熱門經文出自 OO MEYO ACHIMOOWIN ST JOHN 14

分享

Pāu̔tukāyimoowin ke nukutumatinawaw, ne pāu̔tukāyimoowin ke meeyitinawaw: numoweya tapiskooch uske ka isse mākemuku̔k, ket isse meeyitinawaw. Ākaweya ke’ tā̔ewaw kitta mikooskatāye̔tumomukun, a̔po ākaweya kitta koostachemukun.

Jesus omisse itāo, Neya māskunow, mena tapwāwin, mena pimatissewin: numoweya oweyuk kitta ke̔ natāo O̔tawemawa, piko neya o̔che.

Ākaweya ke’ tā̔ewaw kitta mikooskatāye̔tumomukun: ke tapwa̔towawaw Muneto, tapwā̔towik neya ussitche.

Maka Ookakeechehewāo, ka Kunatissit A̔cha̔k ote, O̔tawemaw kā isitissa̔wat ne we̔yoowini̔k isse, ke ga kiskino̔humakoowaw ka̔keyow kākwia, mena ke ga kiskissehikoowaw ka̔keyow kākwia, piko kākwi ka ke̔ ititukook.

Una ka ayat n’ ooyussoowāwina, mena ka kunowāye̔tu̔k, āwuko una ka sakehit: mena una ka sakehit n’ O̔tawe kitta sakehāo mena ne ga sakehaw, mena ne ga nookoohoon kitta wapumit.

Mena ne ga mowimoostowaw O̔tawemaw, ākose ke ga meeyikoowaw kotuka Ookakeechehewāwa, kitta ke̔ wechāwikooyāk kakekā; A̔cha̔k ka tapwāwinewit ote; uske āka kā ke̔ o̔tinikoot, chikāma numoweya wapumik, a̔po numoweya kiskāyimik; maka ke kiskāyimawaw; weya ā kunooskakooyāk, mena kitta pee̔teskakooyāk.

Mena piko kākwi kā nutotumayāk ne we̔yoowini̔k isse, āwuko ne ga totān, O̔tawemaw kitta ke̔ kistukimee̔t Wākoosisewee̔t o̔che. Keespin ke ga nutotānawaw kākwi ne we̔yoowini̔k isse, ne ga totān.

Keespin ke sakehinawaw, mitchiminumook n’ ooyussoowāwina.

N’ O̔tawe oo waskahikuni̔k me̔chātinwa e̔tawina: keespin āka ākose isse ayak, ke ga ke̔ we̔tumate̔tawaw. Ne nutowe kwyache̔tan e̔tawin keyawaw o̔che.

Mena keespin ne nutowe kwyache̔tan e̔tawin keyawaw o̔che, ne ga pā itoo̔tan mena, ākose neya kā̔chewak ke ga otinitinawaw; itta ā ayayan, kitta ke̔ ayayāk keyawaw ussitche.

Thomas omisse itāo, Tāpāye̔chekāyun, numoweya ne kiskāye̔tānan tantā kā itoo̔tāyun; mena tanse kā ke̔ isse kiskāye̔tuma̔k māskunow?