1ቈረንተውስት እቂዝ 7
7
ፈወነ 7
ገቭቸዝቍዝ ይውሽተው መምርየ
1ይጭስ ፃፍርነው ዊገይዝ፣ እጅር እውነት ድምቅሺጝቀ ፅባን ቀሰው የጝ፤ 2ዊገድ ግን ሽርሙጥነይስ ሊሚድሸናንስ ማጥን ኣውማው እጅርድቅ ጝቕምስ እውነት ድውነ፤ ኣውማው እውነም ጝርቕምስ ግልወ ድውርነ። 3ግልወ ጝውነስ ፃቭጠ ጥውሸውድየንትቅ ፃቭነ፤ እኒዝጘም ቈሽ እውነ ጝርጕርየስ ጥውሸውድየንትቅ ፃቭርነ። 4እውነ ጝርሰውነትድ ጝሩ ጭቝም ኣየው፤ ጝርጕርየትውም የጝ፤ እኒዝጘም ግልወ ጝሰውነትድ ጝቕምቱ ጭቝም ኣየው፤ ጝውነትውም የጝ። 5ፀለውትዝ ቲግይርናንስ ማጥን ክታቪል ቲስመምርን ዊቱ ግርየዝ ኣየውዝየ ክታስ ክታይ ኪልክልሽትርነ፤ ክታቕምት ተቈጣጥርሸነ ብርን ሲጣንዝ ፊትንሻይርነጘ ዊስርን ላብጠ ኣጥን። 6እኒንት የውድም ግድ ትዛዝ ነየነት ኣዪጝቀ ማኽረነት የጝ። 7እጅር እጝቅ ይጘ እውነት ድዊጝቀ ፅባን ቀንጨ ዊኑን፤ ዊገድ ግን ኣውማው እጅር እደረቲስ ለምረው ይውት ፃይኩ፤ ላውድ ላው ኣይንት ኣቓንድ ላየድ ቈሽ ላየ ኣይንት የጝ።
8ግልወ ድዊየቍ እቍኒዝመ ልጀጊርዳኒዝ ግን ድዊጝቀ ይጘ ፅብጛን ጛጭስ ቀሰው የጝ የኵን። 9ዊገድ ግን ጝታቕምት ተቈጣጥርሸነ ብጘውዝየ ድውጝነ፤ ምላሰንድም ምርቕፀዝ ቃጥልሸነዊስ ሽ ድወነው ቺዘኵ። 10ገባሸቊዝ ግን ትዛዝ ይወኵን፤ እኒን ትዛዝድም፦ «እውነ ጝርጕርየቲስ ቲቲርነ» የው የጝ፤ እንም ኣደረቱ ትዛዝ የጝጚ ይውም ኣየው። 11ቲትረውዝየ ግን ድዊጝቀ ፅብርነ፤ ዊንም ጝርጕርየ ጅቅ ኣርቅሽርነ፤ ግልወም ጝውነት ዳቕሪነ።#ማቲ. 5፡32፤ 19፡9፤ ማር. 10፡11-12፤ ሉቃ. 16፡18።
12ላጢዝ ቈሽ ዊግጨ በነው ዊገ እኩ፤ እን ዊገድም ይውጚ ኣደረትውም ኣየው፤ ኣምኒረይ እውነት ፃየው ግልወ ፅብሽ ጝውነ ጝጅቅ ላብጠ ፅብተ ፊቅድረይ ኣረውዝየ ዳቕርጠ ጥውሻውም። 13ኣምናው ግልወ ፃይረይ እውነ ፅብርሽ፣ ጘጝም ጝር ጅቅ ኣጠ ፊቅደው ኣቐውዝየ፣ ዳቕርተ ጥውሻውም። 14ምላሰንድም ኣምናው ግልወ ጝውነት ኣመካይነትዝ ቀድስሽትኩ፤ ኣምናይ እውነም ጝርጕርየት ኣመካይነትዝ ቀድስሽትርኵች፤ እነየው ኣየውዝየመ ክታዅልድ ርኵሳን ኣጥጘ ዊን፤ ነን ግን ቀድስሽተቍ ጛይ። 15ኣምናው እጅርድ ግን ቲትጠ በነውዝየ ቲትነ፤ ግልወም ኣነ እውነ እነየው ኣቕንዝ እፅቍሸቍም ኣየቍ፤ እደረ ይናት ጭጘውድ ዲግተዝ ፅብናንስ የጝ። 16እውነ ክተ! ክጕርየት ቓዝረር ኣርሽ ውር ኣርቕረር? ግልወ ክተ! ክውነት ቓዝረር ኣርሽ ውር ኣርቕረር?
