मूल स्यूस्स्यायूजे कामजे किताब 3
3
खोन्ड्याल्या मीत्याने तम् चीम्मेब
1पत्रुस मेस्ये यूहन्ना घडीने नोजे सोम् तप्प प्रार्थना चेने मन्दिरने प्रेनख्य। 2मन्दिर नङ्ने क्योब मीयूने भीख स्य्वाब जन्मेदेमेस्येने खोन्ड्याल्या त्याने मीयूदे प्लेत्देबे रेख्य मेस्ये येतार्ने मन्दिरजे सून्दर मीन्जे ख्योने येम्मे ख्य। 3पत्रुस मेस्ये यूहन्ना मन्दिर नङ्ने क्योब मेल्नब तङ्देबे ङूदे भीख स्यदे। 4यूहन्ना मेस्ये पत्रुसदे हम्बने ताका-ताक लेत्देबे यदे, “ङीतेले ले!” 5थमयूजे चत्या प्रेक्की यब आशा चीत्देबे ङूदे थमयूने ताका-ताक लेत्दे।
6होर्दे पत्रुसदे यदे, “मर् प्रे चाँदी ङैप्रे त्वो। तर ङैप्रे च ख्यङ्, हम्ब ङ नने पीन्क्य। नासरतजे येशू ख्रीष्टजे मीन्ने प्र!” 7ङूदे ङूजे सेत्ला चूङ्देबे हम्बने लङ्दे, मेस्ये खात्याने ङूजे तोप्यू प्रे पनने ताकत रदे। 8होर्दे जूरूक्के लङ्देबे ङू मेर्दे मेस्ये प्रने सुरु चीत्दे, होर्दे प्रेये-प्रेये मेस्ये फूर्-फूर् ङ्यदेबे परमेश्वरजे सार्या चीदे-चीदे थमयूप्रे मन्दिर नङ्ने क्योइदे। 9हन्छ्वाब मीयू क्वादेने ङू प्रेनब मेस्ये परमेश्वरजे जै-जै चीन्नब तङ्दे। 10थमयूदे मन्दिरजे सून्दर ख्योने टूङ्देबे भीख स्य्वाने टूनब ङूने ख्यङ् यदेबे स्येदे, मेस्ये ङू फ्याने क्यूरब पोने थमयूदे आ-थोम्दे मेस्ये हार्मन्दीकदे।
मन्दिरने पत्रुसजे अर्ती
11हम्ब मी पत्रुस मेस्ये यूहन्नाजे ङ्ये-ङ्ये लादेब तङ्देबे मीयू क्वाने आथोम्कदेबे सोलोमन यब तोलेन्ने त्याफेने थमयू ट्याने ग्येरदे। 12अम्ब तङ्देबे पत्रुसदे मीयूने यदे, “इस्राएलजे मीयू, अम्ब पोने नमयू चेने हार्मन्दीन? या ङीजे रङ्सेजे शक्ति या भक्ति चीत्देबे ङीदे अम्बने प्र ख्व चेप्र चेने आ-थोम्दे ङीने लेन्न? 13#प्रस्थान 3:15ङीनजे तङ्बोजे मेमे अब्राहाम, इसहाक मेस्ये याकूबजे परमेश्वरदे रङ्सेजे सेवा चेब येशूने महिमित चीत्दे, ङूने नमयूदे चूङ्स्ये पीन्दे। पिलातसदे ङूने क्याबे मेलीने नमयूदे ङूजे खूम्देने अन्क्यूर् यदे। 14#मत्ती 27:15-23; मर्कूस 15:6-14; लूका 23:13-23; यूहन्ना 19:12-15तर नमयूदे पवित्र मेस्ये धर्मी मीने अन्क्यूर् यदेबे ङूजे सट्टने ज्यानमारा त्याने क्यापी यदेबे यदे। 15मेस्ये जीया पीनबने नमयूदे सेत्दे, हम्बने परमेश्वरदे सीयेबदे सोम्बो चीत्देबे लङ्दे, ङी अम्बजे गवाही ख्यङ्। 16येशू फ्याने भर् चेब खोन्त्याङ् त्यादे बोङ् प्रेत्दे। ङूजे मीन् तदेबे ङूजे सेम्ने विश्वास जाग्तीदे, होर्दे ङूजे विश्वासदे चीप्प जेम्से अम्ब मी चेलाबे तम् क्यूरेब तङ्क्य।
