मती 19
19
तलाक रै बारै में यीसु री सिकसा
(मरकुस 10:1–12)
1जद यीसु ऐ सैंग कैह चुकया, तो गलील ऊं रवाना होया। अर यरदन नदी रै पार यहूदियो रै परदेस में आया। 2सगळी भीड़ उणौरै लारै वहीर वेगी अर यीसु उणौनै उठैज सगळौ नै सावळ करया।
3जद फरीसी यीसु नै परखणै वास्तै उणरै खनै आयनै कैवण लागा, “कांई हर एक कारण ऊं मिनख खुद री लुगाई नै छोड़णौ सही है की?”
4यीसु जबाब दियौ, “कांई थै पढ़ियो कोनीं की परमेसर नै सरूआत ऊं ही मिनख अर लुगाई बणाया? 5अर परमेसर कयौ, ‘इण कारण मिनख आपरै मां-बाप ऊं न्यारौ होयनै आपरी लुगाई रै साथै रैला अर वे दोनूं एक तन होई।’ 6अबै वो दो कोनीं पण एक तन है। इण वास्तै जिकौ परमेसर जोड़िया है उणनै मिनख अलग नीं करै।”
7 #
मत 5:31
उणौ यीसु नै कयौ, “पछै मूसा नै क्यूं औ ठैरायौ की त्यागपत्र देयनै उणनै छोड़ दे?”
8यीसु उणौनै जबाब दियौ, “मूसा थोरै मन री कठोरता नै जांणतौ हो इण कारण ही थोरै लुगाईयां नै छोड़ दैणै रौ हुकम दियौ हो, पण सरूआत में ऐड़ौ कोनीं होवतो। 9#मत 5:32; 1 कुरि 7:10,11म्हैं थौरे ऊं कहूं की व्यभिचार नै छोड़नै और कोई कारण ऊं आपरी लुगाई नै छोड़नै दूजी ऊं ब्याव करै, तो वो व्यभिचार करै है।”
10चेलौ परभु यीसु नै कयौ, “जे मिनख रौ लुगाई रै साथै ऐड़ौ संबंध है तो ब्याव करणौ बड़िया कोनीं।” 11यीसु उणौनै कयौ, “सगळा ऐ वचन हर कोई नीं समझ सकै है ऐ वो ही समझै जिकौ नै समझनै रौ वरदान दियोड़ो है। 12क्यूंकै कईक मिनख ऐड़ा है जिकौ पैदाईसी हिंजड़ा है अर कईक मिनख ऐड़ा है जिकौ नै मिनखौ हिंजड़ा बणा दिया है अर कईक मिनख ऐड़ा है जिकौ सरग रै राज मे जांणै रै वास्तै ब्याव नीं करणै रौ फैसलो लियौ है, जिकौ समझ सकै वो समझ ले।”
टाबरौ नै आसीरवाद
(मरकुस 10:13–16; लूका 18:15–17)
13उण वेळा लोग यीसु रै खनै टाबरां नै लावता हा, की वे उण माथै ऊपर हाथ राखै अर पराथना करै, पण चेला लोगां नै हाका करता हा। 14यीसु कयौ, “टाबरां नै म्हारै खनै आवण दो रोको मती क्यूंकै सरग रौ राज ऐड़ौ रौ ही है।” 15अर यीसु उण टाबरां रै ऊपर हाथ राखनै उठै ऊं जाता रिया।
धनवान मिनख अर अनत जीवन
(मरकुस 10:17–31; लूका 18:18–30)
16एक मिनख यीसु रै खनै आयौ अर यीसु नै कयौ, “हे गुरु, म्हैं कुण सो भलौ कांम करूं की अनत जीवन पाऊं?”
17यीसु उणनै कयौ, “थूं म्हारै ऊं भलाई रै बारै में क्यूं पूछै है? भलौ तो परमेसर एक इज है, पण जे थूं अनत जीवन में परवेस करणौ चावै, तो उणरी आग्याओं नै मानया कर।”
18उणै यीसु नै कयौ, “की कैड़ी आग्या?”
तो यीसु कयौ, “आ की हत्या नीं करणी, व्यभिचार नीं करणौ, चोरी नीं करणी, अर झूठी गवाई नीं दैणी। 19अपणै बाप अर अपणी मां रौ कदर करणौ, अर अपणै पड़ोसी ऊं अपणै जैड़ौ परैम राखणौ।”
20उण मोटियार यीसु ऊं कयौ, “की इण सैंग बातां नै तो म्हैं मांनतो आयौ हूं अबै म्हारै में कीण बात री कमी है?”
