熱門經文出自 San Mateo 22

分享

Jayave Jesús jei chupe: —Mboroócuai tenondegua vae co cuae: “Eaɨu ndeYa Tumpa opaete ndepɨa reve, opaete nderecove reve, jare opaete neñemongueta reve” —jei—. Cuae co jae mboroócuai tenondegua vae —jei—. Jare jaɨcuerigua vae co cuae: “Eaɨu iru vae nde reyeaɨu rami” —jei—.

Cuae mócoi mboroócuai reyapo yave, reyapo ma co opaete Moisés iporoócuai jeigüe jare Tumpa iñee aracae omombeu vae reta jeigüe —jei.

Echa Tumpa oeni jeta vae erei mbovɨño oiparavo —jei.

Omanogüe vae reta oicove ye yave, cuimbae reta jare cuña reta ngaraa omenda. Yogüɨrecota araɨgua ara pe ñogüɨnoi vae reta rami —jei—.

Peechauca cheve corepoti mburuvicha guasu ocovara peve vae —jei. Jayave güeru reta chupe metei denario. Jayave Jesús oparandu chupe reta: —¿Quia iagüe pa cuae? ¿Quia jee pa cuae oyecuatía oi vae? —jei. —Jocuae César imbae co —jei reta. Jayave Jesús jei chupe reta: —Pemee César pe César pegua, jare pemee Tumpa pe Tumpa pegua.