熱門經文出自 လူၤကၣ် 9

分享

တဘျီးဃီ အဝဲဒၣ် စံးဘၣ်ဘၠီၣ်ကိးဂၤဒ့း, “ဘၠီၣ်မဲၢ်သးအိၣ်ပိၤယခံတဂၤဂၤနဲၢ်, အဝဲဒၣ် ကဘၣ်တၢ်ညိကွံၤအသး, ဟံးထီၣ်ထူၣ်စုညါကိးနံးဒ့းဘျီး ကဲၢ်ထီၣ်ယခ့ယပှၤလိ.

တၢ်ဂ့ၢ်ဒ့းအ့ၤ, ဘၠီၣ်တဂၤလၢ်လၢ်လိ အအဲၣ်ဒိးအုၣ်က့ၤခီၣ်က့ၤအသးသမူဒၣ်ဝဲနဲၢ်, အသးသမူကလီၤမၢ်နဲလိ. မဲၢ်မဲၢ်ဘၠီၣ်တဂၤလၢ်လၢ်လိ အဒွိလီၤမၢ်ကွံၤအသးသမူဒၣ်ဝဲလိ ယဃိနဲၢ်, ကအုၣ်က့ၤခီၣ်က့ၤအသးသမူ ဒၣ်ဝဲနဲၢ်လိ.

ယ့ၣ်ရှူးစံးဘၣ်အီၤ, “ဘၠီၣ်တဂၤဂ့ၤတဂၤဂ့ၤလိ အဟံးထီၣ်ထူၣ်စုညါဘျီး ကွၢ်ခွိၣ်ခံဂ့ၤအလီၢ်ခံခဲနဲအံၤခဲနဲအံၤနဲၢ်, အဘျုးအဖှိၣ်တအိၣ်ဝဲလိ ကစၢ်ယွၤ အဘီအမုၢ်အဂီၢ်နီတမံၤဘၣ်.”

တၢ်ဂ့ၢ်ဒ့းအ့ၤ, သုဝဲဝီၤမဲၢ်ဒိးန့ၢ်ဘၣ် ဟီၣ်ခွိၣ်ထီဘ့ၣ်ညါ မီၢ်လၢၤအနီၢ်ကစၢ်ဒၣ်ဝဲ မဲၢ်ဟါမၢ်ကွံၤ မဲၢ်တမဲၢ် ဘၣ်တၢ်မၤနၢၤအီၤနဲၢ်, ကမၤန့ၢ်တၢ်ဘျုးတၢ်ဖှိၣ်တမံၤမံၤ မီဧါ. တမၤန့ၢ်ဝဲလ့ၤနီပံတံဘၣ်.

သုဝဲလိၣ်တဂၤမဲၢ်မံၤဆှးယၤဘျီး ယတၢ်သိၣ်လီၤသီလီၤတလိၣ်နဲၢ်, ပှၤကညီဖွိခွါကမံၤဆှးအီၤဖဲ အဝဲဒၣ်ဟဲလိ အလၤကပီၤအပူၤ, ဘျီး အပၢ်အလၤကပီၤအပူၤဘျီး လိကလူးစီဆှံတလိၣ်အလၤကပီၤအပူၤအဆၢကတီၢ်နဲၢ်လိ.

ယ့ၣ်ရှူးစံးဘၣ်အီၤ, “ထွံၣ်ဟီၣ်ခွိၣ်တလိၣ်အိၣ်လါအပူၤတလိၣ်, ဘျီး ထွိၣ်ဘီၣ်တလိၣ်အိၣ်လါ အသွံတလိၣ်လိ. မဲၢ်မဲၢ် ပှၤကညီဖွိခွါအံၤထဲအကမံလီၤဘျီး အိၣ်ဘှံးအီၣ်သါအဂီၢ်နီၣ်ခၠါ, တၢ်လီၢ်တၢ်ကျဲၣ်တအိၣ်နီတလိၣ်ဘၣ်.”

ဘျီးစံးဘၣ်အခ့အပှၤတလိၣ်, “ဘၠီၣ်တဂၤလၢ်လၢ်လိ အတူၢ်လိၤဖွိသၣ်တဂၤအံၤလိ ယမံၤအဃိနဲၢ်, မဲၢ်အတူၢ်လိၤယၤ, ဘျီးဘၠီၣ်တဂၤလၢ်လၢ်လိ အတူၢ်လိၤယၤနဲၢ်, မဲၢ်အတူၢ်လိၤဘၠီၣ်လိအမၢလီၤယၤတဂၤနဲၢ်လိ. တၢ်ဂ့ၢ်မဲၢ်ဒ့းအ့ၤ, ဘၠီၣ်အဆံးကတၢၢ်လိ သုဝဲခဲလုၤအကျၣ်နဲၢ်, မဲၢ်ဘၠီၣ်အဒွိၣ်ကတၢၢ်လိ.”