1ቈረንተውስት እቂዝ 5
5
ፈወነ 5
ኒውርሰው ኽጥያት ሰራሸው ክርስትያንድየንት እክልሰነው
1እርግጥዝ ክታማኽሊል ሽርሙጥነዙ ርኵስነ ፅበጘ ጂጚተኵ፤ እነየው ርኵስነድ ኣኽዛቫኒል እኳ እጀው የጝ፤ እንም ጚርት እውነት ድወው እጅር እኩ።#ዘዳ. 22፡30። 2ክትን ግን ትቪትዝ እብሽርንኵርኑ፤ ኽሽስ ኻዝንትርነ ጥውሽጠ ዊኑ፤ እኒንት ሰራሸው እጅርድየንት ክታማኽሊስ ቲዝርን ፊስትርነ ጥውሻውመ? 3ውርም እኳ ስየዝ ክታጅቅ ኣይቀር ኣቓነ መንፈስዝ ግን ክታጅቅ የጝ፤ ልክ ክታጅቅ ፅበጘ ኣቕ እኒንት ፃቨው እጅሪል ይናኣደረ እየሱስ ክርስቶስት ሽዝ ነን ፊርጥኩን፤ 4ክትን ኣኽቭሽርናንድ ያንም ይናኣደረ እየሱስት ኻይልዝ፣ ክታጅቅ መንፈስዝ ኣቓንስቅ፣ 5ጝስየድ ድዝ ጝመንፈስድ ኣደረ ፊርድጠ ተረው ግርየይዝ ቓዳንስ ማጥን እኒን እጅርድየንት ሲጣንዝ ዲቍስርን ይውትርነ ጥውሸኵ።
6ክታምክኸድ ቀሰውም ኣየው፤ ዊቱ ምጨ ኽየው ምኰተድየንት ምጭሰው ኣቐጘ ኣርቓይርነቅመ? 7ነን ምጨ እጀው ኣቕርነጘ ኣይር ምኰተ ኣትርነ ማጥን ኣርጐው ምጨድየንት ክታጊስ እክልስጥን፤ ምላሰንድም ይናፈዝየይዙ ቢገ ኣቐው ክርስቶስ ይናጭስ ዝውሽትኩ።#ገላ. 5፡9። 8እንዝ ማጥን ግፍዝመ ጭቕትዝ እቻቐው ኣርጐው ምጨዝ ኣዪጝቀ ምጨ እጀው ቅንነትዝመ እማንዙ ቅጣዝ፣ በልድየንት ኪብርዝነ።#ዘፀ. 13፡3፤ ዘዳ. 16፡3።
9ሸርሙጣኒጅቅ ተቫቭርሻይርነጘ ይደብዳቢዝ ክታጭስ ፃፍ ዊኑን። 10እኒንት ያንድም ጥቅለዝ እን ኣልሚዝቍ ሸርሙጣን፣ ዊንም ሰገቭጋቫን፣ ዊንም ናጥቀጥ፣ ዊንም ጣወት ኣምልከቊ፣ እንዛይጅቅቅ ተቫቭርሻይርነጘ የነትም ኣየው፤ እነየው ኣቓንመ ስሪስቅ እን ኣልሚስ ቲትርነ ዊንድርኑ የነት የጝ። 11ዊገድ ግን ነን ክታጭስ ፃፈውድ፦ «ያን ክርስትያን የጝ» ያ ሻርሙጠው፣ ዊንም ሲግቭግቭሸው፣ ዊንም ጣወት ኣምልከው፣ ዊንም ዛሸው፣ ዊንም እራቐው፣ ዊንም ናጥቀው፣ እጅሪጅቅቅ ተቫቭርሻይረነጘ የጝ፤ እነየው እጅሪጅቅ ሚ እኳ ዅትርነ።
12ክርስቲያናን ኣየቍ እቂል ፊርጨ ይት ኣው ድውሱ? ክርስቲያናን ኣቐቍ እቂል ክትን ፊርዳይርነቅመ? 13ክርስቲያናን ኣየቍ እቂል ግን እደረ ፊርድጡ፤ ጭቓ እጅርድየንት ክታማኽሊስ እክልስጥን።
