Забур 70
70
Кьуьзуь кьилихъ куьмек кӀанз Аллагьдиз ийидай дуьа
1Я Ребби, за жагъурзава Вакай далда,
заз садрани регъуь жервал ийимир!
2Хас тирвал Ви гьахъвилиз азад ая зун!
Яб акала захъ, хилас ая зун!
3Хьухь зун хуьдай раг,
даим заз чуьнуьх жедай чка хьухь,
Жуван куьмек алакьара,
Ана жеда зун саламатвиле Вуна эмирай чӀавуз заз.
Вун зи къеле, зи раг я!
4Зи Аллагь, зун хилас ая небгетдин гъиликай,
гъиликай гьахъ гвачирдан, дарвал гузвайдан!
5Вучиз лагьайтӀа, Агъа, Вун зи умуд я,
Ребби, Ваз ихтибарнай за лап жегьил чӀавалай.
6Хайидалай инихъ за Вакай даях кьаз хьанай,
На акъудна зун руфунай дидедин.
Ваз я тариф зи датӀана.
7Гзафбуру зун хъуьруьнриз вегьидай,
амма Вакай заз катдай чка хьанва мягькем.
8Сагъ са юкъуз зи сив Ви тарифрив,
Ви иервилив ацӀанва.
9Кьуьзуь кьилихъ зун гадармир,
зи къуват кьурайла, къакъатмир завай!
10Куьз лагьайтӀа зи душманри
заз акси яз фенд ийизва,
зи чан къачуз кӀанзавайбур
меслят жезва чеб чпин арада
11ва лугьузва: «Къакъатнава адавай Аллагь.
Геле къекъуьгъ адан, яхъ ам,
садни авач ам хилас ийидай!»
12Я Аллагь, завай къакъатмир яргъаз!
Тади ая зи куьмекдиз, Аллагь зи!
13Регъуь хьуй чпиз,
квахьрай зи мидяяр!
Алчуд хьурай айибни русвагьвал
заз писвал жагъур ийизвайбурал!
14Амма за датӀана Вак умуд кутазва,
артухзава Ви вири тарифар.
15Ви гьахъвиликай рахазва зи сив,
яргъи югъди рахазва Вав гвай куьмекдикай,
заз абурун кьадар чидач.
16Зун атана рахада Ви крарикай зурба тир,
Агъа, Ребби,
рахада зун Ви гьахъвиликай,
вич анжах са Вахъ авай.
17Аллагь, Вуна
заз лап жегьил чӀаварилай чир авуна, –
къенин чӀавалди за суьгьбетда Ви
аламатрикай.
18Аллагь, гьа саягъда
къакъатмир завай
зун кьуьзуь жедалди,
рехи жедалди,
акьван чӀавалди хьи,
за Ви гъилин къуватрикай,
Ви къудратдикай суьгьбет тавунмаз
и несилриз ва къвезмай вири несилриз.
19Ви гьахъвал, я Аллагь,
агакьнава цаварив,
Ви крар зурба я.
Я Аллагь, вуж ухшар я Ваз?
20ТӀални бедбахтвал На заз гзаф къалурна,
амма зун датӀана уьмуьрдихъди хкана,
дагьаррай чилин ахкъудна зун мад.
21Вуна хкажна зун, гана мадни теселли.
22Арфа гъилеваз за шукур ийида
гьакъикъивилин Ваз, Аллагь зи!
Кинур кьуна за мани лугьуда
Ваз, Пакди Исраилдин!
23Зи сив шад жезва, Ваз мани лугьудайла,
шад жезва зун, Вуна азад авунвай.
24Яргъи югъди рахада зунни
Ви гьахъвиликай.
Айибдик акатда, агъуз аватда
заз писвал авунихъ къекъвейди.
© Институт перевода Библии, 2010-2024
Забур 70
70
Кьуьзуь кьилихъ куьмек кӀанз Аллагьдиз ийидай дуьа
1Я Ребби, за жагъурзава Вакай далда,
заз садрани регъуь жервал ийимир!
2Хас тирвал Ви гьахъвилиз азад ая зун!
Яб акала захъ, хилас ая зун!
3Хьухь зун хуьдай раг,
даим заз чуьнуьх жедай чка хьухь,
Жуван куьмек алакьара,
Ана жеда зун саламатвиле Вуна эмирай чӀавуз заз.
Вун зи къеле, зи раг я!
4Зи Аллагь, зун хилас ая небгетдин гъиликай,
гъиликай гьахъ гвачирдан, дарвал гузвайдан!
5Вучиз лагьайтӀа, Агъа, Вун зи умуд я,
Ребби, Ваз ихтибарнай за лап жегьил чӀавалай.
6Хайидалай инихъ за Вакай даях кьаз хьанай,
На акъудна зун руфунай дидедин.
Ваз я тариф зи датӀана.
7Гзафбуру зун хъуьруьнриз вегьидай,
амма Вакай заз катдай чка хьанва мягькем.
8Сагъ са юкъуз зи сив Ви тарифрив,
Ви иервилив ацӀанва.
9Кьуьзуь кьилихъ зун гадармир,
зи къуват кьурайла, къакъатмир завай!
10Куьз лагьайтӀа зи душманри
заз акси яз фенд ийизва,
зи чан къачуз кӀанзавайбур
меслят жезва чеб чпин арада
11ва лугьузва: «Къакъатнава адавай Аллагь.
Геле къекъуьгъ адан, яхъ ам,
садни авач ам хилас ийидай!»
12Я Аллагь, завай къакъатмир яргъаз!
Тади ая зи куьмекдиз, Аллагь зи!
13Регъуь хьуй чпиз,
квахьрай зи мидяяр!
Алчуд хьурай айибни русвагьвал
заз писвал жагъур ийизвайбурал!
14Амма за датӀана Вак умуд кутазва,
артухзава Ви вири тарифар.
15Ви гьахъвиликай рахазва зи сив,
яргъи югъди рахазва Вав гвай куьмекдикай,
заз абурун кьадар чидач.
16Зун атана рахада Ви крарикай зурба тир,
Агъа, Ребби,
рахада зун Ви гьахъвиликай,
вич анжах са Вахъ авай.
17Аллагь, Вуна
заз лап жегьил чӀаварилай чир авуна, –
къенин чӀавалди за суьгьбетда Ви
аламатрикай.
18Аллагь, гьа саягъда
къакъатмир завай
зун кьуьзуь жедалди,
рехи жедалди,
акьван чӀавалди хьи,
за Ви гъилин къуватрикай,
Ви къудратдикай суьгьбет тавунмаз
и несилриз ва къвезмай вири несилриз.
19Ви гьахъвал, я Аллагь,
агакьнава цаварив,
Ви крар зурба я.
Я Аллагь, вуж ухшар я Ваз?
20ТӀални бедбахтвал На заз гзаф къалурна,
амма зун датӀана уьмуьрдихъди хкана,
дагьаррай чилин ахкъудна зун мад.
21Вуна хкажна зун, гана мадни теселли.
22Арфа гъилеваз за шукур ийида
гьакъикъивилин Ваз, Аллагь зи!
Кинур кьуна за мани лугьуда
Ваз, Пакди Исраилдин!
23Зи сив шад жезва, Ваз мани лугьудайла,
шад жезва зун, Вуна азад авунвай.
24Яргъи югъди рахада зунни
Ви гьахъвиликай.
Айибдик акатда, агъуз аватда
заз писвал авунихъ къекъвейди.
© Институт перевода Библии, 2010-2024