熱門經文出自 1ቈረንተውስት እቂዝ 12

分享

እደረ እጝቅ እጅርዝቅ መንፈስ ቅዱስት ጋልፀነው ይወውድ ላብጠቱ ኣርወዝ የጝ።

ነስየ ክትንም ክርስቶስት ሰውነት የጝ፤ ክታይተእጝቅቅም ጝሰውነቲዙቍ ኣካላን የጝ።

ላው ኣካል ተሰቃይሻንድ ኣካላንድ እጝቅቅ ላብጠ ተሰቃሽጘኵ፤ ላው ኣካል ኪብራንድ ላጥ ኣካላንድም ላብጠ ዲስ ይጘኵ።

ላዊዝ መንፈሲዝ ኣመካይነትዝ ጥቨቭዙ ቃል ዊግተነው ይውት ይውሽተኵ፤ ላዊዝ ቈሽ እድ መንፈሲዝ ኣመካይነትዝ ኣርቕትዙ ቃል ዊግተነው ይውት ይውሽተኵ። ላዊዝ እድ መንፈሲዝ ኣመካይነትዝ እምንትዙ ይውት፣ ላዊዝም ላው መንፈሲዝ ኣመካይነትዝ ቓዘነው ይውት ይውሽተኵ። ላዊዝ ቈሽ ታምራን ፃቨነው ይውት ይውሽተኵ። ላዊዝ ትንቪት ዊግተነው፣ ላዊዝ መንፈሳንድ ቲዘነው፣ ላዊዝ ቈሽ ጝሉ ኣይንት ቋቈዝ ዊግተነው፣ ላዊዝም ጝሉ ኣይንት ቋቈዝ ዊግትሸውድየንት ቲርጕመነው ይውት ይውሽተኵ።

እንቅ እጝቅ እድየን ላው መንፈሲዙ ይውት ኣቓንድ፣ እጝቅ እጅርዝቅ ጘጝ ጝቕም ፊቅደጘ ይወኵ።

እደረ እኒንት ፃቨውድም ሰውነትዝቍ ኣካላኒዝ ማኽሊል ቲተቲተነው ችጝሺጝቀ ጛስ ጛይ እኵለ ኻስቨኻስቭሽጛንስ ማጥን የጝ።

ቲተቲተው ይውት እኩ፤ መንፈስ ግን ላው የጝ። ቲተቲተው ኣግልግለውት እኩ፤ ኣደረ ግን ላው የጝ። ቲተቲተው ሰቭዙ ኣይንት እኩ፤ እኒንትቅ እጝቅ እጅርዝቅ ይወው እደረ ግን ላው የጝ።

እደረ ምከንስ ለወትረ፣ ኻወርየታን፣ ሊጘት፣ ነቪያታን፣ ሸወት ክንሰጥ፣ ቃጥልም ታምራን ፃቨቍ፣ ቓዘነው ይውት ፃየቍ፣ ላጥድዛት እርዲየነው ይውት ፃየቍ፣ ጭሰጭሰነው ይውት ፃየቍ፣ ጝሉ ኣይንት ቋቈዝ ዊግተነው ይውት ፃየቍ እቅ ሚድቭኩ።

ሰውነት ሰራሽተውድ ንቕፀቍ ኣካላኒስጚ ላው ኣካሊስም ኣየው።

እንዲያውም ጠጝካራን ኣየቍ ተክጝ እትለቍ ሰውነትዝቍ ኣካላንድዛይ ጭቕጘ በንዘቍ ጛይ።

ሰውነት እጝቅ እል ኣቓን ወሸነው ኣዊስ ችጝሽጠ ዊኑ? ሰውነት እጝቅ ቀርዝ ኣቓንስ ኻርዘነው ኣዊስ ችጝሽጠ ዊኑ? ዊገድ ግን እደረ ጝቕም ዊደጘ ኣካላንድዛት ጝታይታቕምቱ ስፍረይል ሚድቭኩ። እጝቅቅ ላው ኣካል ኣቓን ሰውነት ኣዊስ ችጝሽጠ ዊኑ?