ewoduru onwunu ye onye ono, o ziru t'&#7885; bya ono l'&#7865;ka. 39Unu an&#7885;duje enyocha iphe e deru l'&#7865;kwo okfu Nchileke; tubesu l'&#7885;o l'&#7865;ke ono b&#7865; unu e-shi nweru ndz&#7909; gbururu jeye. &#7864;kwo okfu Nchileke ono t&#7909;kokwa l'at&#7909; &#7885;nu y&#7865;be Jis&#7885;su. 40Obenu l'unu kwefuru ike l'unu ta abyakfutadu iya &#7865;ge unu e-nweru ndz&#7909;.&#8221;</div><div class="p"> 41&#8220;&#7864; to nwekwa teke ya ele &#7865;nya t&#7865; ndiphe jaa ya ajaja. 42Obenu l&#7865; ya makwaru l'unu te yeduru Nchileke obu. 43&#7884; b&#7909; ike k&#7865; Nna iya b&#7865; ya gude bya; unu aj&#7883;ka iya. &#7884; -b&#7909;ru l'onye &#7885;do gude ike k&#7865; &#7865;ka iya bya; onye onanu b&#7865; unu a-nata. 44?Nan&#7909; &#7865;ge unu e-mehunu woru onwunu ye y&#7865;be Jis&#7885;su l'&#7865;ka; l'unub&#7865; ndu ab&#7909;je ibe unu -aja unu ajaja; y&#7885; ts&#7885; unu nt&#7909;matu? Unu ta ach&#7885; &#7909;zo, unu e-shi t&#7865; Nchileke ono, b&#7909; Nchileke nw&#7865;nkinyi iya ono jaa unu. 45Unu ba ar&#7883;kwa l'&#7885;o y&#7865;bedua e-je edoo &#7865;ge unu d&#7909; l'ifu Nna iya. &#7884; kwaru M&#243;sisu ono, b&#7909; iya b&#7909; onye &#7885;bu, unu tukoberu obu &#7885;bu b&#7865; e-do &#7865;ge unu d&#7909;. 46Nd&#7865;ge &#7885; -b&#7909; l'unu kweru k&#7865; M&#243;sisu; unu gage kwetakwaphu k&#7865; y&#7865;bedua; k&#7865;le M&#243;sisu dekwaru dekuta iya l'&#7865;kwo iya. 47Obenu; keshinu &#7885;phu unu te kwetadu iphe M&#243;sisu deru; ?nan&#7909; &#7865;ge unu e-shi kweta l'okfu k&#7865; y&#7865;be Jis&#7885;su.&#8221;</div>
 </div>
 </div>
</div>

E meebetsua; yo be l'oge ajị ndu Ju; Jisọsu atụgbua jeshia Jerúsalemu. Lẹ Jerúsalemu ono b'o nweru nwa okpuru, nọ iya nụ. Ọnu-ụzo ẹke, eeshije abahụ iya dụ ise. Iphe ndu Híburu eekuje okpuru ono bụ Bẹ́tusáta. Ọ nọ lẹ mgboro Ọnu-ọguzo Atụru. Ndu iphe eme adụ l'igwe zẹgbaaru l'ẹke ono: mbụ ndu ìshì; ndu ngvụru; mẹ ndu ibe-ẹhu lanụ nwụhutsuaru anwụhu. Ẹphe atụko zẹshia l'ẹke ono; kwabẹru teke mini ono a-tụnga atụnga; kẹ l'ẹ ta anọjedu ọphu baru nwishi; ojozi-imigwe, shi l'ẹka Nnajiufu ephezita l'okpuru ono bya atụngaa mini ono atụnga. Yọo bụje; onye iphe eme, vuru ụzo tsẹe ọkpa lẹ mini ono teke ojozi-imigwe ono tụngatsuaru iya; yọ kọrohu l'iphe eme iya nụ. Yo nweru nwoke lanụ, nọ l'ẹke ono, nyawaru nnya ụkporo afa l'afa iri l'ẹsato. Jisọsu abya aphụa ya; maru l'o shiwa teke teru ẹnya dabutaru l'ẹke ono; bya asụ iya: “?Ọ dụ ngu mma t'e mee ngu t'ị kọrohu tọo?”
Nwoke ono, iphe eme ono asụ iya: “Nwoke ọma; ọ kwa lẹ ya tẹ nwedu madzụ, bụ onye a-kwọta iya ye lẹ mini ono teke a tụngaru iya. Kẹ l'ọobuje teke ya a-nọdu eme tẹ ya ye iya ọkpa; onye ọdo evuwaru iya nụ ụzo.”
Jisọsu asụ iya: “Gbeshi gwọta utute ngu wata oje ije.” Teke ono teke onophu; nwoke ono akọrohuwaphu; gwọtawaphu utute iya; jelahaa ije.