17ኣውማው እጅርድቅ ኣደረ ዊስነጘ ኣውማውድቅም እደረ ጭጘጘ ጝዝ ፅብነ፤ ምከንጣኒዝቅ ዲጝግገውድ እኒንት የጝ። 18ላው እጅር ጭጝሸውድ ጊርዝሽተት ግረ ኣቕሽ ጊርዝሽትየው እጅሪዝጘ ኣቒነ፤ ጭጝሸውድ ጊርዝሽቲጝቀ ኣቕሽም ጊርዝሽቲነ። 19ጊርዝሽተነውም ኣነ ጊርዝሽታይነው ወየም እጀው፤ ዋነ ጣቅመው ዊገድ እደረት ትዛዝድየንት ፋፅመነውድ የጝ። 20ኣውማው እጅርድቅ እደረ ጝት ጭጛንድ ዊነው ኣቕንይዝ ፀናቕ ፅብነ። 21ጭጝሽራንድ በረመ ዊንዱ? እንዝ ጨጝቅሽተ፤ ኻርነይ ችጝተ ቸልደውዝየ ግን ክኻርነይድ ለምጭ። 22ምላሰንድም በረ ኣቕ ፅባ ኣደረትውዝ ጭጝሸው እጅር ኣደረትውዝ ኻርነይ ፈው የጝ፤ እኒዝጘም ጭጝሻንድ ኻርነይዝ ዊነው እጅር ክርስቶስቱ ኣገልጋይ የጝ። 23እደረ ክታት ወየዝ ጅቭኩ፤ እንዝ ማጥን እቀ በር ኣትርነ። 24ይፅንወ! ኣውማው እጅርድቅ ጭጝሻንድ ዊነው ኣቕኒዝ እደረ ጅቅ ፀናቕ ፀብነ።
25ድጝግላኒዝ ኣደረቲስ ለምጠው ትዛዝም እጀር፤ ኣነጚ ኣደረት ስቝርትዝ ኣምንጨር እጅር ኣቓንስቅ ይምኽርድ ነቀኵን። 26ነን ፅብነው ዚምንድ ጭቓ ኣቓንስቅ ገባሺጝቀ ዝም ይርን ፅብርናን ቀሰው ተከኵ። 27ኣነጚ እውነት ድውር ፅብርሽ ዳቕረነው በንተ፤ ዲዊረር ኣርሽ ግን ድወነው በንተ። 28እውነት ድውራን ኽጥያትም ሰራሺረር፤ ድጝግልሸንም ግልወ ድውራን ኽጥያትም ሰራሺረይ፤ ዊገድ ግን ገባሸቍ እቅ እን ኣልሚዙ ፅብጘይዝ ኽየው ችግርዝ ፃይሽጘኵ፤ ያንም በነውድ እኒን ችግሪስ ቓድርናንስ የጝ።
29ይፅንወ! ዚምንድ እጅጝ የጝ የር ክታጭስ ድቈኵን፤ ኣቓንስቅም ነንስ ኪርምጝ እቍን ፃየቍድ እጀቊዝጘ ኣቕጝ ፅብጝነ። 30ሊዘቍድ ሊዛቚዝጘ፣ ዲስ የቍድም ዲስ ያቊዝጘ ኣጝነ፤ ጐዝ ጅቨቍድም ጅቭጘቍ ጐዝድ ጝታቍ ኣየቍ ኣጘጘ እግዝጝነ። 31እን ኣልሚዙ ዊገይዝ ጣቅምሸውድቅ ምሉዝ ጣቅምሻዊዝጘ ኣነ፤ ምላሰንድም እን ኣልሚዙ ኣቕንድ ዲቈው የጝ።
32ያንስ ጭጝቅት እጀው ፅብትርነ በነኵን፤ ድዊየው እጅር ኣደረት ዲስ ሽጠ ኣደረት ማጥን ኻስቨኵ። 33ድወው እጅር ግን ጝውነት ዲስ ሽጠ እን ኣልሚዙ ዊገድየንት ኻስቨኵ። 34እንዝም ጝኻሰቭድ ሊጘትል ቢትንሽኩ፤ እኒዝጘም ድዊረይ እውነ ዊንም ድጝግል ኣደረትቍዝ ኻስቨች፤ ጝርኣለመድም ስየዝመ መንፈስዝቅ ቀድስሽትር ኣደረቱ ኣቐነው የጝ፤ ድውረይ እውነ ግን ጝርጕርየት ዲስ ሽተ እን ኣልሚዙ ዊገድየንት ኻስቨች። 35እኒንት የውድም ክታጭስ ጣቅመው ዊገድየንት ኻስቨነውዝ የጝጚ ክታት ጭጝቅዝጨ የርም ኣየው፤ ይኣለመድ ክታኻሰቭድ ቢትንሺጝቀ ኣደረትቍዝ ፀናቕርን ኒቭረጘ ፅብርናስ የጝ።
