२ कोरिन्थी किताबजे बारेने
किताबजे बारेने
कोरिन्थीने ख्यब विश्वासीयूने पहिलो चिट्ठी लिख्दीब वर्ष त्या ङ्ही ङ्येदे पावल माकेडोनीयादे ई.सं. ५५-५७- ने अम्ब “दोस्रो” चिट्ठी लिख्दीदे।
पहिलो चिट्ठीने लोम-तन चेब मेस्ये फ्राचेब कारणदे कोरिन्थीयूदे अम्ब चिट्ठीने सूग्लाबे स्वीकार अन्ची, मेस्ये मण्डलीने कूम मीयू पावलजे विरोधने क्यममेदे। होरेक्यूत्देबे पावलदे सूजो चिट्ठी त्या लिख्दीदेबे रङ्सेने तोङ्मेब तीतसजे लाने कोरिन्थजे विश्वासीयूने चङ्पीदे (२ कोरिन्थी२:३-४)। अम्ब चङ्बेब चिट्ठी दीनी मेल्क ख्यङ्; अम्ब चिट्ठीजे च्यूनू त्याये त्वो। (क्यूर खूइय कोरिन्थीयूदे हम्ब चिट्ठी सेम् अम्परदीदेबे हन्छ्वाबने प्राङ्पीदे या छापीदे।)
कन्छ्वाब तीतस कोरिन्थदे छ्योट्टोने अन्ल्वार, हन्छ्वाब पावल उत्तर ग्रीसजे माकेडोनीया यब नेने गीलीदे। हैयाने आखिरीने पावलदे तीतसने तूदे (२ कोरिन्थी २:१२-१४)। रङ्सेदे गील्ली चीक्क ख्यङ् यदेबे कोरिन्थीयूदे पश्चात्ताप चे ख्यङ् यब पो तीतसदे पावलने स्य्वेदेबे थाप्रेत्दे। अम्ब सुगब खबर तदेबे, पावलदे तेस्रो चिट्ठी त्या कोरिन्थीयूने लिख्दीदे, अम्ब चिट्ठीने दीन्न “कोरिन्थीयूने पावलजे दोस्रो चिट्ठी” यीय। (कारण, अन्द्रजे चिट्ठी मेले ख्यङ्)।
कोरिन्थीयूने अम्ब “दोस्रो” चिट्ठीब पावलजे सूजो चिट्ठीयू यली रङ्से खुशीदे लिख्देब ख्यङ्। पावलदे कोरिन्थीजेयूने (मेस्ये ङीनयूनेये) रङ्से सेम् नङ्जे पो पूक्देबे तन ख्यङ्। पावल कर खल्जे मी ख्यङ् यदेबे अम्ब पोयूदेने ङीनदे कूम पो था प्रेखूइय।
पावलदे केरे जीया चदे यब पो थेप थाप्रेजे लागि पावलदे रोमीयूने चङ्बेब चिट्ठीजे परिचयने ले खूय।
Ghale New Testament © Nepal Bible Society, 2011.