1ነ ቆሮ. 1
1
1ብእግዘር ፍቃድ የኢየሱስ ክርስቶስ ናቸረነ ይኸሬ ተሸቺ ተጳውሎስም ተጐፔያንዳም ተሶስቴንስ፦
2የኽኖም ይናም ታ የኸረ ታንዳ ኢየሱስ ክርስቶስ ቲረምዶኽኖ እንም፥ በኢየሱስ ክርስቶስ የትቀደሶም ቅዱሳንም ቧርም የጠኔዮ፥ በቆሮንቶስ ያነ ይእግዘር ቤተክርስቲያን ሰብ፦
3ታባንዳ ትእግዘርም ተታ ኢየሱስ ክርስቶስም ፀጋም ሽናትም ያኹ የኽር።
ይእግዘር ሽር
4በኢየሱስ ክርስቶስ ወኸት ፀጋታ ያበናኹዌ ባኹ የቸነ እንም ጋ ይእግዘር ሽር ኧውን። 5አኹ ይእግዘር ቃር ቦዶትም ኸረ በውቀትም ብንም ቃር በክርስቶስ ደንገነ ኸርኹም። 6የክርስቶስ ቃር ዮድኔኩ ምስክርነት በውረም ተፐርኹም 7የኽክም የታንዳ የኢየሱስ ክርስቶስ ተኖት ቅየኹም ትትረብሮ ሟኒም ኤነት የመንፈስ ቅዱስ ስጦታ ኤቀብርብኹ፤ 8ታንዳ ኢየሱስ ክርስቶስ ቢቸንወ ከረ አር ኤባር ኸርኹም ትትረከቦዬ ት የቀጥወ ዳር ያትቋምርኹሸ። 9ተትከታ ተታንዳ ተኢየሱስ ክርስቶስ ጋ እማቴ ትኸሮዌ የሸፐተናኹ እግዘር የታመረው።
ባመሮ ሰብ ግብት መራክስ ንበሮት ኤነወ
10ጐፔቸም ኧተቾ በግብታኹ ወትሸሸድ ኤይምበር፤ እንማኹ ተስማሞም ባት አሳብም ባት ኤነት ተቋመሮም ንበሮ ባም በታንዳ በኢየሱስ ክርስቶስ ሽም ኧጨስኹ። 11ጐፔቸም ኧተቾ በግብታኹ መራክስ ያነ ኸማ የቀሎዌ አበሩስ ኦዶንም። 12አኹም ያታታኹ «እያ የጳውሎስን»፥ «እያ የአጵሎስን»፥ «እያ ጭን የጴጥሮስን»፥ «እያሽ የክርስቶስን» ባኹም ትትራከሶ ቧንም። 13ኧጋ ክርስቶስ ተሻደምዌ? ጳውሎስኽ ያኹ ተሰቀረምዌ? ዌሽ በጳውሎስ ሽም ተጠመቅኹምዌ? 14እያ ቀርስጶስም ጋይዮስም ባንኸሬ ታኹ እማት ሰብ ዳር አናጠመቅዄ እግዘር ሽር የስራን። 15ዝም የኸሬ ብያ «በጳውሎስ ሽም ተጠመቅኹም» ባረም ይዝረ ሰብ ኤነ። 16ውረሙ፤ የእስጢፋኖስ አበሩስ አጠመቅኽኖም፤ ተዛና እንጐድ ሰብ ደፐርም ያጠመቅ ኸማ ኤትዘገዴ። 17ክርስቶስ የራኼ የት ቃር ዩድ ወንጌል ኡዴው ባንኸሬ አጠምቄ አንኸረ፤ ክርስቶስ የትሰቀረወ መስቀር ከንቱ ኺተ ቤቄዬ ወንጌል ኡድ እያ ዘንጋ ኧር ቤት የገገና ቃር ድቢት አንኸረ።
ክርስቶስ ይእግዘር ኻሪነትም ደረግም ወኽረታ
18ክርስቶስ ተሰቀረም ተም ወበር ኤያምሮ ኽኖ ጋውነት ይመስኖ፤ አመነም የተነፍነ ይና ጭን ይእግዘር ደረጉ። 19«የኻሪ ሰብ ኻሮተታ፥
ይቤስር ሰብ በስሮተታ አጠፋቴ»
ቧርም ጣም። 20ኧጋ ኻሪኽ ኤቴ ነረ? ጫ ይር ሰብኽ ኤቴ ነረ? የዝኽ ዘበር ይምረምር ሰብ ኤቴ ነረ? እግዘር የዝ አለም ኻሪነት ጋውነቱ አምባረዌ?
