Забур 74
74
Аллагь дуванбег я
1Манидаррин чӀехидаз. «Телеф мийир» манидин макьам ягъиз. Асафан мани.
2Чна Ваз шукур ийизва, я Аллагь,
шукур ийизва,
Ви тӀвар лап мукьув гва.
Ви аламатрикай хабар гузва инсанри.
3Вуна лагьана: «Къалурнавай вахтунда
За гьахъ гваз дуван ийида.
4Чил ва анал уьмуьр тухузвай инсанар
алаш-булашдик туькьуьнзавайла,
За адан бине кьуна акъвазарна».
Макьамдин ара
5За лагьана кьуру дамах гвайбуруз:
«Лавгъадаказ тухумир»,
небгетриз лагьана: «Гадара гъукь.
6Кьил тик кьамир, лавгъадаказ рахамир».
7Вучиз лагьайтӀа я рагъэкъечӀдай,
я акӀидай патахъ,
я кьурумда
садани инсан хкажзавач.
8Аллагь я Дуванбег:
сад хкажзава, агъуззава муькуьди.
9Адан гъиле фейжан ава тӀям квай
каф алай чехир авай,
Ада гьадай ичӀирзава.
Гьатта адан кӀане амай амукьаярни
хъвада чилел небгетри, шуткьурна.
10Хабар гуда за даим,
манидалди тарифда Якьубан Аллагьдин.
11«Небгетрин виридан
крчар куьруь ийида за,
хкажда За гьахъ-михьибур».
© Институт перевода Библии, 2010-2024