熱門經文出自 Simuluho 6

分享

A swaba ni ku inyaza h'a hupula kuli n'a ezize batu ni ku ba beya mwa lifasi.

Muñ'a Bupilo a bona kuli batu se ba li ba ba maswe hahulu kai ni kai, ni minahano ya bona kamita ne i tezi mihupulo ye maswe.

Kono Muñ'a Bupilo a tabiswa ki Nuwe.

Nuwe ne li mutu ya lukile, ili yena feela a nosi ya n'a lumbiwa ki Muñ'a Bupilo ka nako yeo, a sebeleza Mulimu cwalo mwa bupilo bwa hae kaufela.

Kih'a li, “Ni ta felisa batu kamukana be ni bupile, kai ni kai ko ba li teñi. Ni ta sinya cwalo lifolofolo ni linyunywani kaufela, kakuli na inyaza ha ni li ezize.”

Ka yona nako yeo, ne ku se ku na ni batu ba bañata mwa lifasi kamukana, mi ni basizana ne ba pepiwa. Bana ba Mulimu ba bañwi ba bona kuli basali bao n'e li ba bande hahulu. Cwale ba nyala be ne ba latile. Cwale Muñ'a Bupilo a bulela, a li, “Ha ni na ku lumelela batu ku pila kuya kuile. Ki batu feela mi ba lukela ku shwa. Ku zwa fa, ha ba sa na ku pila lilimo ze fitelela mwanda u li muñwi ni mashumi a mabeli.” Ku ona mazazi ao, ni a kwamulaho, ne ku na ni batu ba batelele ba bakima mwa lifasi, ili bana ba ba pepilwe ki basali ni bana ba Mulimu bani. Kale ne li bona lindume ba ba ne ba tumile.

Mi Nuwe a eza sina mw'a n'a laelezwi ki Mulimu.

Mulimu kih'a li ku Nuwe, “Ni se ni hupuzi ku felisa batu kaufela. Ni ta ba feza mbuu, kakuli lifasi kamukana li se li tezi bumaswe bwa likezo za sibi sa bona.

Wena u ikezeze Aleka, ili sisepe se situna sa kota ye nde ya gofele. U pumake mizuzu mwa sisepe seo, mi u si lile mwahali ni kwande ka tala.

Mulimu a talima lifasi, mi a bona kuli li sinyehile, kakuli batu ne ba se ba li ba ba maswe ka ku fitisisa.

U nge kwa mifuta kaufela ya lifolofolo, ya poho ni ye sihali, kuli li pile.