एफिसी 5
5
ओथ्याङ्ने जीया चब
1नमयू परमेश्वरजे छेब छगूम्-पूर्गूम्यू क्यूरबदे, ङू प्रने क्यूरने बोङ् ची। 2#प्रस्थान 29:18; भजनसंग्रह 40:6नमयू त्यादे त्याने प्रेम ची, केर्बे ख्रीष्टदेये ङीनयूने प्रेम चीत्दे, मेस्ये परमेश्वरने सेम् पर्तेब लेम बस्न रब भेटी मेस्ये बलिजे रुप्ने ङीनजे लागि रङ्सेजे जीया बलि पीन्दे।
3तर नमयूजे अन्द्रने वेश्य काम मेस्ये शुद्ध तेब या लोभजे मीन्त्याये अन्कीन्स्य, हम्ब परमेश्वर पवित्र मीयूजे अन्द्रने क्यूरब अम्पो। 4अन्ज्य ङ्येत्या पो, मूर्ख बात् या फाइद त्वब खिसी चेब पो अन्चील्लाची, येर पो नमयूजे ङूर्ने अम्पो। तर बरू नमयूदे परमेश्वरने धन्यवाद पीनब काम क्यूस्स्य। 5चेनेयलो नमयूने था क्यूर पर्दीय वेश्य क्यूरब मी शुद्ध त्वब मेस्ये लोभ चेबदे परमेश्वर प्रे ख्रीष्टजे राज्यने हक प्रेस्स्ये त्वो। लोभ चे यब मूर्तिपूजा चेप्रने पाप ख्यङ्।
6छाक्देब पो चीत्देबे सूदेये नमयूने छाक्दे अम्प्रेस्स्य येर पोयूजे कारण यब-अन्ङीनयू फ्याने परमेश्वरजे छी फैन्क्य। 7होरेक्यूत्देबे येर मीयूजे सङ्गतने अन्चील्लाची। 8चेनेयलो खूम नमयूये मून्दूङ्ने ख्य तर जेम्से प्रभुजे मी क्यूत्देबे नमयू ओथ्याङ्ने ख्यङ्। होरेक्यूत्देबे नमयू ओथ्याङ्जे छगूम्-पूर्गूम्यूदे प्रने नमयूदेये र-प्र ची। 9चेनेयलो पीरीपीरीजे भलो चेब, न्याय मेस्ये सत्य पोब ओथ्याङ्जे फल ख्यङ्, 10मेस्ये प्रभुने सेम् पर्देब च ख्यङ् हम्ब लोमने बोङ् ची। 11मून्दूङ्जे काम अन्लादेब पोयूने ला अन्च्वालाची, तर हम्ब काम अन्ज्य ख्यङ् यदेबे तम्मी। 12चेनेयलो थमयूदे नङ्सूने आलाक्के चेब कामयूजे बारेने यनेये त्वाब पो ख्यङ्। 13तर चै पोनेयली ओथ्याङ्जे खूम्ने रेत्देयलो हम्ब पो छाङ्लाङ्के तङ खूइय। 14धर्मशास्त्रने येर्बे लिख्दीये ख्यङ्,
“ओ ङ्यूम्-या गीलेब मीयू,
चनाखो क्यूत्देबे टोङ् मेस्ये सीयेब मीयू लङ्, मेस्ये ख्रीष्टदे नमयूने ओथ्याङ् पीन्क्य।”
15होरेक्यूत्देबे केर्बे प्रीय ध्यान् पीन्देबे ले- बुद्धि त्वब मीप्र दी, तर बुद्धि ख्यब मी प्र क्यूत्देबे प्र। 16#कलस्सी 4:5ज्य काम टक्कने बीलने ची। चेनेयलो अम्ब सेमे खराब ख्यङ्। 17येरेक्यूत्देबे मुर्ख अन्क्यूर्लाची, तर प्रभुजे इच्छा चटोङ् हम्ब स्येला ची। 18अङ्गुरजे ची थूङ्देबे अन्स्योल्लाची, अम्बदे नैजे जीया नाश चीक्क्य तर पवित्र आत्मादे भरीपूर्न क्यूरो। 19#कलस्सी 3:16,17त्यादे-त्याप्रे मील्लीदेबे भजन, प्रू मेस्ये आत्माजे प्रू प्वी मेस्ये प्रभुने रङ्सेजे पूरा सेम्जे ज्य धून योन्देबे जै-जै ची। 20ङीन प्रभु येशू ख्रीष्टजे मीन्ने परमेश्वर पने साप्ता पोजे लागि येतार्ने धन्यवाद पीन्नू।
21ख्रीष्टजे मान्-गेसेन् चीत्देबे त्यादे त्याजे हक नङ्ने टूङ्।
प्ल्यङ् मजजे बारेने अर्ती
22 #
कलस्सी 3:18; १ पत्रुस 3:1 मजयू प्रभुजे हक नङ्ने टूङप्र रङ्से रङ्से प्ल्यङ्जे हक नङ्ने टूङ्। 23चेनेयलो मजजे ट प्ल्यङ् ख्यङ्, केर्बे ख्रीष्ट मण्डलीजे ट ख्यङ्, मेस्ये येशू रङ्सेने मण्डलीजे मुक्ति पीनब ख्यङ्। 24केर्बे ख्रीष्टजे हक नङ्ने मण्डली ख्यङ् होरप्रने मदीयूये साप्ता पोनेने रङ्से-रङ्से प्ल्यङ्जे हक नङ्ने टूङ्।
25 #
कलस्सी 3:19; १ पत्रुस 3:7 प्ल्यङ्यू, रङ्से मजयूने प्रेम ची, केर्बे ख्रीष्टदेये मण्डलीने प्रेम चीत्दे, मेस्ये मण्डलीजे लागि रङ्सेजे जीया पीन्दे, 26येर्बे ख्रीष्टदे हम्बने क्यूदे ठूदेबे रङ्से वचनदे पवित्र चे खूस्य, 27मेस्ये रङ्सेजे चेने अम्ब मण्डली दोष त्वब, दाग त्वब, चाउरी अम्पर्देब चैत्याये खोट् त्वब, पवित्र क्यूरने येर्बे चीत्दे।
28होरप्रने प्ल्यङ्यूदेये रङ्से-रङ्से मजयूने रङ्से ङ्वनेप्रने प्रेम चे पर्दीय। रङ्से मजने प्रेम चेब मीदे रङ्सेनेये प्रेम चीक्क्य। 29चेनेयलो सूमीदेये रङ्से ङ्वने घिन अन्ची, तर हम्बजे ख्याल चीत्देबे चेलाबे सूसार चीक्क्य, केर्बे ख्रीष्टदेये रङ्से मण्डलीजे लागि ख्याल चीक्क्य। 30चेनेयलो ङीन ङूजे ङ्वजे अङ्ग ख्यङ्। 31#उत्पत्ति 2:24धर्मशास्त्रदे य ख्यङ्, “येरेक्यूत्देबे मीदे रङ्से प-मने पङ्देबे रङ्से मजप्रे मील्लीय, मेस्ये हम्ब ङ्हीजेने ङ्व त्या क्यूक्क्य।” 32अम्ब सोरो केन् नङ्सू पो ख्यङ्, होर्दे, अम्ब पो ख्रीष्ट मेस्ये मण्डलीजे बारेनेये यीय। 33चनेक्यूल्लीने नमयू खोत्तादेने रङ्से मजने रङ्सेने प्रने प्रेम ची, मेस्ये मजदेये रङ्से प्ल्यङने गेसेन् ची।
Ghale New Testament © Nepal Bible Society, 2011.