36ላው እጅር ወግሽተይ ድጝግልሸንት ድወቅም የው ዊስነት ግረ እኒንት ፃቨነውድ ጝወገነየንስ ቀሰው ኣየው ተክ ጝጭስ እትልሽ፣ እንዝ ግረ ቈሽ ጝርት ድወነው ፍቅርድ ኻይልዳ ፊርሽ፣ ገባሸነውድም ትክክል ኣቐጘ ኣምንሽ፣ ጝበነጘ ጝርት ድዋን ኽጥያትም ኣየው፤ ገባሽጝነ። 37ዊገድ ግን እን ዊገይዝ ጝእዘንድ ኣረጋግዝ ተናውጥሺጝቀ ጝቕምት ቅመነውዝ ድጝግልሸንት ድወቅም የው ዊስነው እጅርድ ቀሰው ፃቭኩ። 38እንዝ ማጥን ድጝግልሸንት ድወውድ ቀሰው ፀቨኵ፤ ድዋውድም ዲቈው ፃቨኵ።
39ላይ እውነ ጝርጕርየ ርዅየዝ ፅባ ጝጅቅ እፅቍሽረይ ጚ፤ ጝርጕርየ ክረውዝየ ግን ጝርበንረው ግልወድየንት ድወነው ኻርነይ ፃይረይ ጚ፤ እጅርድ ግን ኣደረት ኣምነው ኣጠ ጥውሸኵ። 40ይጘ ኣቐውዝየ ግን ግልወ ድዊጝቀ ፅብራን ዲቈው ዲስ የች፤ ያንም ቈሽ እደረት መንፈስድ ይግል እኩ ተከኵ።
1ቈረንተውስት እቂዝ 7
7
ፈወነ 7
ገቭቸዝቍዝ ይውሽተው መምርየ
1ይጭስ ፃፍርነው ዊገይዝ፣ እጅር እውነት ድምቅሺጝቀ ፅባን ቀሰው የጝ፤ 2ዊገድ ግን ሽርሙጥነይስ ሊሚድሸናንስ ማጥን ኣውማው እጅርድቅ ጝቕምስ እውነት ድውነ፤ ኣውማው እውነም ጝርቕምስ ግልወ ድውርነ። 3ግልወ ጝውነስ ፃቭጠ ጥውሸውድየንትቅ ፃቭነ፤ እኒዝጘም ቈሽ እውነ ጝርጕርየስ ጥውሸውድየንትቅ ፃቭርነ። 4እውነ ጝርሰውነትድ ጝሩ ጭቝም ኣየው፤ ጝርጕርየትውም የጝ፤ እኒዝጘም ግልወ ጝሰውነትድ ጝቕምቱ ጭቝም ኣየው፤ ጝውነትውም የጝ። 5ፀለውትዝ ቲግይርናንስ ማጥን ክታቪል ቲስመምርን ዊቱ ግርየዝ ኣየውዝየ ክታስ ክታይ ኪልክልሽትርነ፤ ክታቕምት ተቈጣጥርሸነ ብርን ሲጣንዝ ፊትንሻይርነጘ ዊስርን ላብጠ ኣጥን። 6እኒንት የውድም ግድ ትዛዝ ነየነት ኣዪጝቀ ማኽረነት የጝ። 7እጅር እጝቅ ይጘ እውነት ድዊጝቀ ፅባን ቀንጨ ዊኑን፤ ዊገድ ግን ኣውማው እጅር እደረቲስ ለምረው ይውት ፃይኩ፤ ላውድ ላው ኣይንት ኣቓንድ ላየድ ቈሽ ላየ ኣይንት የጝ።