Mbọku, iphe ono meru bụ mbọku ọtu-ume. Ya ndono; ndu Ju asụ nwoke ono, e meru; yọ kọrohu l'iphe, shi eme iya nụ ono: “Ntanụ kwa mbọku ọtu-ume; ?tị madu l'ị dakawaru ekemu l'ị pa utute ngu eje ẹge ono?”
Yọ sụ ẹphe: “L'ọ kwa nwoke ono, meru iya; ya akọrohu ono bẹ sụru iya: ‘Tẹ ya gwọta utute iya wata oje ije.’ ”
Ẹphe ajị iya: “?Bụ egbe madzụ ngụnu bẹ nwoke ọbu bụ, sụru ngu t'ị gwọta utute ngu wata oje ije?”
Ọphu ka nụ bụ lẹ nwoke ono, e meru; yọ kọrohu ono ta mahẹdunu onye meru iya ẹya nụ. Iphe kparu iya nụ abụru lẹ Jisọsu byaru bya aphụ ẹge a zarụ l'igwe dzua l'ẹke ono; tọo nwẹhu pyofu.
A nọnyaa; Jisọsu abya aphụ nwoke ono ọdo l'eze-ụlo Nchileke; sụ iya: “Lekwa; ị kọrohuakwaru nta-a. Be eyehenuphu ẹka l'ome iphe dụ ẹji ọdo; e -menyaa; iphe ọdo, ka njọ dakfuta ngu.”
Nwoke ono atụgbua; je akọoru ndu Ju l'ọ bụ Jisọsu bụ onye ọbu, meru iya; ya akọrohu ọbu. Ọ bụ iphe ono kparu iphe ndu Ju chịlahaaru nta Jisọsu; okfu l'ọ bụ mbọku ọtu-ume b'o meru iphe ono. Ya ndono; Jisọsu asụ ẹphe: “Nna iya ejelekwaa ozi ẹge ooje iya; yẹbedua l'ejekwaphu.”
Iphe ono, Jisọsu kfuru ono emee ndu Ju akafụkpooru ọcho ẹge ẹphe e-shi gbua ya. Iphe kparu iphe ẹphe wataru ọcho ishi iya ta abụkwa l'ọ tụruru nsọ mbọku ọtu-ume ẹphe; ọphu ka ẹphe ẹhuka bụkwa l'o gbe ekufuanu Nchileke “Nna iya”; bụ iya bụ lẹ yẹle Nchileke ha ẹnya-nhamụnha.

Ya ndono; Jisọsu asụ ẹphe: “Kamẹnu; tẹ ya karu unu: l'ẹ to nwekwa iphe Nwa ono egudeje ike kẹ ẹka iya eme l'onwiya, ẹ-ta bụdu iphe ọ phụru, Nna iya eme; kẹ l'ọ kwa iphe Nna eme; bụkwaphu iphe Nwa emeje. Nna bẹ yeru Nwatibe iya obu; l'ekoshije iya iphemiphe ọbule, oome l'onwiya. Oo-koshifukwaa ya rụ iphe ka ọwaa nshinu t'o mee; k'ọphu ọo-dụ unu biribiri. L'ọ bụ ẹge ono, Nna emeje ndu, nwụhuru anwụhu; ẹphe eshi l'ọnwu teta gbeshi; yọ nụ ẹphe ndzụ ono; bụ ẹge Nwatibe Nchileke ono a-nụ ndu dụ iya mma ndzụ. Ẹ tọ dụkwa onye Nna ekpeje ikpe l'onwiya; k'ikpe b'o wookwaru ye Nwatibe iya ono l'ẹka; k'ọphu ndiphe mgburumgburu a-kwabẹje Nwa ono ugvu ẹge ẹphe akwabẹje Nna. Onye, ta akwabẹdu Nwa ono ugvu ta akwabẹkwa Nna, bụ iya bụ onye ziru iya nụ.
“Kamẹnu; tẹ ya karu unu: iphe bụ onye anụ okfu iya bya ekweta k'onye ono, ziru iya tẹ ya bya ono bẹ nweru ndzụ gbururu jeye. Ẹ to nwehedu l'onye ono evudo t'e kpee ya ikpe; o shiwa l'ọnwu baa lẹ ndzụ. Kamẹnu; tẹ ya karu unu: teke ọbu abyakwaa; mbụ; l'o ruakwaru teke ndu nwụhuru anwụhu a-nụ olu kẹ Nwatibe Nchileke ono. Iphe bụ ndu nụru iya nụ a-nọ ndzụ. Kẹ l'ọ bụ ẹge ndzụ shi Nna l'onwiya l'ẹka; bụ ẹge Nna mekwaruphu tẹ ndzụ shi Nwa ono l'ẹka. Ọ nụru Nwatibe iya ono ike t'o kpeje ikpe; bua ikpe; kẹ l'ọo ya bụ Abụbu-Ndiphe. T'ọwaa ba adụkwa unu biribiri; l'oge abyaakwa teke iphe bụ ndu zẹ l'ime ili l'ẹphe ha a-tụko nụa olu iya; shi l'ime ili lụfuta. Ndu ọphu shi eme ọhuma e-teta nweru ndzụ. Ndu ọphu shi ye ẹka l'ẹjo iphe phụ etetakwaphu t'e kpee ẹphe ikpe; nma ẹphe ikpe.”