17जेम्से च्योन्यू, ङैने था ख्यङ्, यी नमयूदे अन्स्येदेबे होरे चीक्कदे, मेस्ये नमयूजे नेतायूदेये होरेने चीत्दे। 18ङूजे ख्रीष्टदे छरङ् भोग्दे पर्दीय यदेबे परमेश्वरदे, अगमवक्तायूजे ङूर्दे यब पो येर्बे पूरा चीत्दे। 19होरेक्यूत्देबे पश्चात्ताप चीत्देबे ल्वाख, नमयूजे पाप मेर्दीमीस्य, मेस्ये परमप्रभु नमयूप्रे वास चीत्देबे आनन्दजे दिन रस्य, 20मालङ्ने परमेश्वरदे नमयूजे लागि सेलब ख्रीष्ट, या येशूने फेरि कूल्बीय। 21परमेश्वरदे तङ्बोमेस्येने रङ्से पवित्र अगमवक्तायूजे ङूर्दे यप्र साप्ता थोक सर् बन्देब दिन सेमे येशू स्वर्गने क्यूर पर्दीय। 22#व्यवस्था 18:15,18मोशादे य ख्य, ‘पर्मप्रभु परमेश्वरदे ङैने लङप्र नमयूजे अत-च्योन्यूजे अन्द्रदे अगमवक्ता त्या नमयूजे लागि लङ्क्य। ङूदे नमयूने च-च येको हम्ब पोयू क्वाने नमयूदे ङ्यीन पर्दीय। 23#व्यवस्था 18:19येर क्यूक्क्य, हम्ब अगमवक्ताजे पो अन्ङ्यीनब मी जती छूर्दीदेबे नाश चीक्क्य।’
24“शमूएलदेमेस्ये होर्दे ङ्येजे अगमवक्तायू जतीदे अम्ब दिनजे पो क्यूक्क्य यदेबे य ख्य। 25#उत्पत्ति 22:18नमयू हम्ब अगमवक्तायूजे मेस्ये हम्ब कबुलजे छगूम्-पूर्गूम् ख्यङ्, हम्ब कबुल परमेश्वरदे नमयूजे मेमे अब्राहामप्रे यरे यदेबे ख्यादे, ‘नैजे छगूम्-पूर्गूम्ने पृथ्वीजे टक्क म्हीतीदे असी प्रेक्क्य।’ 26नमयू त्या त्याने रङ्सेजे अन्ज्य पाप क्यापीस्ये पीन्देबे नमयूने असी पीनस्ये यदेबे परमेश्वरदे रङ्सेजे सेवा चेबने तयार चीत्दे मेस्ये पात्ता खूम् नमयू ट्याने कूल्बीदे।”
Ghale New Testament © Nepal Bible Society, 2011.
मूल स्यूस्स्यायूजे कामजे किताब 3
3
खोन्ड्याल्या मीत्याने तम् चीम्मेब
1पत्रुस मेस्ये यूहन्ना घडीने नोजे सोम् तप्प प्रार्थना चेने मन्दिरने प्रेनख्य। 2मन्दिर नङ्ने क्योब मीयूने भीख स्य्वाब जन्मेदेमेस्येने खोन्ड्याल्या त्याने मीयूदे प्लेत्देबे रेख्य मेस्ये येतार्ने मन्दिरजे सून्दर मीन्जे ख्योने येम्मे ख्य। 3पत्रुस मेस्ये यूहन्ना मन्दिर नङ्ने क्योब मेल्नब तङ्देबे ङूदे भीख स्यदे। 4यूहन्ना मेस्ये पत्रुसदे हम्बने ताका-ताक लेत्देबे यदे, “ङीतेले ले!” 5थमयूजे चत्या प्रेक्की यब आशा चीत्देबे ङूदे थमयूने ताका-ताक लेत्दे।
6होर्दे पत्रुसदे यदे, “मर् प्रे चाँदी ङैप्रे त्वो। तर ङैप्रे च ख्यङ्, हम्ब ङ नने पीन्क्य। नासरतजे येशू ख्रीष्टजे मीन्ने प्र!” 7ङूदे ङूजे सेत्ला चूङ्देबे हम्बने लङ्दे, मेस्ये खात्याने ङूजे तोप्यू प्रे पनने ताकत रदे। 8होर्दे जूरूक्के लङ्देबे ङू मेर्दे मेस्ये प्रने सुरु चीत्दे, होर्दे प्रेये-प्रेये मेस्ये फूर्-फूर् ङ्यदेबे परमेश्वरजे सार्या चीदे-चीदे थमयूप्रे मन्दिर नङ्ने क्योइदे। 9हन्छ्वाब मीयू क्वादेने ङू प्रेनब मेस्ये परमेश्वरजे जै-जै चीन्नब तङ्दे। 10थमयूदे मन्दिरजे सून्दर ख्योने टूङ्देबे भीख स्य्वाने टूनब ङूने ख्यङ् यदेबे स्येदे, मेस्ये ङू फ्याने क्यूरब पोने थमयूदे आ-थोम्दे मेस्ये हार्मन्दीकदे।
मन्दिरने पत्रुसजे अर्ती
