Забур 92
92
Даим пачагь
1 Реббиди пачагьвал ийизва.
Ганва Адаз чӀехивал;
чӀул хьиз ава къуват
Реббидин юкьва,
алем эцигна тайинарнава,
ада ян гун мумкин туш.
2Дегь замандилай Ви тахт тестикь авунва.
Даим я Вун.
3Хкаж жезва ядаланар, я Ребби,
ядаланри хкажзава чпин ван,
ядаланри хкажзава чпин лепеяр.
4Кьакьан цавара уьмуьр тухузвай
Реббидин къуват гзаф я.
Вири ятарин къалдилай Адан къуват гзаф я,
гьуьлуьн зурба лепейрилай гзаф я къуват Адан.
5Ви шагьидвилер гзаф гьакъикъибур я.
Ви КӀвализ, Ребби,
хас я паквал датӀана.
© Институт перевода Библии, 2010-2024