8ግልወ ድዊየቍ እቍኒዝመ ልጀጊርዳኒዝ ግን ድዊጝቀ ይጘ ፅብጛን ጛጭስ ቀሰው የጝ የኵን። 9ዊገድ ግን ጝታቕምት ተቈጣጥርሸነ ብጘውዝየ ድውጝነ፤ ምላሰንድም ምርቕፀዝ ቃጥልሸነዊስ ሽ ድወነው ቺዘኵ። 10ገባሸቊዝ ግን ትዛዝ ይወኵን፤ እኒን ትዛዝድም፦ «እውነ ጝርጕርየቲስ ቲቲርነ» የው የጝ፤ እንም ኣደረቱ ትዛዝ የጝጚ ይውም ኣየው። 11ቲትረውዝየ ግን ድዊጝቀ ፅብርነ፤ ዊንም ጝርጕርየ ጅቅ ኣርቅሽርነ፤ ግልወም ጝውነት ዳቕሪነ።#ማቲ. 5፡32፤ 19፡9፤ ማር. 10፡11-12፤ ሉቃ. 16፡18።
12ላጢዝ ቈሽ ዊግጨ በነው ዊገ እኩ፤ እን ዊገድም ይውጚ ኣደረትውም ኣየው፤ ኣምኒረይ እውነት ፃየው ግልወ ፅብሽ ጝውነ ጝጅቅ ላብጠ ፅብተ ፊቅድረይ ኣረውዝየ ዳቕርጠ ጥውሻውም። 13ኣምናው ግልወ ፃይረይ እውነ ፅብርሽ፣ ጘጝም ጝር ጅቅ ኣጠ ፊቅደው ኣቐውዝየ፣ ዳቕርተ ጥውሻውም። 14ምላሰንድም ኣምናው ግልወ ጝውነት ኣመካይነትዝ ቀድስሽትኩ፤ ኣምናይ እውነም ጝርጕርየት ኣመካይነትዝ ቀድስሽትርኵች፤ እነየው ኣየውዝየመ ክታዅልድ ርኵሳን ኣጥጘ ዊን፤ ነን ግን ቀድስሽተቍ ጛይ። 15ኣምናው እጅርድ ግን ቲትጠ በነውዝየ ቲትነ፤ ግልወም ኣነ እውነ እነየው ኣቕንዝ እፅቍሸቍም ኣየቍ፤ እደረ ይናት ጭጘውድ ዲግተዝ ፅብናንስ የጝ። 16እውነ ክተ! ክጕርየት ቓዝረር ኣርሽ ውር ኣርቕረር? ግልወ ክተ! ክውነት ቓዝረር ኣርሽ ውር ኣርቕረር?
17ኣውማው እጅርድቅ ኣደረ ዊስነጘ ኣውማውድቅም እደረ ጭጘጘ ጝዝ ፅብነ፤ ምከንጣኒዝቅ ዲጝግገውድ እኒንት የጝ። 18ላው እጅር ጭጝሸውድ ጊርዝሽተት ግረ ኣቕሽ ጊርዝሽትየው እጅሪዝጘ ኣቒነ፤ ጭጝሸውድ ጊርዝሽቲጝቀ ኣቕሽም ጊርዝሽቲነ። 19ጊርዝሽተነውም ኣነ ጊርዝሽታይነው ወየም እጀው፤ ዋነ ጣቅመው ዊገድ እደረት ትዛዝድየንት ፋፅመነውድ የጝ። 20ኣውማው እጅርድቅ እደረ ጝት ጭጛንድ ዊነው ኣቕንይዝ ፀናቕ ፅብነ። 21ጭጝሽራንድ በረመ ዊንዱ? እንዝ ጨጝቅሽተ፤ ኻርነይ ችጝተ ቸልደውዝየ ግን ክኻርነይድ ለምጭ። 22ምላሰንድም በረ ኣቕ ፅባ ኣደረትውዝ ጭጝሸው እጅር ኣደረትውዝ ኻርነይ ፈው የጝ፤ እኒዝጘም ጭጝሻንድ ኻርነይዝ ዊነው እጅር ክርስቶስቱ ኣገልጋይ የጝ። 23እደረ ክታት ወየዝ ጅቭኩ፤ እንዝ ማጥን እቀ በር ኣትርነ። 24ይፅንወ! ኣውማው እጅርድቅ ጭጝሻንድ ዊነው ኣቕኒዝ እደረ ጅቅ ፀናቕ ፀብነ።