21የዝ አለም ሰብ በገገና ኻሪነት እግዘር ሟን የኸረ ኸማ ይቤስሮዬ አንኸረሎዬ ጋውነት ቢመስር ይና ብኑድኔ ወንጌል ያምሮኽኖ ያተርፌ ይእግዘር ፍቃድ ኸረም። 22ቢኸርም የይኹዳ ሰብ ወግቃር ያዞዬ ይሰቦ፤ የግሪክ ሰብም ኻሪነት ይትሜኖ። 23ይና ጭን ክርስቶስ ይና ቲብር የትሰቀረ ኸማ ኑድነ፤ ዝም የይኹዳ ሰብ ቈፋ የአረማዊ ሰብም ጋውነቱ። 24እግዘር የሸፐተኖ የይኹዳ ሰብ ቢኸሮ የአረማዊ ሰብ ቢኸሮ ዝኽ ኑድነ ክርስቶስ ይእግዘር ኻሪነትም ደረግሙ። 25ይእግዘር ጋውነቱ ቧርም ያጫቺ ዘንጋ ተሰብ ኻሪነት ይርቅ፤ ይእግዘር ጭነሩ ቧርም ያጫቺ ዘንጋም ተሰብ ደረግ ይርቅ።
26ጐፔቸም ኧተቾ እግዘር አኹ ሸፐተም ቲጠራኹ ምር ኤነት ሰብ የረፐርኹ ኸማ በስሮ፤ የሰብ አሳብ ኸማ ታኹ ግብት ብዘ ኻሪ ዌም ደረግ ያነኖ ዌም ንቅ ንቅ ሰብ አነፐሮ። 27ቢኸርም እግዘር ኻሪሎ ይውርዮ ሰብ ያቅመጭኖዌ የዝ አለም ጋዋ ሰብ ሸፐተም፤ ንቅ ደረግ ነረኖ ይውርዮ ሰብ ያቅመጭኖዌ እግዘር የዝ አለም ጨነ ሰብ ሸፐተም። 28በሰብ ወኸት ንቅ የኸረ ዘንጋ ያጠፌ እግዘር የአለም ሟኒም ዘንጋ፥ የቈንጪ ዘንጋ፥ በሰብ ወኸት አንሰና ዘንጋ ሸፐተም። 29ዝም ያመነ ሟኒም ሰብ ብእግዘር ይፍቴ ቤትዜው። 30አኹ ጭን እግዘር ተኢየሱስ ክርስቶስ ጋ እማት ትኸሮኸማ ኤፐም፤ በዝም የቸነ እግዘር ኢየሱስ ክርስቶስ ኻሪነተንዳ፥ ፅድቀንዳ፥ ቅድስናንዳ፥ መትወጫንዳ ይኸርኸማ ኤንም። 31ኼታ በመጣፍ «ይትሸመር ሰብ ብእግዘር የትሸመር» ቧርም ጣም።
1ነ ቆሮ. 1
1
1ብእግዘር ፍቃድ የኢየሱስ ክርስቶስ ናቸረነ ይኸሬ ተሸቺ ተጳውሎስም ተጐፔያንዳም ተሶስቴንስ፦
2የኽኖም ይናም ታ የኸረ ታንዳ ኢየሱስ ክርስቶስ ቲረምዶኽኖ እንም፥ በኢየሱስ ክርስቶስ የትቀደሶም ቅዱሳንም ቧርም የጠኔዮ፥ በቆሮንቶስ ያነ ይእግዘር ቤተክርስቲያን ሰብ፦
3ታባንዳ ትእግዘርም ተታ ኢየሱስ ክርስቶስም ፀጋም ሽናትም ያኹ የኽር።
ይእግዘር ሽር
4በኢየሱስ ክርስቶስ ወኸት ፀጋታ ያበናኹዌ ባኹ የቸነ እንም ጋ ይእግዘር ሽር ኧውን። 5አኹ ይእግዘር ቃር ቦዶትም ኸረ በውቀትም ብንም ቃር በክርስቶስ ደንገነ ኸርኹም። 6የክርስቶስ ቃር ዮድኔኩ ምስክርነት በውረም ተፐርኹም 7የኽክም የታንዳ የኢየሱስ ክርስቶስ ተኖት ቅየኹም ትትረብሮ ሟኒም ኤነት የመንፈስ ቅዱስ ስጦታ ኤቀብርብኹ፤ 8ታንዳ ኢየሱስ ክርስቶስ ቢቸንወ ከረ አር ኤባር ኸርኹም ትትረከቦዬ ት የቀጥወ ዳር ያትቋምርኹሸ። 9ተትከታ ተታንዳ ተኢየሱስ ክርስቶስ ጋ እማቴ ትኸሮዌ የሸፐተናኹ እግዘር የታመረው።
ባመሮ ሰብ ግብት መራክስ ንበሮት ኤነወ
