Забур 43
43
Далда хьун патал дуьа
1Манидаррин чӀехидаз. Къарагьан миресрин шиир.
2Я Аллагь, ван атана япаралди чаз жуван,
ихтилатна чаз бубайри чи
абурун йикъара, а дегь йикъара
авунайтӀа Вуна вуч.
3Жуван гъилив Вуна халкьар чукурна,
ана чи бубаяр уьмуьр тухуз ацукьарна.
Вуна халкьар барбатӀна,
чи бубайрин гъиле туна чилер а.
4Бубайри уьлкве къачунач турунив чпин,
я къуват туш абуруз а гъалибвал гайиди,
Ви эрчӀи гъил я, Ви къуват я, Ви чинин экв я,
куьз лагьайтӀа Ваз абур кӀан хьана.
5Вун, Аллагь, зи Пачагь я,
Якьубан эвледриз гъалибвилер савкьват яз це.
6Чна Вахъ галаз душманар ярхарзава,
Ви тӀварцӀин хатурдай чи мидяйриз кӀур гузва.
7Зун чӀалахъ туш зи чӀемерукдин,
зи турунини гудач заз хиласвал.
8Душманрикай чун хуьзва Вуна,
чун такӀанбур абурдай вегьизва.
9Чна гьар юкъуз тарифзава Аллагьдин,
чна Ви тӀварцӀиз шукур ийида датӀана.
Макьамдин ара
10Амма гила гадарнава Вуна чун, айиб авуна,
кьушунар галаз мад экъечӀзамач дяведиз.
11Душманрин вилик чав
Вуна кьулухъ катиз туна,
чун такӀанбуру
тарашзава чун.
12Чун, хпер хьиз, тӀуьн паталди вугана,
чукӀурна чун халкьарин арада.
13На Жуван халкь маса гана ужуздай,
маса гуникай хийир къачун тавуна.
14На къуншийриз маса гана беябурна чун,
чун элкъуьрна кьунвай вирибур патал
элкъуьрна чун машгъулатдиз,
ягьанатдиз вегьена.
15Вуна маса халкьар патал
чун хъуьруьнриз вегьена,
тайифаяр кьил галтадиз туна Вуна.
16Гьар юкъуз зи русвагьвал зи вилик ква,
чиниз регъуь жезва зи
17чакай чӀуру ихтилатар ийизвайбурукай,
чаз экъуьгъзавайбурукай,
кьисас ийиз кӀанзавай душмандикай.
18Ибур вири чи кьилел атана,
чна Вун рикӀелай алудначтӀани,
Ви Икьрар ганачтӀани чна маса.
19Кьулухъ хьанач рикӀер чи,
Ви рекьелай алатнач чи камарни.
20На барбатӀна чун магъарада чакъалрин,
чал ажалдин хъен вегьена.
21АлуднайтӀа чна чи Аллагьдин тӀвар рикӀелай,
гъилер хкажнайтӀа маса аллагьдихъ,
22и кӀвалах раиж ийидачирни Аллагьди,
рикӀин вири сирерикай хабар тирда?
23Ви паталай гьар юкъуз чун рекьизва,
кьасабханадиз гьалзавай хпериз хьиз килигзава чаз.
24Агъа, уях хьухь! Вучиз вун ксанва?
Къарагъ, инкар мийир чун даим яз.
25Вучиз На чин чуьнуьхзава,
чи бедбахтвал,
чун хурук кутунар
алуд ийиз рикӀелай?
26Чун руквадиз элкъвенва,
чи беденар игис хьанва чилерив.
27Къарагъ, чаз куьмек це,
хиласа чун регьимдив Жуван!
© Институт перевода Библии, 2010-2024
Забур 43
43
Далда хьун патал дуьа
1Манидаррин чӀехидаз. Къарагьан миресрин шиир.
2Я Аллагь, ван атана япаралди чаз жуван,
ихтилатна чаз бубайри чи
абурун йикъара, а дегь йикъара
авунайтӀа Вуна вуч.
3Жуван гъилив Вуна халкьар чукурна,
ана чи бубаяр уьмуьр тухуз ацукьарна.
Вуна халкьар барбатӀна,
чи бубайрин гъиле туна чилер а.
4Бубайри уьлкве къачунач турунив чпин,
я къуват туш абуруз а гъалибвал гайиди,
Ви эрчӀи гъил я, Ви къуват я, Ви чинин экв я,
куьз лагьайтӀа Ваз абур кӀан хьана.
5Вун, Аллагь, зи Пачагь я,
Якьубан эвледриз гъалибвилер савкьват яз це.
6Чна Вахъ галаз душманар ярхарзава,
Ви тӀварцӀин хатурдай чи мидяйриз кӀур гузва.
7Зун чӀалахъ туш зи чӀемерукдин,
зи турунини гудач заз хиласвал.
8Душманрикай чун хуьзва Вуна,
чун такӀанбур абурдай вегьизва.
9Чна гьар юкъуз тарифзава Аллагьдин,
чна Ви тӀварцӀиз шукур ийида датӀана.
Макьамдин ара
10Амма гила гадарнава Вуна чун, айиб авуна,
кьушунар галаз мад экъечӀзамач дяведиз.
11Душманрин вилик чав
Вуна кьулухъ катиз туна,
чун такӀанбуру
тарашзава чун.
12Чун, хпер хьиз, тӀуьн паталди вугана,
чукӀурна чун халкьарин арада.
13На Жуван халкь маса гана ужуздай,
маса гуникай хийир къачун тавуна.
14На къуншийриз маса гана беябурна чун,
чун элкъуьрна кьунвай вирибур патал
элкъуьрна чун машгъулатдиз,
ягьанатдиз вегьена.
15Вуна маса халкьар патал
чун хъуьруьнриз вегьена,
тайифаяр кьил галтадиз туна Вуна.
16Гьар юкъуз зи русвагьвал зи вилик ква,
чиниз регъуь жезва зи
17чакай чӀуру ихтилатар ийизвайбурукай,
чаз экъуьгъзавайбурукай,
кьисас ийиз кӀанзавай душмандикай.
18Ибур вири чи кьилел атана,
чна Вун рикӀелай алудначтӀани,
Ви Икьрар ганачтӀани чна маса.
19Кьулухъ хьанач рикӀер чи,
Ви рекьелай алатнач чи камарни.
20На барбатӀна чун магъарада чакъалрин,
чал ажалдин хъен вегьена.
21АлуднайтӀа чна чи Аллагьдин тӀвар рикӀелай,
гъилер хкажнайтӀа маса аллагьдихъ,
22и кӀвалах раиж ийидачирни Аллагьди,
рикӀин вири сирерикай хабар тирда?
23Ви паталай гьар юкъуз чун рекьизва,
кьасабханадиз гьалзавай хпериз хьиз килигзава чаз.
24Агъа, уях хьухь! Вучиз вун ксанва?
Къарагъ, инкар мийир чун даим яз.
25Вучиз На чин чуьнуьхзава,
чи бедбахтвал,
чун хурук кутунар
алуд ийиз рикӀелай?
26Чун руквадиз элкъвенва,
чи беденар игис хьанва чилерив.
27Къарагъ, чаз куьмек це,
хиласа чун регьимдив Жуван!
© Институт перевода Библии, 2010-2024