गलाती 4
4
1ङैदे यमेब पोजे अर्थ अम्ब ख्यङ्, हकप्रेब कन्छ्वासेमे पीच क्यूक्क्य, ङू साप्ताकूरूजे मालिक क्यूल्लीने त्वोप्रने क्यूक्क्य, 2तर पदे ठर्देब बील अम्फ्योरदा ङू लेब मीजे हक नङ्ने क्यूक्क्य। 3ङीनये येरप्रने बल्ख ख्यङ्ब संसारने चील्लीनब दुष्ट आत्मादे ङीनने त्वो-त्वोम बन्दीन ख्य। 4तर बील फ्योरीकमेस्ये परमेश्वरदे रङ्से च येशूने कूल्बीदे। मदी त्यादे ङूने जन्म पीन्दे, मोशाजे नियम नङ्ने टूङ्दे। 5#रोमी 8:15-17ङीनयू परमेश्वरजे च-चीमी क्यूरब पूरा हक प्रेखूस्य यदेबे मोशाजे नियमजे नङ्ने टूङब मीयूने छूर्तेजे लागि येशूने कूल्बीदे। 6नमयू परमेश्वरजे च चीमी ख्यङ् यदेबे तनने परमेश्वरदे रङ्से चजे आत्मा ङीनजे सेम्ने येम्मे ख्यङ्, अम्ब आत्मादे “अब्बा, प” यदेबे कप्पीय। 7येरेक्यूत्देबे, जेम्से नमयू त्वो-त्वोम दी, तर परमेश्वरजे च-चीमीयू क्यूर ख्यङ्, मेस्ये च-चीमीयू क्यूर ख्यङ् यलो परमेश्वरदे हकप्रेबये चीम्मीय।
पावलदे गलातियाने ख्यब मीयूजे सूर्त चेब
8खूम् कन्छ्वाब नमयूदे परमेश्वरने अन्स्ये ख्य, हन्छ्वाब नमयू तम्दम्ने पूस्ते अन्क्यूरब सेयूजे त्वो-त्वोम ख्य। 9तर जेम्से नमयूदे परमेश्वरने स्ये ख्यङ्, या परमेश्वरदे चीन्ते ख्यङ् होरक्यूल्लीने नमयू चेने हम्ब बोङ् त्वब आत्मायू मेस्ये क्योमोङ्जे शिक्षायूतेले ल्वाबमे, फेरि थमयूजे त्वो-त्वोम क्यूरमे औ? 10नमयूदे दिनयू, लयू, सेमेयू मेस्ये वर्षयू मन्दीय। 11नमयूजे लागि ङैदे चेब छरङ् थेन्ने चीन्नइ च यदेबे ङैने सूर्त रेन ख्यङ्।
12अत-च्योन्यू, नमयू ङ प्र क्यूर् यदेबे बिन्ती चीक्क्य, चेनेयलो ङैये नमयूप्रने क्यूर ख्यङ्। नमयूदे ङैने चैत्याये अन्ज्य अन्चीक्क। 13पात्ता खूम् नमयूट्याने सूगब खबर स्योट्टब ङ नव ख्य यब पो नमयूदे था ख्यङ्। 14ङ नव क्यून्नूब नमयूने अप्ठ्यारो पर्दे ख्य होरेक्यूल्लीने नमयूदे ङैने अन् ज्य अन्ची मेस्ये ह्यल चीत्देबे अम्पोङ्गी। तर नमयूदे ङैने परमेश्वरजे दूतने मेस्ये ख्रीष्ट येशूने चेप्र गेसेन् चीत्देबे येत्दे। 15हन्छ्वाब नमयू सोरो फत्या सूग ख्य कादेये क्यूरयलो नमयूदे रङ्से म्याये योन्देबे ङैने पीन पर्तीलीने तयार ख्य। अम्बजे गवाही ङ पीन खूइय। 16ङैदे नमयूने तम्दम् पो यदेबे जेम्से ङ नमयूजे शत्रु क्यूक्क औ?