11हम्ब मी पत्रुस मेस्ये यूहन्नाजे ङ्ये-ङ्ये लादेब तङ्देबे मीयू क्वाने आथोम्कदेबे सोलोमन यब तोलेन्ने त्याफेने थमयू ट्याने ग्येरदे। 12अम्ब तङ्देबे पत्रुसदे मीयूने यदे, “इस्राएलजे मीयू, अम्ब पोने नमयू चेने हार्मन्दीन? या ङीजे रङ्सेजे शक्ति या भक्ति चीत्देबे ङीदे अम्बने प्र ख्व चेप्र चेने आ-थोम्दे ङीने लेन्न? 13#प्रस्थान 3:15ङीनजे तङ्बोजे मेमे अब्राहाम, इसहाक मेस्ये याकूबजे परमेश्वरदे रङ्सेजे सेवा चेब येशूने महिमित चीत्दे, ङूने नमयूदे चूङ्स्ये पीन्दे। पिलातसदे ङूने क्याबे मेलीने नमयूदे ङूजे खूम्देने अन्क्यूर् यदे। 14#मत्ती 27:15-23; मर्कूस 15:6-14; लूका 23:13-23; यूहन्ना 19:12-15तर नमयूदे पवित्र मेस्ये धर्मी मीने अन्क्यूर् यदेबे ङूजे सट्टने ज्यानमारा त्याने क्यापी यदेबे यदे। 15मेस्ये जीया पीनबने नमयूदे सेत्दे, हम्बने परमेश्वरदे सीयेबदे सोम्बो चीत्देबे लङ्दे, ङी अम्बजे गवाही ख्यङ्। 16येशू फ्याने भर् चेब खोन्त्याङ् त्यादे बोङ् प्रेत्दे। ङूजे मीन् तदेबे ङूजे सेम्ने विश्वास जाग्तीदे, होर्दे ङूजे विश्वासदे चीप्प जेम्से अम्ब मी चेलाबे तम् क्यूरेब तङ्क्य।
17जेम्से च्योन्यू, ङैने था ख्यङ्, यी नमयूदे अन्स्येदेबे होरे चीक्कदे, मेस्ये नमयूजे नेतायूदेये होरेने चीत्दे। 18ङूजे ख्रीष्टदे छरङ् भोग्दे पर्दीय यदेबे परमेश्वरदे, अगमवक्तायूजे ङूर्दे यब पो येर्बे पूरा चीत्दे। 19होरेक्यूत्देबे पश्चात्ताप चीत्देबे ल्वाख, नमयूजे पाप मेर्दीमीस्य, मेस्ये परमप्रभु नमयूप्रे वास चीत्देबे आनन्दजे दिन रस्य, 20मालङ्ने परमेश्वरदे नमयूजे लागि सेलब ख्रीष्ट, या येशूने फेरि कूल्बीय। 21परमेश्वरदे तङ्बोमेस्येने रङ्से पवित्र अगमवक्तायूजे ङूर्दे यप्र साप्ता थोक सर् बन्देब दिन सेमे येशू स्वर्गने क्यूर पर्दीय। 22#व्यवस्था 18:15,18मोशादे य ख्य, ‘पर्मप्रभु परमेश्वरदे ङैने लङप्र नमयूजे अत-च्योन्यूजे अन्द्रदे अगमवक्ता त्या नमयूजे लागि लङ्क्य। ङूदे नमयूने च-च येको हम्ब पोयू क्वाने नमयूदे ङ्यीन पर्दीय। 23#व्यवस्था 18:19येर क्यूक्क्य, हम्ब अगमवक्ताजे पो अन्ङ्यीनब मी जती छूर्दीदेबे नाश चीक्क्य।’
24“शमूएलदेमेस्ये होर्दे ङ्येजे अगमवक्तायू जतीदे अम्ब दिनजे पो क्यूक्क्य यदेबे य ख्य। 25#उत्पत्ति 22:18नमयू हम्ब अगमवक्तायूजे मेस्ये हम्ब कबुलजे छगूम्-पूर्गूम् ख्यङ्, हम्ब कबुल परमेश्वरदे नमयूजे मेमे अब्राहामप्रे यरे यदेबे ख्यादे, ‘नैजे छगूम्-पूर्गूम्ने पृथ्वीजे टक्क म्हीतीदे असी प्रेक्क्य।’ 26नमयू त्या त्याने रङ्सेजे अन्ज्य पाप क्यापीस्ये पीन्देबे नमयूने असी पीनस्ये यदेबे परमेश्वरदे रङ्सेजे सेवा चेबने तयार चीत्दे मेस्ये पात्ता खूम् नमयू ट्याने कूल्बीदे।”
Ghale New Testament © Nepal Bible Society, 2011.