25ድጝግላኒዝ ኣደረቲስ ለምጠው ትዛዝም እጀር፤ ኣነጚ ኣደረት ስቝርትዝ ኣምንጨር እጅር ኣቓንስቅ ይምኽርድ ነቀኵን። 26ነን ፅብነው ዚምንድ ጭቓ ኣቓንስቅ ገባሺጝቀ ዝም ይርን ፅብርናን ቀሰው ተከኵ። 27ኣነጚ እውነት ድውር ፅብርሽ ዳቕረነው በንተ፤ ዲዊረር ኣርሽ ግን ድወነው በንተ። 28እውነት ድውራን ኽጥያትም ሰራሺረር፤ ድጝግልሸንም ግልወ ድውራን ኽጥያትም ሰራሺረይ፤ ዊገድ ግን ገባሸቍ እቅ እን ኣልሚዙ ፅብጘይዝ ኽየው ችግርዝ ፃይሽጘኵ፤ ያንም በነውድ እኒን ችግሪስ ቓድርናንስ የጝ።
29ይፅንወ! ዚምንድ እጅጝ የጝ የር ክታጭስ ድቈኵን፤ ኣቓንስቅም ነንስ ኪርምጝ እቍን ፃየቍድ እጀቊዝጘ ኣቕጝ ፅብጝነ። 30ሊዘቍድ ሊዛቚዝጘ፣ ዲስ የቍድም ዲስ ያቊዝጘ ኣጝነ፤ ጐዝ ጅቨቍድም ጅቭጘቍ ጐዝድ ጝታቍ ኣየቍ ኣጘጘ እግዝጝነ። 31እን ኣልሚዙ ዊገይዝ ጣቅምሸውድቅ ምሉዝ ጣቅምሻዊዝጘ ኣነ፤ ምላሰንድም እን ኣልሚዙ ኣቕንድ ዲቈው የጝ።
32ያንስ ጭጝቅት እጀው ፅብትርነ በነኵን፤ ድዊየው እጅር ኣደረት ዲስ ሽጠ ኣደረት ማጥን ኻስቨኵ። 33ድወው እጅር ግን ጝውነት ዲስ ሽጠ እን ኣልሚዙ ዊገድየንት ኻስቨኵ። 34እንዝም ጝኻሰቭድ ሊጘትል ቢትንሽኩ፤ እኒዝጘም ድዊረይ እውነ ዊንም ድጝግል ኣደረትቍዝ ኻስቨች፤ ጝርኣለመድም ስየዝመ መንፈስዝቅ ቀድስሽትር ኣደረቱ ኣቐነው የጝ፤ ድውረይ እውነ ግን ጝርጕርየት ዲስ ሽተ እን ኣልሚዙ ዊገድየንት ኻስቨች። 35እኒንት የውድም ክታጭስ ጣቅመው ዊገድየንት ኻስቨነውዝ የጝጚ ክታት ጭጝቅዝጨ የርም ኣየው፤ ይኣለመድ ክታኻሰቭድ ቢትንሺጝቀ ኣደረትቍዝ ፀናቕርን ኒቭረጘ ፅብርናስ የጝ።
36ላው እጅር ወግሽተይ ድጝግልሸንት ድወቅም የው ዊስነት ግረ እኒንት ፃቨነውድ ጝወገነየንስ ቀሰው ኣየው ተክ ጝጭስ እትልሽ፣ እንዝ ግረ ቈሽ ጝርት ድወነው ፍቅርድ ኻይልዳ ፊርሽ፣ ገባሸነውድም ትክክል ኣቐጘ ኣምንሽ፣ ጝበነጘ ጝርት ድዋን ኽጥያትም ኣየው፤ ገባሽጝነ። 37ዊገድ ግን እን ዊገይዝ ጝእዘንድ ኣረጋግዝ ተናውጥሺጝቀ ጝቕምት ቅመነውዝ ድጝግልሸንት ድወቅም የው ዊስነው እጅርድ ቀሰው ፃቭኩ። 38እንዝ ማጥን ድጝግልሸንት ድወውድ ቀሰው ፀቨኵ፤ ድዋውድም ዲቈው ፃቨኵ።
39ላይ እውነ ጝርጕርየ ርዅየዝ ፅባ ጝጅቅ እፅቍሽረይ ጚ፤ ጝርጕርየ ክረውዝየ ግን ጝርበንረው ግልወድየንት ድወነው ኻርነይ ፃይረይ ጚ፤ እጅርድ ግን ኣደረት ኣምነው ኣጠ ጥውሸኵ። 40ይጘ ኣቐውዝየ ግን ግልወ ድዊጝቀ ፅብራን ዲቈው ዲስ የች፤ ያንም ቈሽ እደረት መንፈስድ ይግል እኩ ተከኵ።
