रोमी 16
16
पावलजे नमस्कार
1किंक्रियाजे मण्डलीने परमेश्वरजे काम चेब ङीन्जे मो फिबीजे सार्या नमयूजे खूम्ने चीक्क्य। 2नमयूदे परमेश्वरजे पवित्र मीयूने गेसेन् चेप्र फिबीनेये प्रभूजे मीन्ने गेसेन् ची, मेस्ये ङूने हर्जो परदेब सेयूये खूदासेमे तोङ्मी, चेनेयलो ङूदेये कूम मीयूने मेस्ये ङैनेये तोङ्मे ख्यङ्।
3 #
मूल स्यूस्स्यायूजे कामजे किताब 18:2
ङैप्रे येशू ख्रीष्टजे काम चेब प्रिस्का मेस्ये अकिलासने ङैजे नमस्कार ख्यङ्। 4थमयूदे ङैने बच्दीमेने रङ्से जीया धेन्ने गीलीलो खदे। थमयूने ङैदेत्या दी, तर यहूदी देब मीयूजे मण्डलीयू क्वादेनेये धन्यवाद पीन पर्दीय।
5थमयूजे कीम्ने फूङ् क्यूरब मण्डलीनेये ङैजे नमस्कार ख्यङ्। ङैजे छेब ख्योन् एशियाजे पात्ता खूम ख्रीष्टने विश्वास चेब इपेनितसने नमस्कार ख्यङ्।
6नमयूजे लागि कामने बेस्से धम चेब मरियमने नमस्कार ख्यङ्।
7ङैप्रे-प्रे कैदने टूङ्क्कब रङ्से मी एन्ड्रोनिकस मेस्ये युनियसनेये नमस्कार येबी। मूल स्यूस्स्यायू नङ्ने थमयूजे न-मीन् चील्ले ख्यङ्, मेस्ये ङैदे विश्वास चेयली खूम्ने थमयूदे ख्रीष्टने विश्वास चीक्क ख्य।
8प्रभूने ङैजे ख्योन् एम्प्लीआतसने ङैजे नमस्कार येबी।
9ख्रीष्टजे लागि ङैप्रे काम चेब उर्बानस, मेस्ये छेब ख्योन् स्ताखुसनेये ङैजे नमस्कार येबी।
10ख्रीष्टजे खूम्ने लायकजे ठर्तीकब अपेल्लेसने नमस्कार येबी। अरिस्तोबुलसजे कीम् म्हीतीनेये नमस्कार येबी।
11ङैजे रङ्से मी हेरोदियनने नमस्कार येमी। प्रभूने विश्वास चेब नर्किससजे कीम्ने ख्यब क्वानेने नमस्कार येबी।
12प्रभूजे कामने धम चेब त्रूफेना मेस्ये त्रोफोसाने नमस्कार ख्यङ् येमी। प्रभूजे कामने सोरो धम चेब छ्येब परसीसनेये नमस्कार ख्यङ् येबी।
13 #
मर्कूस 15:21
प्रभूदे सेलब रूफस मेस्ये ङूजे म, ङू ङैजेये म क्यूर ख्य, थमयूनेये नमस्कार ख्यङ् येबी।
14असिंक्रितस, फ्लेगन, हर्मेस, पत्रोबास, हर्मास मेस्ये थमयूप्रे ख्यब सूजो अत-अची च्योन्यूनेये ङैजे नमस्कार ख्यङ् येबी।
15फिलोलोगस, युलिया, नेरियस मेस्ये ङूजे स्यङ्, मेस्ये ओलिम्पास होर्दे थमयूप्रे ख्यब परमेश्वरजे पवित्र मी क्वानेने ङैजे नमस्कार ख्यङ् येबी।
16त्यादे-त्याने ख्रीष्टजे प्रेमदे नमस्कार य। ख्रीष्टजे मण्डलीयूने ख्यब मी क्वादेने नमयूने नमस्कार यबे ख्यङ्।