17नमयूने रङ्सेतेले योरने थमयूदे सोरो धम चीन्न ख्यङ्, तर ज्य सेम्दे दी। थमयूने मन्दीस्य यदेबे थमयूदे ङीप्रे नमयूने स्या मेख्यङ्। 18ज्य काम फरने जोस् चीन्नूलो ज्य पो ख्यङ्, तर ङ नमयूप्रे ख्यङ्ब त्यामे येर फर्नूलो हम्ब ज्य दी। 19ङैजे छेब पीच चीदयू, नमयूने ख्रीष्टजेप्र स्वभाव अन्क्यूत्दासेमे पीच प्रेमेल्नब मदीने नप्रने फेरि ङैने सकस् क्यून्न ख्यङ्। 20चूजो ङ नमयूप्रे ख्य-यलो नमयूप्रे ङैदे क्यमब तर्तीप् फेर्दे ख्व ख्यङ्दे, चेनेयलो नमयूजे बारेने ङ अल्मल् क्यून्न ख्यङ्।
हागार मेस्ये सारा
21नम, मोशाजे नियम नङ्ने टूङ मेबयूदे ङैने य, मोशाजे नियमदे च यीय नमयूने था त्वा? 22#उत्पत्ति 16:15; उत्पत्ति 21:2चेनेयलो धर्मशास्त्रने लिख्दीये ख्यङ्, अब्राहामजे च ङ्ही ख्य, त्या त्वोमदे प्रेब, सूजोब स्वतन्त्र मदीदे प्रेब। 23त्वोमदे प्रेब च ङ्वजे इच्छा अनुसारजे ख्य, तर रङ्से स्वतन्त्र मदीदे प्रेब परमेश्वरजे कबुल अनुसारजे ख्य। 24अम्ब तङ्नब पोदे यमेब येरे टोङ् यदेबे क्व खूइय। थर ङ्हीजे कबुलयूदे हम्ब मदीयूने जन्ते ख्यङ्। त्याब सीनै गङ्दे त्वोम क्यूरने च-चीमी प्रेमेब हागार ख्यङ्। 25हागारने अरब देशने सीनै गङ्जे रूप्ने ले खूइय, अम्बने दीनीजे यरूशलेमप्रे कर खूइय। चेनेयलो ङू रङ्से पीचयूप्रे-प्रे त्वोमजे बन्धन्ने ख्यङ्। 26तर सूजो मदी सारानेब स्वर्गजे यरूशलेमजे रूप्ने ले खूइय। ङू स्वतन्त्र मदी ख्यङ् मेस्ये ङू ङीनजे म ख्यङ्। 27#यशैया 54:1चेनेयलो धर्मशास्त्रने लिख्दीये ख्यङ्,
“ओ पीच अम्प्रेब थर-मदीयू आनन्द ची, ओ सूत्केरी बेथ था अम्प्रेबयू, सूग्देबे सेम्देमेस्येने पारा प्वी, चेनेयलो प्ल्यङ् ख्यब मदीयली लम्प्रदेबे क्यायेब मदीजे च चीमी कूम ख्यङ्।”
28जेम्से ओ अत-च्योन्यू इसहाक प्रने ङीनये परमेश्वरदे चीतेब कबुलजे छगूम्-पूर्गूम्यू ख्यङ्। 29#उत्पत्ति 21:9तर हम्ब बीलने ङ्वजे इच्छा अनुसार जन्मेदेबदे आत्मा अनुसार जन्मेदेबने सतनम् चे ख्य, दीन्नये येरेने चीन्न ख्यङ्। 30#उत्पत्ति 21:10तर धर्मशास्त्रदे च यीय? त्वोमदे प्रेब ङूजे चने योम्बी, चेनेयलो स्वतन्त्र मदीजे चदेप्रेब हक त्वोमजे चदे प्रेस्स्ये त्वो।” 31येरेक्यूत्देबे अत च्योन्यू ङीन त्वोम मदीजे छगूम्-पूर्गूम् दी, तर स्वतन्त्र मदीजे छगूम्-पूर्गूम् ख्यङ्।
Ghale New Testament © Nepal Bible Society, 2011.
