Юнус 4
4
Юнус пайгъамбардин наразивал
1И карди Юнус пайгъамбардиз гзаф хъел гъана. 2Ада Реббидиз дуьаярна, лагьана: «Я Ребби! Бес за зи уьлкведа авайла лагьайдини гьа и гафар туширни? Зун Таршишдизни гьавиляй катайди я, вучиз лагьайтӀа заз чизвай хьи, Вун – хъсан, рикӀ регьимлу, яргъалди сабур хуьдай, гзаф мергьяматлу Аллагь я ва Вуна мусибат ийиз кӀан хьуникай гьайиф чӀугвада. 3Гилани, я Ребби, завай зи чан къачу, вучиз лагьайтӀа заз яшамиш жердалай кьейитӀа хъсан я». 4Реббиди лагьана: «И карди ваз гьакьван кӀевиз хъел гъанвани мегер?»
Аллагьди Юнусан батӀулвал къалурзава
5Юнус шегьердай экъечӀна ва шегьердин рагъэкъечӀдай пата акъвазна, ана вичиз кума авуна ва анай шегьердин кьилел вуч къведатӀа килигиз, кумадин сериндик ацукьна. 6Ребби-Аллагьди са кьен экъечӀдайвал авуна, ам Юнусан винел серинвал жедайвал ва адан хъел алудун патал адан кьилелай хкажна; Юнус и кьенцӀел гзаф шад хьана. 7Ахпа Аллагьди акӀ авуна хьи, гуьгъуьнин юкъуз, пакаман яр ядайла, а кьен кукра тӀуьна, набатат кьурана. 8Рагъ экъечӀдайла, Аллагьди рагъэкъечӀдай патан зегьемлу гар ракъурна, ракъини Юнусан кьил ифириз хьана, ам вич вичелай фена, ада вичиз ажал гун тӀалабна ва лагьана: «Заз яшамиш хьунилай кьейитӀа хъсан я». 9Аллагьди Юнусаз лагьана: «А кьен кьуруникай ваз гьакьван хъел атанани мегер, ажал кӀан жедай кьван?» 10А чӀавуз Реббиди лагьана: «Вуна жува зегьмет чӀугун тавуна экъечӀай ва вуна чӀехи тавур, вич са йифиз экъечӀай ва са йифиз кьурай кьенцӀин гьайиф чӀугвазва; 11Бес За чпиз эрчӀи гъилни чапла гъил гьим ятӀа чара ийиз тежедай вишни къад агъзурдалай гзаф инсанар ва гзаф кьадар гьайванар авай чӀехи шегьердин гьайиф чӀугвадачни?»
© Институт перевода Библии, 2010-2024
Юнус 4
4
Юнус пайгъамбардин наразивал
1И карди Юнус пайгъамбардиз гзаф хъел гъана. 2Ада Реббидиз дуьаярна, лагьана: «Я Ребби! Бес за зи уьлкведа авайла лагьайдини гьа и гафар туширни? Зун Таршишдизни гьавиляй катайди я, вучиз лагьайтӀа заз чизвай хьи, Вун – хъсан, рикӀ регьимлу, яргъалди сабур хуьдай, гзаф мергьяматлу Аллагь я ва Вуна мусибат ийиз кӀан хьуникай гьайиф чӀугвада. 3Гилани, я Ребби, завай зи чан къачу, вучиз лагьайтӀа заз яшамиш жердалай кьейитӀа хъсан я». 4Реббиди лагьана: «И карди ваз гьакьван кӀевиз хъел гъанвани мегер?»
Аллагьди Юнусан батӀулвал къалурзава
5Юнус шегьердай экъечӀна ва шегьердин рагъэкъечӀдай пата акъвазна, ана вичиз кума авуна ва анай шегьердин кьилел вуч къведатӀа килигиз, кумадин сериндик ацукьна. 6Ребби-Аллагьди са кьен экъечӀдайвал авуна, ам Юнусан винел серинвал жедайвал ва адан хъел алудун патал адан кьилелай хкажна; Юнус и кьенцӀел гзаф шад хьана. 7Ахпа Аллагьди акӀ авуна хьи, гуьгъуьнин юкъуз, пакаман яр ядайла, а кьен кукра тӀуьна, набатат кьурана. 8Рагъ экъечӀдайла, Аллагьди рагъэкъечӀдай патан зегьемлу гар ракъурна, ракъини Юнусан кьил ифириз хьана, ам вич вичелай фена, ада вичиз ажал гун тӀалабна ва лагьана: «Заз яшамиш хьунилай кьейитӀа хъсан я». 9Аллагьди Юнусаз лагьана: «А кьен кьуруникай ваз гьакьван хъел атанани мегер, ажал кӀан жедай кьван?» 10А чӀавуз Реббиди лагьана: «Вуна жува зегьмет чӀугун тавуна экъечӀай ва вуна чӀехи тавур, вич са йифиз экъечӀай ва са йифиз кьурай кьенцӀин гьайиф чӀугвазва; 11Бес За чпиз эрчӀи гъилни чапла гъил гьим ятӀа чара ийиз тежедай вишни къад агъзурдалай гзаф инсанар ва гзаф кьадар гьайванар авай чӀехи шегьердин гьайиф чӀугвадачни?»
© Институт перевода Библии, 2010-2024