熱門經文出自 Hechos 4

分享

Mayuc mach'a yan ay colel ta scuenta, como ta bayuc ta swohlol bahlumilal mayuc yan mach'a hich halbil sc'oblal ta stojol ants-winiquetic te ya xhu' ya xcolotic yu'un, xchi.

C'alal laj yo'tanic ta sc'oponel Dios, nihc te lugar te banti stsoboj sbahic; soc ta spisilic nojesbot ta yo'tanic te Ch'ul Espíritu, soc bayel yip yo'tanic la yalic te sc'op Diose.

Yo'tic, Cajwal, ilawil te comel yu'unic soc a'beya yip yo'tanic te a'batetic awu'un ta yalel te ac'op

Te Jesús ini ha te ton te la ach'ayic hilel, ha'ex te jpas-nahex, ha yiptajib xuhc na c'oht, te xchihe.

C'alal la yilic te ay bayel yip yo'tan te Pedro soc Juan, xcham yo'tanic yu'un, como sna'ojic te mayuc yich'ojic p'ijubtesel soc hich nax ayic; la sna'ic te la sjoquinic te Jesús.

Spisilic te mach'atic sch'uhunejic, jun yo'tan sbahic soc jun sch'uhlel la ya'iy sbahic. Mayuc mach'a la yal te ha stuquel yu'un te sbiluque, ta spisilic junax sbiluc c'ohtic.