17अत-अची च्योन्यू, ङ नमयूने बिन्ती चीक्क्य, नमयूदे लोम्कब शिक्षाजे विरुद्धने अन्थून चेब मेस्ये बाधा रेब मीयूप्रे होस्स्यार क्यूर्, मेस्ये होर मीयूप्रे आलाक्के टूङ्। 18चेनेयलो येर मीयूदे ख्रीष्ट ङीन प्रभुजे दी, तर रङ्से ख्वाजेजे सेवा चीक्क्य। सोरो खेत्दे क्यम्क्य मेस्ये च्यूप्ल्या चीत्देबे सोझो मीयूने भड्कैदीय। 19नमयूदे आज्ञा मन्दीनब पो खोत्तादेने त ख्यङ्, मेस्ये अम्ब पो तदेबे ङ सूग ख्यङ्। तर नमयू ज्या काम चेने बुद्धिमान क्यूर, मेस्ये अन्ज्य कामने दोष अन्लैदीस्य यदेबे ङ मेन्क्य।
20शान्ति पीनब परमेश्वरदे छ्योटो शैतानने नमयूजे तोप् त्यङ्दे प्लीक्य। ङीनजे प्रभू येशू ख्रीष्टजे अनुग्रह नमयूप्रे क्यूस्स्य।
21 #
मूल स्यूस्स्यायूजे कामजे किताब 16:1
ङैप्रे काम फरब तिमोथी, मेस्ये ङैजे रङ्से मीयू लुकियस, यासोन मेस्ये सोसिपात्रोसदेये नमयूने नमस्कार येबे ख्यङ्।
22अम्ब चिट्ठी लिख्देब, ङ तर्तियसजेये प्रभूजे मीन्ने नमयूने नमस्कार ख्यङ्।
23 #
मूल स्यूस्स्यायूजे कामजे किताब 19:29; १ कोरिन्थी 1:14; २ तिमोथी 4:20 ङैने मेस्ये मण्डलीयू क्वाने गेसेन् चेब गायसदेये नमयूने नमस्कार येबे ख्यङ्। ङूजे कीम्ने मण्डलीजे सेवा चे ख्यङ्। मेस्ये सहरजे कोष अध्यक्ष इरास्तस मेस्ये च्योन् क्वार्टसदे नमयूने नमस्कार येबे ख्यङ्।
24[ङीन्जे प्रभू येशू ख्रीष्टजे अनुग्रह नमयू क्वाप्रेने क्यून्नूस्य। आमेन।]#१६:२४ मीयूङ्जे कोइ कोइ ग्रीक पाण्डूलिपीयूने अम्ब पद अन्लीख्दीये ख्यङ्।
25ङीन परमेश्वरजे महिमा चीदे। ङैजे सूगब खबरदे स्य्वेप्रने परमेश्वरदे नमयूने बोल्यो चीम्मे खूइय। हम्ब ख्रीष्ट येशूजे बारेने क्यूरब वचनदे नम यहूदी देब मीयूजे लागि जूग्-जूग्मेस्येने नङ्सूने फूयेब परमेश्वरजे योजना तम्मे ख्यङ्।
26तर जेम्से येतार्ने क्यून्नब परमेश्वरजे आज्ञा अनुसार अगमवक्तायूदे चेलाबे अम्बजे बारेने स्योम्मीक ख्यङ्। का-मुलुक नेयूजे यहूदी तेब मीयूदे प्रभुने विश्वास चीस्स्य मेस्ये ङूजे आज्ञा मन्दीस्य यदेबे अम्ब नङ्सूजे खबर का-मुलुकने प्रचार क्यूर ख्यङ्। 27साप्ता पोने क्वब तीत्यात्या परमेश्वरने येशू ख्रीष्टने क्यूत्देबे येतार्ने महिमा क्यूस्स्य।
आमेन।
Ghale New Testament © Nepal Bible Society, 2011.