ایوب ۲۳
۲۳
ایوبٚ جواب
۱ بأزین ایوب وأگردسته بوگفته:
۲ ایمروزم می شکایت زرخه،
و با اَنکی ناله زنم، خودا خو سنگینٚ دسَ می سرٚ جأ اونسَنه.
۳ کأشکی بدأنسته‌بیم اونَ کویه بیأفم،
کی اونٚ تختٚ ورجأ بشم،
۴ و می اوضاع و احوالَ اونٚ جُلُو بگم،
و هر چی دلیل دأرم، واگویا بوکونم.
۵ بأزین جوابی کی مرَ دَ‌یی، فأمستیم
و اونچی کی مرَ گفتی درک کودیم.
۶ ینی خودا خو پیله قودرتٚ مره می اَمرأ بحث کودی؟ نه!
بلکی مرَ توجه کودی.
۷ اویه دوروستکارٚ آدم تأنستی اونٚ رِه دلیل بأوره،
و من تأنستیم همیشه قاضی دسٚ جأ جیویزم.
۸ هسأ اگه شرقٚ طرف شم، اویه نِیسه؛
غربٚ طرفم اونَ نیدینم.
۹ وختی کی شومالٚ دورون کار کودَن دره، اونَ نیدینم؛
وختی شه جنوب، می چوم اونَ دنکفه.
۱۰ ولی اون او رأیی‌یَ کی من شم دأنه،
و وختی مرَ آزمایش بوکونه طلا مأنستن بیرون اَیم.
۱۱ اونٚ پا ماله سر پا بنَم؛
اونٚ رأ و روشَ حفظ بوکودم و اونٚ جأ کجَ نوبوستم.
۱۲ او دستوری کی اونٚ لبأنٚ جأ بیرون بمو دورَ نوبوستم؛
اونٚ گبأنَ ویشتر جٚه می روزی تلنبار بوکودم.
۱۳ ولی اون ایتأ دأنه‌یه؛ کی تأنه اونَ تغییر بده؟
هرچی کی اونٚ دیل خوأیه کونه.
۱۴ هرچی کی مِره تعیین بوکوده، انجام دهه،
و خیلی اَ جور نقشه‌یأن خو ذهنٚ دورون دأره.
۱۵ هَن وأسی اونٚ حوضورٚ جأ می دیل ترکه،
و وختی اَ چیزأنَ فیکر کونم اونٚ جأ ترسم.
۱۶ خودا می دیلَ ناتوانَ کوده؛
قادرٚ مطلق مرَ بد جور بترسأنه.
۱۷ ولی ظولمأتٚ وأسی خاموشَ نوبوستم،
و نه جٚه اَ خأطر کی غلیظٚ ظولمأت مرَ بپوشأنه.
© 2010-2019 Gilak Media
ایوب ۲۳
۲۳
ایوبٚ جواب
۱ بأزین ایوب وأگردسته بوگفته:
۲ ایمروزم می شکایت زرخه،
و با اَنکی ناله زنم، خودا خو سنگینٚ دسَ می سرٚ جأ اونسَنه.
۳ کأشکی بدأنسته‌بیم اونَ کویه بیأفم،
کی اونٚ تختٚ ورجأ بشم،
۴ و می اوضاع و احوالَ اونٚ جُلُو بگم،
و هر چی دلیل دأرم، واگویا بوکونم.
۵ بأزین جوابی کی مرَ دَ‌یی، فأمستیم
و اونچی کی مرَ گفتی درک کودیم.
۶ ینی خودا خو پیله قودرتٚ مره می اَمرأ بحث کودی؟ نه!
بلکی مرَ توجه کودی.
۷ اویه دوروستکارٚ آدم تأنستی اونٚ رِه دلیل بأوره،
و من تأنستیم همیشه قاضی دسٚ جأ جیویزم.
۸ هسأ اگه شرقٚ طرف شم، اویه نِیسه؛
غربٚ طرفم اونَ نیدینم.
۹ وختی کی شومالٚ دورون کار کودَن دره، اونَ نیدینم؛
وختی شه جنوب، می چوم اونَ دنکفه.
۱۰ ولی اون او رأیی‌یَ کی من شم دأنه،
و وختی مرَ آزمایش بوکونه طلا مأنستن بیرون اَیم.
۱۱ اونٚ پا ماله سر پا بنَم؛
اونٚ رأ و روشَ حفظ بوکودم و اونٚ جأ کجَ نوبوستم.
۱۲ او دستوری کی اونٚ لبأنٚ جأ بیرون بمو دورَ نوبوستم؛
اونٚ گبأنَ ویشتر جٚه می روزی تلنبار بوکودم.
۱۳ ولی اون ایتأ دأنه‌یه؛ کی تأنه اونَ تغییر بده؟
هرچی کی اونٚ دیل خوأیه کونه.
۱۴ هرچی کی مِره تعیین بوکوده، انجام دهه،
و خیلی اَ جور نقشه‌یأن خو ذهنٚ دورون دأره.
۱۵ هَن وأسی اونٚ حوضورٚ جأ می دیل ترکه،
و وختی اَ چیزأنَ فیکر کونم اونٚ جأ ترسم.
۱۶ خودا می دیلَ ناتوانَ کوده؛
قادرٚ مطلق مرَ بد جور بترسأنه.
۱۷ ولی ظولمأتٚ وأسی خاموشَ نوبوستم،
و نه جٚه اَ خأطر کی غلیظٚ ظولمأت مرَ بپوشأنه.
© 2010-2019 Gilak Media