गलाती 4
4
1ङैदे यमेब पोजे अर्थ अम्ब ख्यङ्, हकप्रेब कन्छ्वासेमे पीच क्यूक्क्य, ङू साप्ताकूरूजे मालिक क्यूल्लीने त्वोप्रने क्यूक्क्य, 2तर पदे ठर्देब बील अम्फ्योरदा ङू लेब मीजे हक नङ्ने क्यूक्क्य। 3ङीनये येरप्रने बल्ख ख्यङ्ब संसारने चील्लीनब दुष्ट आत्मादे ङीनने त्वो-त्वोम बन्दीन ख्य। 4तर बील फ्योरीकमेस्ये परमेश्वरदे रङ्से च येशूने कूल्बीदे। मदी त्यादे ङूने जन्म पीन्दे, मोशाजे नियम नङ्ने टूङ्दे। 5#रोमी 8:15-17ङीनयू परमेश्वरजे च-चीमी क्यूरब पूरा हक प्रेखूस्य यदेबे मोशाजे नियमजे नङ्ने टूङब मीयूने छूर्तेजे लागि येशूने कूल्बीदे। 6नमयू परमेश्वरजे च चीमी ख्यङ् यदेबे तनने परमेश्वरदे रङ्से चजे आत्मा ङीनजे सेम्ने येम्मे ख्यङ्, अम्ब आत्मादे “अब्बा, प” यदेबे कप्पीय। 7येरेक्यूत्देबे, जेम्से नमयू त्वो-त्वोम दी, तर परमेश्वरजे च-चीमीयू क्यूर ख्यङ्, मेस्ये च-चीमीयू क्यूर ख्यङ् यलो परमेश्वरदे हकप्रेबये चीम्मीय।
पावलदे गलातियाने ख्यब मीयूजे सूर्त चेब
8खूम् कन्छ्वाब नमयूदे परमेश्वरने अन्स्ये ख्य, हन्छ्वाब नमयू तम्दम्ने पूस्ते अन्क्यूरब सेयूजे त्वो-त्वोम ख्य। 9तर जेम्से नमयूदे परमेश्वरने स्ये ख्यङ्, या परमेश्वरदे चीन्ते ख्यङ् होरक्यूल्लीने नमयू चेने हम्ब बोङ् त्वब आत्मायू मेस्ये क्योमोङ्जे शिक्षायूतेले ल्वाबमे, फेरि थमयूजे त्वो-त्वोम क्यूरमे औ? 10नमयूदे दिनयू, लयू, सेमेयू मेस्ये वर्षयू मन्दीय। 11नमयूजे लागि ङैदे चेब छरङ् थेन्ने चीन्नइ च यदेबे ङैने सूर्त रेन ख्यङ्।
12अत-च्योन्यू, नमयू ङ प्र क्यूर् यदेबे बिन्ती चीक्क्य, चेनेयलो ङैये नमयूप्रने क्यूर ख्यङ्। नमयूदे ङैने चैत्याये अन्ज्य अन्चीक्क। 13पात्ता खूम् नमयूट्याने सूगब खबर स्योट्टब ङ नव ख्य यब पो नमयूदे था ख्यङ्। 14ङ नव क्यून्नूब नमयूने अप्ठ्यारो पर्दे ख्य होरेक्यूल्लीने नमयूदे ङैने अन् ज्य अन्ची मेस्ये ह्यल चीत्देबे अम्पोङ्गी। तर नमयूदे ङैने परमेश्वरजे दूतने मेस्ये ख्रीष्ट येशूने चेप्र गेसेन् चीत्देबे येत्दे। 15हन्छ्वाब नमयू सोरो फत्या सूग ख्य कादेये क्यूरयलो नमयूदे रङ्से म्याये योन्देबे ङैने पीन पर्तीलीने तयार ख्य। अम्बजे गवाही ङ पीन खूइय। 16ङैदे नमयूने तम्दम् पो यदेबे जेम्से ङ नमयूजे शत्रु क्यूक्क औ?