21यीसु उणनै कयौ, “थूं सिद्ध होवणौ चावै है तो जा, थारी सगळी जायदाद बेचनै गरीबो नै दे दे, अर थनै सरग में साचौ धन मिळैला। अर आयनै म्हारै लारै वहीर हो जा।” 22आ बात सुण नै मोटियार घणौ मौळौ पड़ियौ अर जातौ रियौ, क्यूंकै वो घणौ धनवान हो।
23यीसु आपरै चेलौ नै कयौ, “म्हैं थौरे हूं साचौ कहूं की धनवान रौ सरग रै राज में परवेस करणौ मुसकिल है। 24थौरे ऊं भळै कहूं की परमेसर रै राज में धनवान रै परवेस करणै ऊं तो ऊंट रौ सुई रै नाके में ऊं निकळ जांणौ घणौ सरल है।”
25ऐ सुण नै चेला अचूम्बे में पड़ग्या अर कैवण लाग्या, “हे परभु तो किणरौ उद्धार हो सकै?”
26यीसु उणौरै सांमै देखनै कयौ, “मिनखौ ऊं तो ओ कोनीं हो सकै, पण परमेसर ऊं ओ सगळौ हो सकै है।”
27तो पतरस यीसु नै कयौ, “देख, म्हौ तो सगळौ छोड़नै थारै लारै आ गिया हो। तो म्हौ नै कांई मिळैला?”
28 #
मत 25:31;
लूक 22:30
यीसु उणौनै कयौ, “म्हैं थौरे ऊं साचौ कहूं की नये जगत में, जद म्हैं, मिनख रौ बेटौ अपणी महिमा रै सिंहासण माथै बैठूंला, तो थै ई जिकौ म्हारै लारै हो गिया हो, बारैह सिंहासणौ माथै बैठनै इजरायल रै बारैह गोत्रों रौ न्याव करौला। 29अर जिकौ कोई नै घरो, या भाइयो, या बहिनों, या बाप, या मां, या बाल-टाबरों, या खेतो नै म्हारै नाम रै वास्तै छोड़ दिया है, उणौनै सौ गुणा मिळैला। अर वो अनत जीवन रा हकदार होवैला। 30#मत 20:16; लूक 13:30पण घणा लोग, जिकौ आगै है वो लारै हो जावैला। अर घणा लोग जिकौ लारै है वो आगै हो जावैला।”
© NLCI CC BY-NC-ND 4.0
मती 19
19
तलाक रै बारै में यीसु री सिकसा
(मरकुस 10:1–12)
1जद यीसु ऐ सैंग कैह चुकया, तो गलील ऊं रवाना होया। अर यरदन नदी रै पार यहूदियो रै परदेस में आया। 2सगळी भीड़ उणौरै लारै वहीर वेगी अर यीसु उणौनै उठैज सगळौ नै सावळ करया।
3जद फरीसी यीसु नै परखणै वास्तै उणरै खनै आयनै कैवण लागा, “कांई हर एक कारण ऊं मिनख खुद री लुगाई नै छोड़णौ सही है की?”
4यीसु जबाब दियौ, “कांई थै पढ़ियो कोनीं की परमेसर नै सरूआत ऊं ही मिनख अर लुगाई बणाया? 5अर परमेसर कयौ, ‘इण कारण मिनख आपरै मां-बाप ऊं न्यारौ होयनै आपरी लुगाई रै साथै रैला अर वे दोनूं एक तन होई।’ 6अबै वो दो कोनीं पण एक तन है। इण वास्तै जिकौ परमेसर जोड़िया है उणनै मिनख अलग नीं करै।”
7 #
मत 5:31
उणौ यीसु नै कयौ, “पछै मूसा नै क्यूं औ ठैरायौ की त्यागपत्र देयनै उणनै छोड़ दे?”
