熱門經文出自 Joh. 2

分享

Ia te kerek Jesus siboiki, sigalainia ka Kana, tobbou Galilea, masipatoila pulatsanannia. Matonemnangan bagada ka tubunia sipasiuluinia.

Kuanangan ka matania Jesus, “Aponia kiddietnu kugalai, ina? Tapei aiaili tetereku.”

Kuanangan Jesus ka matada sapagugulet, “Kau kam oinan nene ka bagat tappaiat.” Kaurangan nia pat tim. Lepa kuanangan ka matada Jesus, “Seilu kam, kau kam ka siuteake punen.” Kaurangan leu nia.

Aleginangan nia Jesus, “Ragatnan kam Uman Taikamanua, ai leu kurioake nia minca ka bagat telu ngagogoi.”

Galainangan tali lilippat, usiakenangan sangamberi tarimeu ka Uman Taikamanua, biribiri samba jaui; pakaritnangan bulagatda sipasisili bulagat, luggaakenangan mejada. Kuanangan ka matada sipasisasakiake ngorut, “Ambit kam sangamberinia nene, ba babailiuake kam Uman Ukkuiku lalep pasakiat.”