熱門經文出自 1 Ин 3

分享

Икшывем-влак, ме мут да ойлымо дене огыл йӧратышаш улына, мемнан йӧратымашна чын лийшаш да мом ыштымына гоч койшаш.

Мо тугай йӧратымаш, теве кушеч ме пален налынна: Христос мемнан верч шке чонжым пуэн. Меат иза-шольо-влак верч чоннам пуышаш улына.

Ача могай йӧратымашым мыланна пуэн, ончалза: мемнам Юмын икшывыже-влак маныт, да ме тыгай улына. Сандене тӱня мемнам ок пале, вет Тудымат пален огыл.

А языкым ыштыше – диавол деч, вет диавол тӱҥалтыш гычак языкым ышта. Диаволын пашажым шалаташ манынак, Юмын Эргыже тӱняшке толын.

Юмо деч шочшо иктат языкым ок ыште, вет Юмын илыш нӧшмыжӧ тудын дене кодеш, да тыгай айдеме языкым ыштен ок керт, вет тудо Юмо деч шочын.

Тиде тӱняште улан илыше айдеме шке иза-шольыжын ситыдымашым чытымыштым ужеш да шӱмжым нунын деч тӱкылымаште куча гын, кузе тудын чонышто Юмын йӧратымашыже кодын кертеш?

А кӧ Юмын кӱштымыжым шукта, тудо Юмо дене ушнен шога, а Юмо тудын дене. Тудын мемнан дене ушнен шогымыжым мыланна пуымо Шӱлышыж гыч палена.

Кӧ Юмын, а кӧ диаволын икшывыже, тыге палаш лиеш. Кӧ чын ок ыште – Юмо деч огыл, тыгак иза-шольыжым йӧратыдыме еҥат Юмо деч огыл.

Теве тиде уверым те тӱҥалтыш гычак колында: ме икте-весынам йӧратышаш улына.

Иза-шольым-влак, тӱня тендам ужмышудымо гын, ида ӧр.