8यीसु उणौनै जबाब दियौ, “मूसा थोरै मन री कठोरता नै जांणतौ हो इण कारण ही थोरै लुगाईयां नै छोड़ दैणै रौ हुकम दियौ हो, पण सरूआत में ऐड़ौ कोनीं होवतो। 9#मत 5:32; 1 कुरि 7:10,11म्हैं थौरे ऊं कहूं की व्यभिचार नै छोड़नै और कोई कारण ऊं आपरी लुगाई नै छोड़नै दूजी ऊं ब्याव करै, तो वो व्यभिचार करै है।”
10चेलौ परभु यीसु नै कयौ, “जे मिनख रौ लुगाई रै साथै ऐड़ौ संबंध है तो ब्याव करणौ बड़िया कोनीं।” 11यीसु उणौनै कयौ, “सगळा ऐ वचन हर कोई नीं समझ सकै है ऐ वो ही समझै जिकौ नै समझनै रौ वरदान दियोड़ो है। 12क्यूंकै कईक मिनख ऐड़ा है जिकौ पैदाईसी हिंजड़ा है अर कईक मिनख ऐड़ा है जिकौ नै मिनखौ हिंजड़ा बणा दिया है अर कईक मिनख ऐड़ा है जिकौ सरग रै राज मे जांणै रै वास्तै ब्याव नीं करणै रौ फैसलो लियौ है, जिकौ समझ सकै वो समझ ले।”
टाबरौ नै आसीरवाद
(मरकुस 10:13–16; लूका 18:15–17)
13उण वेळा लोग यीसु रै खनै टाबरां नै लावता हा, की वे उण माथै ऊपर हाथ राखै अर पराथना करै, पण चेला लोगां नै हाका करता हा। 14यीसु कयौ, “टाबरां नै म्हारै खनै आवण दो रोको मती क्यूंकै सरग रौ राज ऐड़ौ रौ ही है।” 15अर यीसु उण टाबरां रै ऊपर हाथ राखनै उठै ऊं जाता रिया।
धनवान मिनख अर अनत जीवन
(मरकुस 10:17–31; लूका 18:18–30)
16एक मिनख यीसु रै खनै आयौ अर यीसु नै कयौ, “हे गुरु, म्हैं कुण सो भलौ कांम करूं की अनत जीवन पाऊं?”
17यीसु उणनै कयौ, “थूं म्हारै ऊं भलाई रै बारै में क्यूं पूछै है? भलौ तो परमेसर एक इज है, पण जे थूं अनत जीवन में परवेस करणौ चावै, तो उणरी आग्याओं नै मानया कर।”
18उणै यीसु नै कयौ, “की कैड़ी आग्या?”
तो यीसु कयौ, “आ की हत्या नीं करणी, व्यभिचार नीं करणौ, चोरी नीं करणी, अर झूठी गवाई नीं दैणी। 19अपणै बाप अर अपणी मां रौ कदर करणौ, अर अपणै पड़ोसी ऊं अपणै जैड़ौ परैम राखणौ।”
20उण मोटियार यीसु ऊं कयौ, “की इण सैंग बातां नै तो म्हैं मांनतो आयौ हूं अबै म्हारै में कीण बात री कमी है?”
21यीसु उणनै कयौ, “थूं सिद्ध होवणौ चावै है तो जा, थारी सगळी जायदाद बेचनै गरीबो नै दे दे, अर थनै सरग में साचौ धन मिळैला। अर आयनै म्हारै लारै वहीर हो जा।” 22आ बात सुण नै मोटियार घणौ मौळौ पड़ियौ अर जातौ रियौ, क्यूंकै वो घणौ धनवान हो।
23यीसु आपरै चेलौ नै कयौ, “म्हैं थौरे हूं साचौ कहूं की धनवान रौ सरग रै राज में परवेस करणौ मुसकिल है। 24थौरे ऊं भळै कहूं की परमेसर रै राज में धनवान रै परवेस करणै ऊं तो ऊंट रौ सुई रै नाके में ऊं निकळ जांणौ घणौ सरल है।”
25ऐ सुण नै चेला अचूम्बे में पड़ग्या अर कैवण लाग्या, “हे परभु तो किणरौ उद्धार हो सकै?”
26यीसु उणौरै सांमै देखनै कयौ, “मिनखौ ऊं तो ओ कोनीं हो सकै, पण परमेसर ऊं ओ सगळौ हो सकै है।”
27तो पतरस यीसु नै कयौ, “देख, म्हौ तो सगळौ छोड़नै थारै लारै आ गिया हो। तो म्हौ नै कांई मिळैला?”
28 #
मत 25:31;
लूक 22:30
यीसु उणौनै कयौ, “म्हैं थौरे ऊं साचौ कहूं की नये जगत में, जद म्हैं, मिनख रौ बेटौ अपणी महिमा रै सिंहासण माथै बैठूंला, तो थै ई जिकौ म्हारै लारै हो गिया हो, बारैह सिंहासणौ माथै बैठनै इजरायल रै बारैह गोत्रों रौ न्याव करौला। 29अर जिकौ कोई नै घरो, या भाइयो, या बहिनों, या बाप, या मां, या बाल-टाबरों, या खेतो नै म्हारै नाम रै वास्तै छोड़ दिया है, उणौनै सौ गुणा मिळैला। अर वो अनत जीवन रा हकदार होवैला। 30#मत 20:16; लूक 13:30पण घणा लोग, जिकौ आगै है वो लारै हो जावैला। अर घणा लोग जिकौ लारै है वो आगै हो जावैला।”
© NLCI CC BY-NC-ND 4.0