Саалтыр 51
51
1Хуор салайааччытыгар. Давид үөрэтиитэ. 2Идумея киһитэ Доик Саулга тиийэн, «Давид Ахимелех дьиэтигэр кэллэ» диэн тыллаабытын истэн.
3Тоҕо хара дьайыыгынан хайҕанаҕын, харса суох эр бэрдэ?
Таҥара бигэ таптала миигинниин өрүү бииргэ.
4Өлөрөр-өһөрөр суолу торумнуугун,
кыырыктаах бии кэриэтэ эн тылыҥ, куодалаах дууһа!
5Мөкүнү үтүөтээҕэр өрө тутаҕын,
кырдьыгы этэрдээҕэр сымыйалыыргын ордороҕун. Села
6Сүлүһүннээх тыллары эн сөбүлүүгүн, көлдьүн тыллаах.
7Ол иһин Таҥара эйигин букатыннаахтык сууһарыаҕа,
отуугуттан харбаан ылан, киэр быраҕыаҕа,
тыыннаахтар дойдуларыттан түөрэн ылыаҕа. Села
8Көнө дьон ону дьулайа көрүөхтэрэ,
кинилэр хара дьайдааҕы күлүөхтэрэ:
9«Таҥараҕа көмүскэтиэн баҕарбатах киһи ити баар.
Барҕа баайыгар эрэнэрэ,
хара дьайынан көмүскэнэрэ».
10Оттон мин Таҥара Дьиэтигэр көҕөрө чэлгийэр
маслина маһын кэриэтэбин;
Таҥара бигэ тапталыгар мин эрэнэбин
үйэттэн үйэлэр тухары.
11Бары дьайыыҥ иһин махтанан,
үйэм тухары мин Эйигин айхаллыам;
итиэннэ, Эн сибэтиэйдэргин кытта бииргэ сылдьан,
Эн үтүөкэннээх ааккар эрэниэм.
© Институт перевода Библии, 2008-2022
Саалтыр 51
51
1Хуор салайааччытыгар. Давид үөрэтиитэ. 2Идумея киһитэ Доик Саулга тиийэн, «Давид Ахимелех дьиэтигэр кэллэ» диэн тыллаабытын истэн.
3Тоҕо хара дьайыыгынан хайҕанаҕын, харса суох эр бэрдэ?
Таҥара бигэ таптала миигинниин өрүү бииргэ.
4Өлөрөр-өһөрөр суолу торумнуугун,
кыырыктаах бии кэриэтэ эн тылыҥ, куодалаах дууһа!
5Мөкүнү үтүөтээҕэр өрө тутаҕын,
кырдьыгы этэрдээҕэр сымыйалыыргын ордороҕун. Села
6Сүлүһүннээх тыллары эн сөбүлүүгүн, көлдьүн тыллаах.
7Ол иһин Таҥара эйигин букатыннаахтык сууһарыаҕа,
отуугуттан харбаан ылан, киэр быраҕыаҕа,
тыыннаахтар дойдуларыттан түөрэн ылыаҕа. Села
8Көнө дьон ону дьулайа көрүөхтэрэ,
кинилэр хара дьайдааҕы күлүөхтэрэ:
9«Таҥараҕа көмүскэтиэн баҕарбатах киһи ити баар.
Барҕа баайыгар эрэнэрэ,
хара дьайынан көмүскэнэрэ».
10Оттон мин Таҥара Дьиэтигэр көҕөрө чэлгийэр
маслина маһын кэриэтэбин;
Таҥара бигэ тапталыгар мин эрэнэбин
үйэттэн үйэлэр тухары.
11Бары дьайыыҥ иһин махтанан,
үйэм тухары мин Эйигин айхаллыам;
итиэннэ, Эн сибэтиэйдэргин кытта бииргэ сылдьан,
Эн үтүөкэннээх ааккар эрэниэм.
© Институт перевода Библии, 2008-2022