10ጐፔቸም ኧተቾ በግብታኹ ወትሸሸድ ኤይምበር፤ እንማኹ ተስማሞም ባት አሳብም ባት ኤነት ተቋመሮም ንበሮ ባም በታንዳ በኢየሱስ ክርስቶስ ሽም ኧጨስኹ። 11ጐፔቸም ኧተቾ በግብታኹ መራክስ ያነ ኸማ የቀሎዌ አበሩስ ኦዶንም። 12አኹም ያታታኹ «እያ የጳውሎስን»፥ «እያ የአጵሎስን»፥ «እያ ጭን የጴጥሮስን»፥ «እያሽ የክርስቶስን» ባኹም ትትራከሶ ቧንም። 13ኧጋ ክርስቶስ ተሻደምዌ? ጳውሎስኽ ያኹ ተሰቀረምዌ? ዌሽ በጳውሎስ ሽም ተጠመቅኹምዌ? 14እያ ቀርስጶስም ጋይዮስም ባንኸሬ ታኹ እማት ሰብ ዳር አናጠመቅዄ እግዘር ሽር የስራን። 15ዝም የኸሬ ብያ «በጳውሎስ ሽም ተጠመቅኹም» ባረም ይዝረ ሰብ ኤነ። 16ውረሙ፤ የእስጢፋኖስ አበሩስ አጠመቅኽኖም፤ ተዛና እንጐድ ሰብ ደፐርም ያጠመቅ ኸማ ኤትዘገዴ። 17ክርስቶስ የራኼ የት ቃር ዩድ ወንጌል ኡዴው ባንኸሬ አጠምቄ አንኸረ፤ ክርስቶስ የትሰቀረወ መስቀር ከንቱ ኺተ ቤቄዬ ወንጌል ኡድ እያ ዘንጋ ኧር ቤት የገገና ቃር ድቢት አንኸረ።
ክርስቶስ ይእግዘር ኻሪነትም ደረግም ወኽረታ
18ክርስቶስ ተሰቀረም ተም ወበር ኤያምሮ ኽኖ ጋውነት ይመስኖ፤ አመነም የተነፍነ ይና ጭን ይእግዘር ደረጉ። 19«የኻሪ ሰብ ኻሮተታ፥
ይቤስር ሰብ በስሮተታ አጠፋቴ»
ቧርም ጣም። 20ኧጋ ኻሪኽ ኤቴ ነረ? ጫ ይር ሰብኽ ኤቴ ነረ? የዝኽ ዘበር ይምረምር ሰብ ኤቴ ነረ? እግዘር የዝ አለም ኻሪነት ጋውነቱ አምባረዌ?
21የዝ አለም ሰብ በገገና ኻሪነት እግዘር ሟን የኸረ ኸማ ይቤስሮዬ አንኸረሎዬ ጋውነት ቢመስር ይና ብኑድኔ ወንጌል ያምሮኽኖ ያተርፌ ይእግዘር ፍቃድ ኸረም። 22ቢኸርም የይኹዳ ሰብ ወግቃር ያዞዬ ይሰቦ፤ የግሪክ ሰብም ኻሪነት ይትሜኖ። 23ይና ጭን ክርስቶስ ይና ቲብር የትሰቀረ ኸማ ኑድነ፤ ዝም የይኹዳ ሰብ ቈፋ የአረማዊ ሰብም ጋውነቱ። 24እግዘር የሸፐተኖ የይኹዳ ሰብ ቢኸሮ የአረማዊ ሰብ ቢኸሮ ዝኽ ኑድነ ክርስቶስ ይእግዘር ኻሪነትም ደረግሙ። 25ይእግዘር ጋውነቱ ቧርም ያጫቺ ዘንጋ ተሰብ ኻሪነት ይርቅ፤ ይእግዘር ጭነሩ ቧርም ያጫቺ ዘንጋም ተሰብ ደረግ ይርቅ።
26ጐፔቸም ኧተቾ እግዘር አኹ ሸፐተም ቲጠራኹ ምር ኤነት ሰብ የረፐርኹ ኸማ በስሮ፤ የሰብ አሳብ ኸማ ታኹ ግብት ብዘ ኻሪ ዌም ደረግ ያነኖ ዌም ንቅ ንቅ ሰብ አነፐሮ። 27ቢኸርም እግዘር ኻሪሎ ይውርዮ ሰብ ያቅመጭኖዌ የዝ አለም ጋዋ ሰብ ሸፐተም፤ ንቅ ደረግ ነረኖ ይውርዮ ሰብ ያቅመጭኖዌ እግዘር የዝ አለም ጨነ ሰብ ሸፐተም። 28በሰብ ወኸት ንቅ የኸረ ዘንጋ ያጠፌ እግዘር የአለም ሟኒም ዘንጋ፥ የቈንጪ ዘንጋ፥ በሰብ ወኸት አንሰና ዘንጋ ሸፐተም። 29ዝም ያመነ ሟኒም ሰብ ብእግዘር ይፍቴ ቤትዜው። 30አኹ ጭን እግዘር ተኢየሱስ ክርስቶስ ጋ እማት ትኸሮኸማ ኤፐም፤ በዝም የቸነ እግዘር ኢየሱስ ክርስቶስ ኻሪነተንዳ፥ ፅድቀንዳ፥ ቅድስናንዳ፥ መትወጫንዳ ይኸርኸማ ኤንም። 31ኼታ በመጣፍ «ይትሸመር ሰብ ብእግዘር የትሸመር» ቧርም ጣም።