17नमयूने रङ्सेतेले योरने थमयूदे सोरो धम चीन्न ख्यङ्, तर ज्य सेम्दे दी। थमयूने मन्दीस्य यदेबे थमयूदे ङीप्रे नमयूने स्या मेख्यङ्। 18ज्य काम फरने जोस् चीन्नूलो ज्य पो ख्यङ्, तर ङ नमयूप्रे ख्यङ्ब त्यामे येर फर्नूलो हम्ब ज्य दी। 19ङैजे छेब पीच चीदयू, नमयूने ख्रीष्टजेप्र स्वभाव अन्क्यूत्दासेमे पीच प्रेमेल्नब मदीने नप्रने फेरि ङैने सकस् क्यून्न ख्यङ्। 20चूजो ङ नमयूप्रे ख्य-यलो नमयूप्रे ङैदे क्यमब तर्तीप् फेर्दे ख्व ख्यङ्दे, चेनेयलो नमयूजे बारेने ङ अल्मल् क्यून्न ख्यङ्।
हागार मेस्ये सारा
21नम, मोशाजे नियम नङ्ने टूङ मेबयूदे ङैने य, मोशाजे नियमदे च यीय नमयूने था त्वा? 22#उत्पत्ति 16:15; उत्पत्ति 21:2चेनेयलो धर्मशास्त्रने लिख्दीये ख्यङ्, अब्राहामजे च ङ्ही ख्य, त्या त्वोमदे प्रेब, सूजोब स्वतन्त्र मदीदे प्रेब। 23त्वोमदे प्रेब च ङ्वजे इच्छा अनुसारजे ख्य, तर रङ्से स्वतन्त्र मदीदे प्रेब परमेश्वरजे कबुल अनुसारजे ख्य। 24अम्ब तङ्नब पोदे यमेब येरे टोङ् यदेबे क्व खूइय। थर ङ्हीजे कबुलयूदे हम्ब मदीयूने जन्ते ख्यङ्। त्याब सीनै गङ्दे त्वोम क्यूरने च-चीमी प्रेमेब हागार ख्यङ्। 25हागारने अरब देशने सीनै गङ्जे रूप्ने ले खूइय, अम्बने दीनीजे यरूशलेमप्रे कर खूइय। चेनेयलो ङू रङ्से पीचयूप्रे-प्रे त्वोमजे बन्धन्ने ख्यङ्। 26तर सूजो मदी सारानेब स्वर्गजे यरूशलेमजे रूप्ने ले खूइय। ङू स्वतन्त्र मदी ख्यङ् मेस्ये ङू ङीनजे म ख्यङ्। 27#यशैया 54:1चेनेयलो धर्मशास्त्रने लिख्दीये ख्यङ्,
“ओ पीच अम्प्रेब थर-मदीयू आनन्द ची, ओ सूत्केरी बेथ था अम्प्रेबयू, सूग्देबे सेम्देमेस्येने पारा प्वी, चेनेयलो प्ल्यङ् ख्यब मदीयली लम्प्रदेबे क्यायेब मदीजे च चीमी कूम ख्यङ्।”
28जेम्से ओ अत-च्योन्यू इसहाक प्रने ङीनये परमेश्वरदे चीतेब कबुलजे छगूम्-पूर्गूम्यू ख्यङ्। 29#उत्पत्ति 21:9तर हम्ब बीलने ङ्वजे इच्छा अनुसार जन्मेदेबदे आत्मा अनुसार जन्मेदेबने सतनम् चे ख्य, दीन्नये येरेने चीन्न ख्यङ्। 30#उत्पत्ति 21:10तर धर्मशास्त्रदे च यीय? त्वोमदे प्रेब ङूजे चने योम्बी, चेनेयलो स्वतन्त्र मदीजे चदेप्रेब हक त्वोमजे चदे प्रेस्स्ये त्वो।” 31येरेक्यूत्देबे अत च्योन्यू ङीन त्वोम मदीजे छगूम्-पूर्गूम् दी, तर स्वतन्त्र मदीजे छगूम्-पूर्गूम् ख्यङ्।
Ghale New Testament © Nepal Bible Society, 2011.