熱門經文出自 Génesis 11

分享

Chaymi Tayta Dios nirqa: Kay runakunaqa hukllam kachkanku, rimayninkupas hukllataqmi, chayraykum kay ruway qallarisqankutaqa mana imapas sayachiyta atinmanchu. Chaynaqa, uraykuspanchikyá rimayninkuta chaqwaramusun, chaynapi rimasqankuta mana entiendenakunankupaq, nispa.

Chaymantam ninakurqaku: Huk llaqtata hatarichisun, cielokama haypaq torretawan perqarusunchik, chaynapi ancha reqsisqa kananchikpaq. Yanqañataq tukuy hinastinman kay pachapi cheqeruchwanchik, nispanku.

Chayraykum chay llaqtata Babelwan suticharqaku, runakunapa rimayninta Tayta Dios chaypi chaqwarusqanrayku, hinaspam kay pachapi tukuy hinastinman cheqerachirqa.

Chay punchawkunapiqa llapallankum kay pachapi huk simillata rimarqaku.

Ichaqa Tayta Diosmi uraykamuspan runakunapa ruwasqan llaqtata chaynataq torretapas qawaykurqa.

Chaynatam runakunata maymi kasqankumanta Tayta Dios tukuy hinastinman cheqerachirqa, hinaptinmi ruway qallarisqankuta saqerurqaku.