熱門經文出自 လုကာ 8

分享

တာဖလုံးဆွီးဒုန်း အလောင်ဘာဟယ်ခူယာရောက်လော်တဟယ်နူမယ် ပရာဒုန်းနာဟူးဘာဘွေတာဟွားတာငေါ့ဘုန် လားနူးဒုန်းတာသူရောက်သာ့ဇုန့်ကူးဒေါ်ဖိတ်ကလုန်ကျိန် အမာဇွတ်အခူစား ဒေါ်သာထောင်ဒုန်း တာဆောင်လောင်သာ့တဟယ်နူလော်။

တာဖလုံဆွီးဒုန်း အလောင်ဂက်ခိုက်ကားနဲတကူးနူ မယ်ပရာနာဟူးတာမသော်မယ် တာကူးတာကိုက် တာဒူယောက်မတုန်ဒေါ် တာသနူးဒူတာဒုန်းနဲကုန်းနူ မာဘု့အော်အခူစား အဝေသူးနူမယ်ပရာဒုန်းမုန်းသာဇာ့ဖီးရောင့်တဟယ်နူလော်။

တာဖလုံဆွီးဒုန်း အလောင်ဒုန့်လုန့်ဟယ်ခူလော်တဟယ် နူမယ်မွတ်ပရာတဟယ် ဒုန်းအနာဟူးတာဒေါ် သနောက်သဆူးတာပလောတာ သနူလော် နဲမယ် အရွီးအထွာဇာ့လောင်လပ်ကိုး အဝေသူးဒေါ်အုတ်တာမာသခုန်းဒီးဒေါင်းခိန်နူ ဘလိုင်ကေးတလုပ်ဘွေတာ ဟွားတာငေါ့တာဟယ် နူလော်။

ဘုန်မယ်ယေရှုလွိုက် မွန်းခီးပရာတဟယ် “သူးတာယူးတာနာဇာ့အော် ခါးမာရား” လွိုက်မွန်းကနူလော် ဘုန်းနူအခိန်နူအဝေသူးနဲခုထွားထောင် တာတမွတ်တမောင်းဒေါ်ဟွာ့လောင်ရိုင်လော နူလော် “ပရာယိုးပရာမယ်ကမား။ ဆူးဒေါ်ရူးယူနာဒိန်းခါးဝေငေါ့မာရား” လေနဲရောက်မွန်းကနူလော်။

တာဖလုံဆွီးဒုန်းအလောင်တိုက်ခလိုက်ကူးနူမယ် ဘွေတာဟွားတာငေါ့ဒုန်း ပရာနာဟူးဒေါ်မကိုက်အဇာ့နာဓိန်း အဇာ့ယူးနာ အဇာ့တူးဒုန်းတာမာပူးဘလွတ်နဲခူးနူ မူကော်လီလေနူးဒုန်းအသာ့ကူးဒေါ် ထူကေးဖယ်တာဟွားတာငေါ့ဒုန်း အဝေသူးအသာ့ဖလုန်ကူးနူလော်။

ကွားဒေါ်ဇာ့အုတ်ဆူကိုက်ထောင် တာလားဟွန့်အော်ကလှက်ဇာ့အော်။ ပရာဇာ့သိုက်ငှားနဲခူးကလှက်လာ့ဟွန့် အကလှက်ဆိန့်အော်။

ပွန်မွန်တာပရာနူအဝေအော်ဟွတ်ဆိန့်ဒါဘယ်ဒေါ် အဝေလေမွန်းဒုန်း ဘွေယေရှုအလောက်မှောက်နူဒေါ် လေဒေါကလိမ့်လောင်ခါးလိမ်းခူ၊ ဘုန်အဝေဆိန့်သိုက်ငှား လောမွန်းပရာလမှောက်နူလော်။ ဘွေယေရှုနဲမွန်း ပွန်မွန်နူပရာ ခါးယိုးနအော်မှောင် ဇိန်ယိုးနူမွက်နာတာယူးတာနာအော်ဒေါ် ဖါဘွေဒူဖီနာ တာအော်သာ့အော်ယာ့နူလော်။

အခူစားအဝေသူးတဟယ်နူ ထူသရိုက်ဘွေဒေါ် “အုန်းဘွေ၊ အုန်းဘွေ၊ ပါကသူးဘာကဲနူလော်” အကွီးထောင်ကနူအခူစား ဘွေယေရှု အော်တုန်းလမီး ကူးဒေါ်ဆွားသရိုက်ဆုန်းထုန်ဒေါ်လားမွန်း ရူးယူဒူတဟယ် အော်ပရယ်ဒေါ် ဘုန်နူအခိန် နူရူးယူတဟယ် နာဒိန်းဘွေငေါ့ဒေါ် လောင်ကြာ့ဇိန်မွန်းနူလော်။