熱門經文出自 Matye 6

分享

Pookosaaka sok Ɛyoŋ ɛ Zɛɛb nɛ tsik tɔ epiki nyɛ di ewaab ɛ. Tin, Zɛɛb ɛ́ waadjɛ bin esa djas bi di nɛ gwyes tak ɛ.

Nàbemka ba nɛ etɛp aasael djɛmɛn ɛ, etɛɛ náá, etɛp e djɛmɛn aagwyɛ lo ɛ́ nyɛ ɛmet, dwoo nɛ dwoo ɛ́ nɛ yɛ ɛkwosak.»

«Yɛ ɛ́ étɛp tak ɛ mɛ di elɛɛ nɛ nen náá: Nàbemka ba kɔ ɛsu ɛ tsik'en dum nɛ tɛp edee bi aadɛ ɛ, ààkoobɛ-bɛaak mɛnyel men dum nɛ ekaad bi aabɔt ɛ. Etɛɛ náá, tsik eedhaa edee, nyel eedhaa ekaad nɛ mɛtaŋ. Etsal é?

Yɛ kabɛ wɔy ɔɔ, wɔ kwyɛl ɛdjaala Zɛɛb ɔɔ, nia tɔ dhɛŋ'ɔ, da wɔ ɛ́ diyal ɛbɛ. Bhii tak, da wɔ ɛ́ djaala nɛ Soog di tɔ di sɔ ɔ. Tin, Soog, mot di ebee esesɛɛ wɔ di esa tɔ sɔ ɛ, nyɛ waadjɛ wɔ efute.

Deenek, Gwakeka dáa bi di egoka nɛ ɛdjaala ɛ. Keka náá: “Zɛɛb Sɛɛg'es di tɔ gwoo ɔ, ye goka ɛ́ náá, din ɛ lɔ di Dɛɛ, ye guaa. Ye goka ɛ Ɛyoŋ ɛ lɔ zyɛ. Beta náá, ɛkwosak ɛ lɔ sael kɔ bɔs, dáa ye di esael pɛ tɔ gwoo ɛ.

Djɛa bis mos edee di egoka nɛ nes ɛ.

Pela ɛbiyo ɛ bis zesa ɛ, etɛɛ náá, bisɔ pe, bis ɛpepel bot ɛ nazesa bis ɛbiyo ɔ.

Sa náá, bis nàkwyekwyɛ tɔ mɛbhowal, é di'enek, pɛka bis é mɛmbɔ mɛ Mbee mot. [Etɛɛ náá, yɛ ɛ́ wɔy ɛ di nɛ Mɛkoozi, nɛ mɛbwala, nɛ duma na kɔm-kɔm. AMɛN.]”

Guka náá: Bi ɛ́ pel ɛbiyo ɛ bot ɛ di etɔ́ nɛ ɛsa bin ɔ, Sɛɛg'en di pɛ tɔ gwoo ɔ, waabaapel yebɔ pe.

Beeka enen pɛ ɛko, bɛ ààbɛ epyeeb, ààbɔ́k edee di ewum tɔ epyeeb ɛ. Bɛ ààkwom edee tɔ mɛbhwaa nɛ kɔ etaa. Tin, dhi Sɛɛg'en di tɔ gwoo ɔ, di djɛ bɛ edee! Bi ààpadhaa enen nɛ boo mɛtaŋ é mis ɛ Zɛɛb é?

«Nàsaaka ɛdi ɛ́ nɛ bɛtɛ nɛ ekum é bɔs'ak. Ekum ee di náá, bɛsɛs nɛ emaa ɛ́ waapul ɛ. Ekum ee di náá, bot ɛ djii ɛ́ waakwak ɛbo ɛ ndjaa, da djii, nɔɔ, tɔ́ nɛ yɛ ɛ. Kwomka ekum bin pɛ daa Zɛɛb. Penek, bot ɛ djii aanàkwaani kɛdjii yɛ, bɛsɛs nɛ emaa aanàkwaapul yɛ. Etɛɛ náá, é di mot di ekwom esa bɛ ɔ, lyem'ɛ di ɛ́ tin.»

«Ye tok nɛ mot ngɔt aadi nɛ ghwyil ɛsa mɛsa mɛ ekukuma ebá. Yɛ bɛ deenek ɔɔ, nyɛ waabhina ngɔt, da nyɛ ɛ́ kwyɛl nwyak ngɔt, nɛghu nyɛ kaseya nɛ ngɔt ɔɔ, nyɛ waabyasal nwyak ngɔt. Bi tok nɛ ghwyil ɛsa mɛsa mɛ Zɛɛb nɛ mɛsa mɛ epata é di wat.»

Yɛ bɛ náá, Zɛɛb ɛpebét eka ee di tɔ dik mos, da djɛmɛn yɛ ɛ́ nɔŋaa, dikaa tɔ du ɔɔ, haaa gwyata nɛ biyɔ! Zɛɛb tok nɛ ghwyil ɛsa deenek nɛ lyem'ɛ met étɛp'en é? Ye nakoozodi náá, bi tok nɛ boo ɛmyaal nɛ nɛ!

Yɛ bɛ náá, mbɔ eghɛŋ bɔ ɛpedjɛ djel mot sonok ɔɔ, yɛ àànyɔ náá, mbɔ ɛmyɛl ɛ lɔ gu. Etɛɛ náá, ye goka ɛ́ náá, sa wɔ djɛ mot ɛ, ye di sɔ. Tin, Sɛɛg'en, mot di egu dáa wɔ di ekwyee bot tɔ sɔ ɛ, nyɛ waadjɛ wɔ yɔ efute.»

«Bi ɛ́ kotiibal dum nɛ dáa bi di esa enɛm esa nɛ bot étɛp ɛduwal ɛ Zɛɛb ɛ. Bi ɛ́ sa deenek é mis mɛ bot, étɛp bot djas neeke náá: “Biyɔ ɛ́ di bɛmbɛɛ ɛ bot” ɔɔ, bi aanàkwaabela efute yii Sɛɛg'en di tɔ gwoo aadjɛ ɛ.

«Yɛ bɛ náá, bi ɛpetsi edee étɛp mendjaala ɔɔ, sa mot ààdi nɛ bhwoob ghoŋ dáa bot ɛ di nɛ lualɛŋ ɔ. Bɛ lyaal bhwoob ghoŋ deenek ɛ, étɛp bot djas neegu náá, bɛ ɛpetsi edee. Tsɛɛtsɛ nɛ tsɛɛtsɛ, mɛ lɛɛ bin ɛ náá: bot binɔk eezebela yɔbɔ efute. Yɛ kabɛ wɔy ɔɔ, wɔ tsi edee ɔɔ, gwyiia bhwoob, da wɔ ɛ́ lɔɔb mul é lo, etɛɛ náá, bot needi ààgu náá, wɔ ɛpetsi edee. Tin, yɛ ɛ́ Soog mot di tɔ sɔ ɔ di egu, deenek Soog, mot di ebee esesɛɛ djas wɔ di esa tɔ sɔ ɛ, nyɛ waadjɛ wɔ efute.»