熱門經文出自 2 Петр 3

分享

Господь юватылеш манын, южо еҥ шотла гынат, Господь сӧрымыжым шукташ ок юватыл, а мемнан шотышто чытымашым ончыкта. Иктынат пытымыжым Тудо ынеж уж, а чылан языкыштым касарыктышт да Юмо деке савырнышт манын шона.

Йӧратымем-влак, теве икте тендан деч шылтыме лийшаш огыл: Господьлан ик кече – тӱжем ий гай, да тӱжем ий – ик кече гай.

Мемнан Господьна да Утарышына Иисус Христосын порылыкыштыжо да Тудым пален шогымаште кушкын толза. Тудлан кызытат, курым-курымаш кечынат эре чап лийже! Аминь.

А Господьын кечыже йӱдым толшо вор семын толеш, тунам кава мӱгырен йомеш, сандалыкыште чылажат чот ырен шалана, а мланде да тушто мо уло – чылажат йӱла.

Тыге чылажат шалана гын, тугеже тыланда, Юмын кечыжым да тудын вашкерак толын шумыжым вучышо-влаклан, святой илышыште да Юмым пагалымаште могай лияш кӱлеш! Тудо кечын кава тул дене шалана да сандалыкысе чыла ужаш шокшеш лева.