熱門經文出自 ረውምየት እቂዝ 8

分享

እደረት ቀነቊዝ፣ ጝኻሰቪዝጘም ጭጝሸቊዝ፣ እጝቅ ዊገድቅ ጝታጭስ ቀሰውዝ ኣቐው ኣቐጘ ኣርቕነኵን።

እንዝ ማጥን ክርጘም ኣነ ርዅየ፣ መላካንም ኣጝነ ጋኒናን፣ ነን ፅበውድም ኣነ እግረ ተረውድ፣ ዊንም ኣውማው ኻይልድቅ፣ ንየስ የነውም ኣነ ዝጥቅ የነው፣ ኣውማው ፍጥርትድቅም ኣቕሽ ይናኣደረ እየሱስ ክርስቶስት ኣመካይነትዝ ችጝነው እደረት ፍቅሪስ ይናት ቲዝጠ ቸላው ኣቐጘ ተረድጭኩን።

እኒዝጘም መንፈስ ቅዱስ ይናዝላይስ ከቨኵ፤ ኣወይን ፃልይነ ጥውሽጠጘ ኣርቓይነቅም፤ ጝቕም መንፈስ ግን ቃልዝ ጋልፅጥነ ቸልሻው ዊገዝ ይናጭስ ጨወኵ።

እደስለ እን ዊገይዝቍዝ ወረጘ ዊስንቅ? እደረ ይናጅቅ ኣቐውዝየ ኣው የጝ ይናት ተቃውምሽጠ ቸለውድ?

ነስየ ክርስቶስ እየሱስትቍ ኣቐቊዝ ነን ኵነንየ እጀውም።

ስየዝቍዝ ኻስቨነውድ ክርጘ ነሰኵ፤ መንፈስዙ ፍቃድድ ኻስቨነው ግን ርዅየዝመ ዲግተዝ ነሰኵ።

ኣውማውም ይናት ቲዛው፤ እንዝቅ ይናት ቀነው ክርስቶስት ኣመካይነትዝ ኻቐቲስ ዲቍነኵን።

እን ኣልሚስ ለምርነው ይናስቃይድ እግረ ይናጭስ ጋልፅሽትጡ ክቭሪጅቅ ሚዝንሻንድ ውረውረቅ ኣየው ኣቐጘ እግዘኵን።

ክርስቶስት ፍቅሪስ ይናት ቲዘውድ ኣው የጝ? ችግርመ? ዊንስ ስቃይመ? ዊንስ ስድትመ? ዊንስ ግድርመ? ዊንስ ዝባተነውመ? ዊንስ ኻደገመ? ዊንስ ሰይፍመ?

ይናእዘንድየንት ሚርምረው እደረ፣ መንፈስዙ ኻሰቭድ ወረጘ ኣቐጘ ኣርቐኵ፤ ምላሰንድም መንፈስ እደረት ፍቃዲዝጘ ቅዱሳኒዝ ጨወኵ።

እንዛይ እደረት መንፈስዝ ቃውሸቍድቅ እደረት ቝር ጛይ።

ስየዙ ፍቃዲዝጘ ፅበቍድ ስየዙ በንድየንት ኻስቭጘኵ፤ መንፈስዙ ፍቃዲዝጘ ፅበቍድ ግን መንፈስዙ በንድየንት ኻስቭጘኵ።

በገዘ ጝዅርስ ኣርኽርኺጝቀ ይናእጝቅዝቅ ጝት ዲቍስ ነየውድ ኣወሽ እጝቅትቅ ልግስነዝ ቈሽ ነያው?

እደረት ቝር ኣነጘ እድየን መንፈስድ ይናመንፈሲጅቅ ኣቕ ይናጭስ ሚዝርደኵ። ዅል ኣነውዝየ ቈሽ ጝወራሻን የጝ፤ ክርስቶስ ጅቅ ላብጠ ዊርስነቅ የጝ፤ ነን ጝሚከረይስ እርግጥ ኣድልሽነቅ ኣንሽ እግረ ጝክቭሪስ ኣድልሽነቅ ኣንቅ።

ስየዝቍዝ ኻስቨው እጅር እደረት ፃለት የጝ፤ እደረት ኽጊዝ ኣዚታውም፤ ኣዚትጠም ቸላውም።

ፍጥርትድቅ እደረት ቝሪዙ ጋልፅሽተነድ ኽየው በንዝ ሊሚደኵ።

ፍጥርትድቅ ነኳን ኣሽ ፅበውድ ቅምትዙ ስቃይዝጘ ጨጝቅሻ ኣቐጘ ኣርቕነኵን።