熱門經文出自 Jonɨ 14

分享

Dahaa' kaanyagaa' yɨhɨthɨma! ‘Tewaanna dɨmwaalyɨla!’ Sareburɨdaa'nyɨ kwaamu'nanyabwi sarɨmɨnyaba yagalya'mavɨdesɨ. Yɨ nɨnnya kwaamu'nanyabwi yɨhɨzaavɨde'nanyɨ. Kwaakevakɨ mwaalyara yaasɨwa'na dɨna ‘Tewaanna dɨmwaalyɨla!’ yaasɨwa'na dadɨvɨtabaaibɨ' nɨnnya kwaamu'nanyabwi mujaayɨ yɨhyɨde'nanyɨ. Nayaa yɨhɨzaavɨde'na sarɨmɨre sɨmunya' sɨmuyɨwaala myawɨpɨna! Sɨmunya gamɨ sa' lɨka myanna!

Wɨdɨna kya' Jizaazai wɨdɨna “Sahwainyɨ tusa'neinyɨ. Nebulyainyɨ. Gaalyabwi aaya kaavɨlyainyɨ. A'mwe aane pwai kwai tuta pɨrɨvɨ bwawojɨ Nɨmwaryawɨnna yɨ'mavaabya'ne' tusa' pɨrɨ' minyɨka. Aawana, nɨmɨnnanyɨra.

Jizaazai gamɨreraavɨ wɨdɨna “Sarɨnnya sɨmunyangɨ sɨmuyɨwaala myawɨpɨna! Gotɨyarɨ dɨlɨmwagyɨla! Nabaai nɨmɨnyɨ dɨnyɨlɨmwagyɨla!

Nɨmwai yawɨ'na ‘Jizaazarebwi nayaa wɨjɨwaainana!’ yawɨ'na yojɨ nɨmɨre yayavɨ sarɨmɨnyawɨnna Maredaderɨ yasaabathelyɨ. Maredade sai Kurya Tewaanyalyɨra. Kuryai Tewaanyai yuyangɨ yɨhɨzɨwaakojɨ, nabaai, yɨhɨthɨwe yuya nayaa jawɨryideihɨrɨ yɨhɨmwaaihadelyɨra.

Da pwai nɨmɨre yagaaikɨwɨnya kɨnɨnnakei sa mɨdɨda sahwai nɨmɨnyɨna tewaanya wɨvu'nadelyɨ. Nabaai nɨmɨnyɨna tewaanya wɨvu'nade sahwarɨna Nɨmaamaangerɨ tewaanya wɨvu'nadelyɨ. Nɨmɨ sainyɨ sahwarɨna tewaanya nyɨvu'nojɨ sahwarɨna nɨmɨ sainyɨ wɨjɨwaainɨnɨdelyɨra.”

Nɨmɨ Nɨmwarɨ yɨwaara'na kya'muri ‘Maredaa'dei yɨ, Maredadei Pwai yuyagaa' yuyagaa' sarɨmɨjɨ mwaalana!’ dozɨ yɨhɨzaavadelyɨra. Sahwai nebulyabwine Kuryarɨ Kwaakevakɨ mwaalyara mamaari yɨpɨnere. Sahwara Kurya sarɨ tɨnna mwanganyɨ, sɨduta myawɨri yadɨvɨsa'na mamaari yɨpɨ'delyɨ. Sarɨmɨ sɨduta yawɨ'manɨga'. Sarɨmɨjɨ kuna mwaalaka dɨvi sarɨmɨnyɨ wɨlayɨhɨmwaalade'na sahwarɨ yawɨ'manɨga'.

‘Jizaazai sara sara dadevaaibɨsanna wɨdɨma!’ dapɨjɨ nɨmɨnyɨ yaya'na kanyɨwaaravapɨjɨ sara yɨdesɨra! ‘Yɨ a'mwera tɨnna wanganapɨjɨ Gawaalɨvaangeinyɨna a'mwera Gotɨyarɨne yaya' munyaba makibɨka!’ da'mujɨ sara yɨdesɨra. Nɨmɨnyɨ yaya'na pɨrɨ' kɨrɨ' kanyɨwaaravapɨri sa' sarɨmɨnyɨne' yɨdeinyɨra.

Nɨmɨnyɨna tewaanya yɨhɨvu'naja' nɨmɨnyɨne kɨwɨnyanna sara jideihɨlyɨ.

Nɨmaamaangere angevɨ ku'dɨka tewaanya kwalaalya yarinɨkengɨ. Sangɨ sarɨmɨ dɨmwaalyide'na yovɨgalakaawɨdeinyɨ. Sabwi mwarya' kwajɨ savɨna mujɨ kyɨhiwɨdɨka!

Kaanna wɨwɨja' saba sarɨmɨnyɨna yovɨgalakɨwɨja' ayɨna ba'muri ‘Nɨmɨ mwaaimujawɨ sarɨmɨ dɨmwaalyɨla!’ da'mujɨ nɨmɨnyɨneihɨrɨ yɨhɨmaarɨdeinyɨ.

Tomaazai, gamɨrei wɨdɨna “Naangeigɨ, wɨjawɨnna nemɨ myawɨriwo. Sarevɨdaasɨ tusa'na gara yawɨraajɨwona?”