Саалтыр 100
100
1Давид псалома.
Аһыныгас санааны, көнө дьүүлү мин ыллыам;
Эйиэхэ, Айыы Тойон, мин ыллыам.
2Эҥкилэ суох көнө суолу эрэ саныам.
Оо, хаһан Эн миэхэ кэлэҕин?
Мин ыраас сүрэхтээх сылдьыаҕым
дьиэм-уотум иһигэр;
3туһата суоҕу ууруом суоҕа
хараҕым далыгар.
Буруйу-сэмэни оҥорору абааһы көрөбүн;
онно мин кыттыһыам суоҕа.
4Содур санаалааҕы киэр кыйдыаҕым,
куһаҕаны ончу билиэм суоҕа.
5Чугастааҕытын кистээн холуннарааччыны
мин суох оҥоруоҕум;
улахамсыйа, бэрдимсийэ туттааччыны
тулуйа барыам суоҕа.
6Сирим итэҕэллээх дьонун мин көрүөҕүм,
кинилэр миигинниин бииргэ олоруохтара;
эҥкилэ суох көнө суоллаахтар эрэ
миэхэ үлэлиир буолуохтара.
7Уодаһыннаахтык быһыыланааччы
мин дьиэбэр олоруо суоҕа;
сымыйаны саҥарааччы
икки харахпар көстүө суоҕа.
8Сарсыарда эрдэттэн мин кыдыйтыаҕым
сирим бары хара дьайдаахтарын –
Айыы Тойон куоратыттан түөрэн ылыаҕым
куһаҕаны оҥорооччулары бука барыларын.
© Институт перевода Библии, 2008-2022