“Ẹ to nwekwa iphe ya egudeje ike k'ẹka iya eme. Ọ kwa ẹge Nchileke sụru tẹ ya kpee ikpe bẹ ya ekpeje iya; ikpe iya abụru ikpe vudo nhamụnha. Ishi iya bụ lẹ ya te ekpedu ẹge dụ iya mma l'obu. Ọ bụlephu ẹge ọ dụ onye ono, ziru iya nụ ono mma l'obu bẹ ya ekpeje.
“Ọ -bụru lẹ ya bya aghachi; wata ọtu ọnu onwiya; ọ kwa iya bụ l'iphe ọbu, ya ekfu ọbu ta bụdu ire-lanụ. Obenu l'o nwekpooruru onye ọdo, bụ iya a-tụ ọnu iya; mbụ l'ọphu ya tụberu nvọ bụ l'iphe onye ono e-kfu l'ẹhu iya bẹ bụ ọkpobe okfu. Unu yeru ndu ozi t'ẹphe byakfuta Jọnu; Jọnu ekfuwaru unu k'ọkpuberu okfu ono. Iphe ya ekfu ta bụkwa lẹ ya eme tẹ madzụ bya atụlahaa ọnu iya; iphe ya gude adzọta ọkpa l'okfu ono, Jọnu kfuru ono kwa k'ọphu aa-dzọta unu. Jọnu l'onwiya bụ urọku, enwu enwunwu; l'eke jajaja. O shikwaa evu unu evuvu t'unu kpọo ụkfu nwanshị; nọdu l'iphoro iya; tetota ẹswa. Iphe ya meshiru kakwa ọtu ọnu mu ma l'ọphu Jọnu tụru. Ishi iya abụru l'ozi ono, Nna iya ziru iya tẹ ya bya ejee jefu l'ishi ono; mbụ ozi ono l'ọ ha, ya eje nta-a ono bẹ atụ ọnu iya: l'ọ bụ-a Nna ziru iya tẹ ya bya. Nna iya ono, bụ iya ziru iya ono bụ onye atụ ọnu iya. Unu ta nụbukwaa olu Nna iya ono; t'ọ bụ l'unu phụjewaru iya; k'ọphu unu maru ẹge ọ dụ. Okfu ono, shi Nna iya l'ọnu ono ta kwata ọswa buru unu eburu l'obu; okfu l'unu te ewoduru onwunu ye onye ono, o ziru t'ọ bya ono l'ẹka. Unu anọduje enyocha iphe e deru l'ẹkwo okfu Nchileke; tubesu l'ọo l'ẹke ono bẹ unu e-shi nweru ndzụ gbururu jeye. Ẹkwo okfu Nchileke ono tụkokwa l'atụ ọnu yẹbe Jisọsu. Obenu l'unu kwefuru ike l'unu ta abyakfutadu iya ẹge unu e-nweru ndzụ.”
“Ẹ to nwekwa teke ya ele ẹnya tẹ ndiphe jaa ya ajaja. Obenu lẹ ya makwaru l'unu te yeduru Nchileke obu. Ọ bụ ike kẹ Nna iya bẹ ya gude bya; unu ajịka iya. Ọ -bụru l'onye ọdo gude ike kẹ ẹka iya bya; onye onanu bẹ unu a-nata. ?Nanụ ẹge unu e-mehunu woru onwunu ye yẹbe Jisọsu l'ẹka; l'unubẹ ndu abụje ibe unu -aja unu ajaja; yọ tsọ unu ntụmatu? Unu ta achọ ụzo, unu e-shi tẹ Nchileke ono, bụ Nchileke nwẹnkinyi iya ono jaa unu. Unu ba arịkwa l'ọo yẹbedua e-je edoo ẹge unu dụ l'ifu Nna iya. Ọ kwaru Mósisu ono, bụ iya bụ onye ọbu, unu tukoberu obu ọbu bẹ e-do ẹge unu dụ. Ndẹge ọ -bụ l'unu kweru kẹ Mósisu; unu gage kwetakwaphu kẹ yẹbedua; kẹle Mósisu dekwaru dekuta iya l'ẹkwo iya. Obenu; keshinu ọphu unu te kwetadu iphe Mósisu deru; ?nanụ ẹge unu e-shi kweta l'okfu kẹ yẹbe Jisọsu.”

聆聽 Jọnu 5