ና. ሜና. 24
24
ጳውሎስ በይኹዳ ገነ የትሰሰኸማ
1ታምስት ከረ አን የስ አለቃ ኻናንያ ተይኹዳ ባሪቅም ጠርጠሪዎስ ቲውሪ ዘንጋ ቲርምስ ጋ ቂሳርያ ከተማ ወረም፤ ኽኖም የጳውሎስ በዳነ ፊሊክስ ይፍቴ ሰሰዊም። 2ጳውሎስም ጠኔም በቸነ አን ጠርጠሉስም ክስሰታ አትነበምታነ ዝካ ባረም፤
«የትከበርኸ ፊሊክስ ዝኽ ሰብ ባኸ ዳነት ንቅ ሽናት ነከበም በንብረትም ዠፐረንደም። 3ዝኽ ወኼ ሜናኸ ብንም መደር በሟኒም ግዝየ ቦኼነት ንትፐኔከ። 4ኧዃ ጭን ቅንጭፍ አመነም ኡድቃር ቦኼነታኸ ትሰማንዴ ኧጨስኸ። 5ዝኽ ምስ ጥጥ ባሸ ኸረብንደም፤ በአለም ባነቦ ይኹዳ ሰብ እንም መራክስ ነሳም አጀገረም፤ ትም ናዝራዊ ይውርዮ ሰብ መሪ ኸረም ነከብኔም። 6ቤተመቅደስም ቲያሰንኽ ቲያትባቅር ጠበጥኔም፤ ይናም የጫንዳ ኸማ ንፈርድኔ ባነ። 7ቢኸርም ዮታደር አለቃ ሉስዮስ ቸነም ተጀንዳ ነጠቀም ወሰደብንደም። 8የትም የሰሶ ሰብ ያኸኼ ይቸኖዌ አዘዘኖም፤ አኸም የጳውሎስ መርንምታነ ይናም የንቃር የሰስኔ ኸማ እንም ትኻርሸ» ቧረንም። 9የአይኹድ ገነ ሰብ «ዝኽ እንም ዘንጋ ውረሙ» ባሮም አንና ደመዶም።
ጳውሎስ በፊሊክስ ይፍቴ ቃረታ ያትፐረኸማ
10ጳውሎስ ይዝረ ፊልክስ በኧጀታ ጠቈሰንም፤ ትም ዝካ ባረም፤
«አኸ ተብዘ ዘበር ቈነሽም የዝ የይኹዳ ገነ ዳነ የኸርኸ ኸማ ኧር ኸሬ በሰሶን ቃር እያም ቲሽሬ ቃረና አፕርቴ። 11እያም ይእግዘር ኧሰግዴ ኢየሩሳሌም ከተማ ዮር ታስረዄት ከረ ኤርቅ ኸማ አኸም ገግማኸታጬጌ ይኸንኸ። 12በቤተመቅደስም ኸረም አይኹድ ቢደመዶ ቤት ዌም በከተማ ታት ሰብ ትንትራከስ ትንክራከር ዌም ሰብ የመራክስ ትንርሳሳ አናሶን። 13ኧዃም ዝኽ በሰሶን ዘንጋ አሸም ባረም ዩድቢ እማትም ሰብ ኤነ። 14እያም አምርወ ቃር ኖድኸ፤ ኽኖ በቀንጠዊ ባባንዳ ታ በኢየሱስ ክርስቶስ አምር፤ የሙሴ ጫም እግዘር ኦደኖም ነቢም በጣፈዊ ቃር እንም አምር፤ 15ኽኖም ተስፋ ያመሮኸማም እያም ፃዲቅም ባጢር የቾቶም ተሞት ይትረሶኸማ ብእግዘር ተስፋ አሜ። 16የኽ እንም እያ እንም ጋ ብእግዘርም በሰብም ይፍቴ ወኼ ን ይረብሬዬ አትባቅር።
17«ተኢየሩሳሌም ገነ ቶጣ ተብዘ ዘበር አን ደቦወና ይረጀ ዋጋ ኤቤ፥ ይእግዘር ይዊ መባ ጠበንም ቸነም። 18ቤተመቅደስ የረከቦን ዝኸታ ትናሜዉ፤ በሙሴ ጫ ኤነትም ገገና መጠርም ባነ፤ ትያ ጋም ብዘ ሰብ አነፐረ መራክስም አነሳ። 19ቢኸርም ተእስያ ገነ የቸነቦ የይኹዳ ሰብ በኽሜ ባነቦ ትያ ዘንጋ ያነኖ በኸረ ቢፍታኼ የተኖም የዘንጎ። 20ተዝኽ አን በጐቸኔ ትንትነብ የዝኽ ይፍቴ በይኹዳ ባሪቅ ይፍቴ የቾትን ጥጥ ቃር በረፐረ ዝኽ ሰብ ዮዶፒ። 21በውረም በግብተና ቈምም ‹የተ ይትረሳቴ የባዄ የፍርድ ቢፍታኹዌ ተነብም› ባም በአርቅ ቃር ኦድኽኖም፤ ዝኽ ባንኸሬ እንጐድ ያመነ ቃር ኤነ» ባረም።
22ፊሊክስ የክርስቶስ ኤማ በጨር ይር የረፐሬ «የአርብ ዳነ ሉስዮስ ቲቸን ዘንጋኹ ኧደፕርሸ» ባረም አስራፐተኖም። 23ይቅየንዳ የረፐረ የመቶ አለቃምታ የጳውሎስ ቦኽኔ ቤያጨንኔ ደቦወታ ያትሽን ቃር እንም ጠበጦም ያዘውዬ ቲቸኖ ቤኸራኖዌ አዘዘም።
ጳውሎስ በፊልክስም በድሩሲላም ይፍቴ ወትቀነበታ
24ተቀሪ ከረ አን ፊሊክስ ተይኹዳ ጥብ ምሽተታ ተድሩሲላ ጋ ቸነም፤ የጳውሎስ ጠናም አቸነንምታነ፤ ትም በኢየሱስ ክርስቶስ ያምርወ ቃር ቲዩድን ሰሟንም። 25ጳውሎስም ራ ወኽር፥ ተባጢር ወጤፕ፥ ተዝ አን ይቸን ፍርድ እንም ኦደንም፤ ፊሊክስም ሰነፈም «ኧዃሽ አኸም ወር፤ በትመቼ ግዝየ ኧራኽም ኧጥራኸሸ» ቧረንም። 26ፊሊክስም «ጳውሎስ ይሽባ ያቤሸ» ባረም ብዘ ጋ ጠናም ያጮድን ባነ።
27ጳውሎስ በታገደ በዄት ዘበረታ ጶርቅዮስ ይውሪ ፊስጦስ በፊሊክስ መደር ተሽጋከረም የገን ዳነ ኸረም። ፊሊክስም የይኹዳ ሰብ ይሳኖሸ ይያም ይርመዶንሸ ቲብር ጳውሎስ ባጐጂም ኸማ ቸንም።
